ഉദാത്ത സൃഷ്ടികള്‍ ഉണ്ടാകുമ്പോള്‍

Published: Friday, June 29, 2012, 11:51 [IST]

ഒരിക്കല്‍ ഒരു കയ്യെഴുത്തുശാസ്ത്ര വിദഗ്ധന്‍ ഒരു കടലാസില്‍ ചില അക്ഷരങ്ങള്‍ എഴുതുകയായിരുന്നു. അദ്ദേഹത്തിന്റെ ശിഷ്യന്മാരില്‍ മിടുക്കനായ ഒരാള്‍ ഗുരു ചെയ്യുന്നകാര്യം നിരീക്ഷിക്കുന്നുണ്ടായിരുന്നു. എഴുത്തുകഴിഞ്ഞപ്പോള്‍ ഗുരു ശിഷ്യനോട് അഭിപ്രായം ചോദിച്ചു. ഉടന്‍തന്നെ ശിഷ്യന്‍ ഗുരുവിന്റെ എഴുത്ത് അത്ര മികച്ചതല്ലെന്ന് മറുപടി നല്‍കി.

ഗുരു വീണ്ടും എഴുതി, രണ്ടാം വട്ടവും ശിഷ്യന്‍ ആദ്യത്തെ അതേ മറുപടി തന്നെയാണ് നല്‍കിയത്. വീണ്ടും വീണ്ടും ഇതാവര്‍ത്തിച്ചു. ഓരോ വട്ടവും ഗുരു ആദ്യമെഴുതിയ അതേ അക്ഷരങ്ങള്‍ തന്നെ ശ്രദ്ധാപൂര്‍വ്വം വീണ്ടുമെഴുതിക്കൊണ്ടിരിക്കുകയായിരുന്നു. ഗുരു ഓരോ വട്ടം എഴുത്ത് ആവര്‍ത്തിക്കുമ്പോഴും ശിഷ്യന്‍ അതുതന്നെ നോക്കിക്കൊണ്ടിരിക്കുകയായിരുന്നു.

ഒടുവില്‍ ശിഷ്യന്റെ ശ്രദ്ധമറ്റൊരു കാര്യത്തിലേയ്ക്ക് തിരിഞ്ഞുവെന്ന് കണ്ട സമയത്ത്. ഗുരു പെട്ടെന്ന് തന്നെ എഴുതിക്കൊണ്ടിരുന്ന അക്ഷരങ്ങളില്‍ മാറ്റം വരുത്തി, വീണ്ടും ശിഷ്യനെ കാണിച്ചു. ഉടന്‍ തന്നെ ശിഷ്യന്റെ മറുപടി വന്നു ഇതാണ് അങ്ങയുടെ ശ്രേഷ്ഠമായ സൃഷ്ടി.

(ക്യോട്ടോയിലെ ഒബാകു ക്ഷേത്രകവാടത്തില്‍ കാണുന്ന ആദ്യത്തെ തത്വശാസ്ത്രമെന്ന ലിഖിതത്തിന്റെ മരയച്ചുമായി ബന്ധപ്പെട്ട ഒരു കഥയാണിത്.)