ഗുരുവെങ്കില്‍ തിരിച്ചറിവു പ്രധാനം

Short Story

oi-Saritha

By Veena

Published: Wednesday, June 27, 2012, 14:52 [IST]

പത്തുവര്‍ഷത്തെ പഠനത്തിന് ശേഷം ടെന്നോ സെന്‍ ഗുരുവാവാനുള്ള യോഗ്യത നേടി. ഗുരുവായിക്കഴിഞ്ഞ് ഒരിക്കല്‍ ഒരു മഴദിവസം ടെന്നോ പ്രശസ്തനായ സെന്‍ ഗുരുവായ നാന്‍ ഇന്‍നെ കാണാന്‍ പോയി.

'ചെരിപ്പും കുടയും പുറത്ത് വച്ചിട്ടില്ലേ'യെന്ന ചോദ്യത്തോടെയാണ് ഗുരു ടെന്നോയെ സ്വീകരിച്ചത്. രണ്ടും പുറത്തുവച്ചിട്ടുണ്ടെന്ന് ടെന്നോ മറുപടി നല്‍കി.

അപ്പോള്‍ വീണ്ടും ഗുരുവിന്റെ ചോദ്യം: "കുട ചെരിപ്പിന്റെ വലതുഭാഗത്താണോ ഇടതുഭാഗത്താണോ വെച്ചത്?"

ഈ ചോദ്യത്തിന് ഉത്തരം നല്‍കാന്‍ ടെന്നോയ്ക്ക് കഴിഞ്ഞില്ല, അപ്പോഴാണ് അദ്ദേഹത്തിന് താന്‍ ഒരു ഗുരുവാകാന്‍ മാത്രം അറിവ് കൈവരിച്ചിട്ടില്ലെന്ന് മനസ്സിലായത്. അപ്പോള്‍ത്തന്നെ ഗുരുവാകാനുള്ള തീരുമാനം വെടിഞ്ഞ് ടെന്നോ നാന്‍ ഇന്റെ ശിഷ്യനായി. തുടര്‍ന്ന് പത്തുവര്‍ഷം കൂടി പഠനം നടത്തുകയും ചെയ്തു.