ശലഭമോ മനുഷ്യനോ?

Short Story

oi-Saritha

By Veena

Published: Monday, June 18, 2012, 16:19 [IST]

മഹാനായ താവോയിസ്റ്റ് ഗുരു ചുവാങ് ട്‌സു താനൊരു ചിത്രശലഭമായി അവിടവിടെ പാറിക്കളിക്കുന്നതായി ഒരു സ്വപ്‌നം കണ്ടു. സ്വപ്‌നത്തില്‍ താന്‍ പലരും ആരാധിക്കുന്ന താവോയിസ്റ്റ് ഗുരുവാണെന്നൊന്നും അദ്ദേഹത്തിന് ബോധമുണ്ടായിരുന്നില്ല, പറന്നുനടക്കുന്ന ഒരു ചിത്രശലഭം മാത്രമായിട്ടാണ് അദ്ദേഹത്തിന് തോന്നിയത്.

സ്വപ്‌നത്തില്‍ നിന്നും ഉണര്‍ന്നപ്പോഴാണ് താന്‍ ഉറങ്ങുകയായിരുന്നുവെന്ന് അദ്ദേഹത്തിന് ഓര്‍മ്മവന്നത്. പക്ഷേ ചിത്രശലഭത്തിന്റെ സ്വപ്‌നം അദ്ദേഹത്തിന്റെ ഉള്ളില്‍ രണ്ട് ചോദ്യങ്ങളാണ് ഉയര്‍ത്തിയത്. ചിത്രശലഭത്തെ സ്വപ്‌നം കണ്ട ഒരു മനുഷ്യനായിരുന്നോ താന്‍, അതോ മനുഷ്യരൂപമാണ് താനെന്ന് സ്വപ്നം കാണുന്ന ഒരു ചിത്രശലഭമാണോ?