സുഭുതിയും ദേവകളും

Short Story

oi-Saritha

By Veena

Published: Friday, June 15, 2012, 12:53 [IST]

ശ്രീബുദ്ധന്റെ ശിഷ്യനായ സുഭുതി 'ശൂന്യത'യെന്ന യഥാര്‍ത്ഥ്യത്തെ ശരിയായ അര്‍ഥത്തില്‍ ഉള്‍ക്കൊള്ളുകയും മനസ്സിലാക്കുകയും ചെയ്തയാളായിരുന്നു. ഒരു ദിവസം ശൂന്യതയെന്ന അവസ്ഥയെക്കുറിച്ചുള്ള ചിന്തകളുമായി സുഭുതി ഒരു മരച്ചുവട്ടില്‍ ഇരിയ്ക്കുകയായിരുന്നു. പൊടുന്നനേ അദ്ദേഹത്തിന് മേല്‍ പുഷ്പവര്‍ഷമുണ്ടായി. പിന്നാലെ മുകളില്‍ നിന്നും ദേവകളുടെ ശബ്ദവുമുണ്ടായി.

'ശൂന്യതയെക്കുറിച്ച് ആഴത്തിലുള്ള നിന്റെ അറിവിനെ ഞങ്ങള്‍ പ്രശംസിക്കുന്നു'വെന്നായിരുന്നു ദൈവങ്ങള്‍ പറഞ്ഞത്.

'ഞാന്‍ ഒരിക്കലും ശൂന്യതയെക്കുറിച്ച് സംസാരിച്ചിട്ടില്ലെ'ന്ന് സുഭുതി ദേവകളോട് മറുപടിയും പറഞ്ഞു.

'ശൂന്യതയെക്കുറിച്ച് നീ സംസാരിച്ചുമില്ല, അതിനെക്കുറിച്ച് ഞങ്ങള്‍ കേട്ടതുമില്ല, അതാണ് യഥാര്‍ത്ഥ ശൂന്യത'- എന്നു പറഞ്ഞുകൊണ്ട് പൂര്‍വാധികം ശക്തിയോടെ ദേവകള്‍ സുഭുതിയുടെ മേല്‍ പുഷ്പവര്‍ഷം നടത്തി.