വിശക്കുമ്പോള്‍ ഉണ്ണുക

"ഗുരോ ബോധോദയമെന്നാല്‍ എന്താണ്?"

അപ്പോള്‍ ഗുരു: "വിശക്കുമ്പോള്‍ ഭക്ഷണം കഴിയ്ക്കുകയും ക്ഷീണിക്കുമ്പോള്‍ ഉറങ്ങുകയും ചെയ്യുക".

ഇതേ പാഠമുള്‍ക്കൊള്ളുന്ന കഥ തന്നെ മറ്റൊരു രീതിയിലും പറഞ്ഞുവരുന്നുണ്ട്, അതിങ്ങനെയാണ്.

രണ്ട് ഗുരുക്കന്മാരുടെ ശിഷ്യന്‍മാര്‍ തമ്മില്‍ കണ്ടുമുട്ടി, ഒന്നാമന്‍ തന്റെ ഗുരുവിന്റെ കഴിവുകളെക്കുറിച്ച് സംസാരം തുടങ്ങി.

"എന്റെ ഗുരുവിന് പലതരം മാന്ത്രികമായ കാര്യങ്ങള്‍ ചെയ്യാന്‍ കഴിയും. അദ്ദേഹം വായുവിയില്‍ എഴുതുകയും ആ അക്ഷരങ്ങള്‍ നൂറു വാര അകലെയിരിക്കുന്ന കടലാസില്‍ വരുത്തുകയും ചെയ്യും, നിങ്ങളുടെ ഗുരുവിന്റെ കഴിവുകള്‍ എന്തൊക്കെയാണ്?"

അപ്പോള്‍ രണ്ടാമന്‍: "എന്റെ ഗുരുവിനും അത്ഭുതപ്പെടുത്തുന്ന കാര്യങ്ങള്‍ ചെയ്യാന്‍ കഴിയും, അദ്ദേഹം ക്ഷീണിയ്ക്കുമ്പോള്‍ ഉറങ്ങുകയും വിശക്കുമ്പോള്‍ ഭക്ഷണം കഴിയ്ക്കുകയും ചെയ്യും. അതായത് ഉറങ്ങുമ്പോള്‍ ഉറങ്ങുകയും ഉണ്ണുമ്പോള്‍ ഉണ്ണുകയും ചെയ്യും"