നിര്‍ഭയം വിജയിക്കും

Short Story

oi-Saritha

By Veena

Updated: Tuesday, July 10, 2012, 13:52 [IST]

പ്പാനില്‍ ആഭ്യന്തയുദ്ധം നടക്കുന്ന കാലം, ആക്രമിച്ച് മുന്നേറിക്കൊണ്ടിരുന്ന സൈന്യം ഒരു നഗരത്തില്‍ ഇരച്ചുകയറുകയും പെട്ടെന്നു തന്നെ അതിന്റെ നിയന്ത്രണം ഏറ്റെടുക്കുകയും ചെയ്തു. ഒരു ഗ്രാമത്തില്‍ സൈന്യം എത്തുന്ന തിന് മുമ്പേ അവിടത്തെ ഒരു സെന്‍ ഗുരു ഒഴികെയുള്ള നാട്ടുകാരെല്ലാം എവിടേയ്‌ക്കോ പലായനം ചെയ്തു. ഇക്കാര്യമറിഞ്ഞ സൈന്യത്തിലെ ജനറല്‍ ഭയന്ന് ഓടാതിരുന്ന സെന്‍ ഗുരു എത്തരത്തിലുള്ള ആളാണെന്നറിയാന്‍ ക്ഷേത്രത്തിലെത്തി.

ജനറലിനെ കണ്ട ഗുരു പ്രത്യേകിച്ച് ഭാവമാറ്റമൊന്നും കാണിച്ചില്ല, മാത്രവുമല്ല പ്രത്യേക ആദരവ് കാണിക്കുകയും ചെയ്തില്ല. സൈനിക ഉദ്യോഗസ്ഥനായ തന്നെ വേണ്ടതരത്തില്‍ ആരിക്കാതിരുന്ന ഗുരുവിന്റെ പ്രവൃത്തിയില്‍ ക്ഷുഭിതനായ ജനറല്‍ ഗുരുവിനെ വിഡ്ഢിയെന്ന് സംബോധന ചെയ്തുകൊണ്ട് വാളെടുക്കുകയും ഒന്ന് ഇമവെട്ടുകപോലും ചെയ്യാതെ കൊന്നുകളയാന്‍ തനിയ്ക്ക് കഴിയുമെന്ന് ആക്രോശിക്കുകയും ചെയ്തു.

അപ്പോള്‍ ഒരിക്കല്‍പ്പോലും ഇമ ചിമ്മാതെ തനിയ്ക്ക് മരണത്തിന് മുന്നില്‍ ശാന്തനായി നില്‍ക്കാന്‍ കഴിയുമെന്നായിരുന്നു ഗുരുവിന്റെ മറുപടി.

(ഇതേകഥയില്‍ത്തന്നെ ഗുരുവിന്റെ ധൈര്യത്തിന് മുന്നില്‍ ഇളിഭ്യനായ ജനറല്‍ തിടുക്കത്തില്‍ സ്ഥലം കാലിയാക്കിയെന്ന് ചിലയിടങ്ങളില്‍ പറഞ്ഞുവരുന്നുണ്ട്)