ബുദ്ധനെ തേടുന്നവര്‍

Short Story

oi-Saritha

By Veena

Updated: Saturday, February 9, 2013, 19:14 [IST]

ഒരിക്കല്‍ പ്രമുഖനായ ഒരു സെന്‍ ഗുരു ഇങ്ങനെ പറഞ്ഞു- ബുദ്ധന്‍ യഥാര്‍ത്ഥത്തില്‍ നിങ്ങളുടെ മനസ്സാണ്, അതാണ് എന്റെ പ്രധാന ഉപദേശം.

ഇത് കേട്ട ഒരു ഭിക്ഷു ആശ്രമം വിടാനും ഗുരു പറഞ്ഞ തത്വത്തിന്റെ പൊരുളറിയാനായി വനാന്തരത്തില്‍ പോയി ധ്യാനം തുടങ്ങാനും തീരുമാനിച്ചു. അങ്ങനെ ആശ്രമം വിട്ടിറങ്ങിയ ഭിക്ഷു ഘോരവനത്തില്‍ ഇത്തരത്തില്‍ 20 വര്‍ഷം കഴിഞ്ഞു.

ഒരുദിവസം അദ്ദേഹം വനത്തിനുള്ളില്‍ യാത്രചെയ്യുന്ന മറ്റൊരു ഭിക്ഷുവിനെ കണ്ടു. തന്റെ അതേ ഗുരുവിന്റെ ശിഷ്യനാണ് ആ ഭിക്ഷുവെന്നും അദ്ദേഹം തിരിച്ചറിഞ്ഞു. ഉടന്‍തന്നെ നമ്മുടെ ഗുരു പറഞ്ഞതിനെക്കുറിച്ച് നിങ്ങള്‍ക്കെന്താണ് അറിയുന്നത് എന്ന് ഇദ്ദേഹം യാത്രക്കാരനോട് ചോദിച്ചു.

ചോദ്യം കേട്ടപ്പോള്‍ത്തന്നെ അദ്ദേഹത്തിന്റെ കണ്ണുകള്‍ തിളങ്ങി. എന്നിട്ട് ഇങ്ങനെ പറഞ്ഞു- ഗുരുവിന് ഇക്കാര്യത്തില്‍ വ്യക്തമായ കാഴ്ചപ്പാടുണ്ട്. ബുദ്ധന്‍ ഒരിക്കലും നമ്മുടെ സ്വന്തം മനസ്സല്ലെന്നതാണ് തന്റെ ഏറ്റവും പ്രധാന ഉപദേശമെന്നാണ് അദ്ദേഹം പറഞ്ഞത്.