Just In
- 1 hr ago 41,000 വര്ഷങ്ങള്ക്ക് മുമ്പ് ഭൂമിയില് അസാധാരണ നിലയില് കോസ്മിക് റേഡിയേഷന് ഉണ്ടായി
- 2 hrs ago വിട്ടുമാറാതെ രോഗം അലട്ടുന്നോ, കുടുംബത്തില് വാസ്തുദോഷമുണ്ടാവാം
- 4 hrs ago ദാമ്പത്യത്തിലെ ഈ അഞ്ച് പ്രശ്നങ്ങളാണ് വിവാഹ മോചനത്തിന് കാരണം
- 4 hrs ago ചാണക്യനീതി: ദൈവം സൃഷ്ടിച്ചത് വെറുതേയല്ല; പക്ഷികളില് നിന്ന് മനുഷ്യന് പഠിക്കേണ്ട 3 ഗുണങ്ങള്
Don't Miss
- Automobiles ആ വേല കൈയ്യിലിരിക്കട്ടെ! ഹെൽമെറ്റ് ഇട്ടിരുന്നില്ല എന്ന പേരിൽ നഷ്ടപരിഹാരം തള്ളാനാവില്ലെന്ന് മദ്രാസ് ഹൈക്കോടതി
- News ലോക്സഭാ തിരഞ്ഞെടുപ്പ്; കാസർഗോഡ് ഉണ്ണിച്ച വീണ്ടുമെത്തുമെന്ന് യുഡിഎഫ്; തിരിച്ചുപിടിക്കാൻ എൽഡിഎഫും
- Finance മൾട്ടിബാഗർ റെയിൽവേ ഓഹരികൾ, ഇപ്പോൾ വാങ്ങിയാൽ 30% നേട്ടമുണ്ടാക്കാം, കൂടെക്കൂട്ടുന്നോ
- Sports T20 World Cup 2024: ഈ 8 പേരെ ടീമിലെടുക്കൂ, ഇന്ത്യക്കു കപ്പുറപ്പ്! അഞ്ചും റോയല്സുകാര്
- Movies ഇങ്ങനൊക്കെ മനുഷ്യന് മാറാന് പറ്റുമോ? അന്ന് റിമി വലിയ ചേച്ചിയായിരുന്നു, മേക്കോവറിൽ ഞെട്ടിച്ച് വീണ്ടും റിമി ടോമി
- Technology ട്രെൻഡ് ഉണ്ടാക്കാൻ ഇൻഫിനിക്സ്! പുതിയ ഫോണിന്റെ വിലയടക്കം വലിച്ച് പുറത്തിട്ട് ടിപ്സ്റ്റർമാർ
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
ശിവപ്രീതിക്ക് ഓരോ രാശിക്കാരും ചെയ്യേണ്ടത്
മാര്ച്ച് ഒന്നിനാണ് ഈ വര്ഷം മഹാശിവരാത്രി ദിനം. ഈ ദിവസം ശിവനെ ആരാധിക്കുന്നത് ഭക്തരുടെ എല്ലാ പാപങ്ങളും ദുരിതങ്ങളും നീക്കംചെയ്യുന്നു. ഒരു വ്യക്തി തന്റെ രാശിചിഹ്നമനുസരിച്ച് ഈ ദിവസം ശിവനെ ആരാധിക്കുന്നുവെങ്കില് അത് അവര്ക്ക് വളരെ ഗുണം ചെയ്യുന്നു. നിങ്ങളുടെ രാശിചിഹ്നമനുസരിച്ച് എങ്ങനെ ശിവരാത്രി ദിനത്തില് പരമേശ്വരനെ ആരാധിക്കാമെന്ന് നോക്കാം.
Most read: ശനിദോഷം നീങ്ങാന് നിങ്ങള് ചെയ്യേണ്ടത്
മേടം
ദ്വാദശി ജ്യോതിര്ലിംഗത്തിലെ ആദ്യത്തെ ജ്യോതിര്ലിംഗമാണ് സോമനാഥ് ജ്യോതിര്ലിംഗം. മേടം രാശിചക്രത്തില് ജനിച്ചവര് മഹാശിവരാത്രിയില് സോമനാഥ് ജ്യോതിര്ലിംഗത്തെ ആരാധിക്കണം. ഇതിനു പ്രയാസമുള്ളവര്ക്ക് അവരുടെ അടുത്തുള്ള ശിവക്ഷേത്രത്തില് പോയി പരമേശ്വരനെ ധ്യാനിക്കുകയും പാലഭിഭേഷം നടത്തുകയും ശിവന് പുഷ്പങ്ങളും കൂവളത്തിലകള് അര്പ്പിക്കുകയും ചെയ്യുക.
ഇടവം
ശൈല പര്വതത്തില് സ്ഥിതി ചെയ്യുന്ന പരമേശ്വരന് ഇടവം രാശിക്കാരുടെ ദൈവമാണ്. ഈ രാശിചക്രത്തിലെ ആളുകള് പരമേശ്വരനെ ആരാധിക്കണം. ശിവന്റെ കൃപ ലഭിക്കാനുള്ള ഏറ്റവും എളുപ്പ മാര്ഗം മഹാശിവരാത്രി ദിനത്തില് ഏതെങ്കിലും ശിവലിംഗത്തെ ഗംഗാ ജലത്തില് ആരാധിക്കുക എന്നതാണ്. ശിവലിംഗത്തില് ഓക്ക് പൂക്കളും ഇലകളും അര്പ്പിക്കുക. ഈ രാശിചക്രത്തിലെ ആളുകള് ശിവനെ ധ്യാനിക്കുമ്പോള് 'ഓം നമ ശിവായ' എന്ന മന്ത്രം ചൊല്ലണം.
മിഥുനം
ഉജ്ജൈനില് സ്ഥിതിചെയ്യുന്ന മഹാകലേശ്വര് ജ്യോതിര്ലിംഗമാണ് മിഥുനം രാശിക്കാരുടെ സ്വാമി. മഹാകലേശ്വര് കാലങ്ങളുടെയും കാലമാണ്. അവരെ ആരാധിക്കുന്നവര് അകാല മരണത്തെ ഭയപ്പെടേണ്ടതില്ല. ഈ രാശിചക്രത്തില് ജനിച്ച ഒരാള് പരമശിവനെ ആരാധിക്കണം. മഹാശിവരാത്രിയില് ഈ രാശിചക്രത്തിലെ ആളുകള് പരമേശ്വരനെ ആരാധിച്ചാല് വര്ഷം മുഴുവനും അവരുടെ പ്രശ്നങ്ങളില് നിന്ന് മുക്തരാകുന്നു. പരമേശ്വരനെ ധ്യാനിക്കുന്നതിനിടെ പാലില് തേന് ചേര്ത്ത് ഒരു ശിവലിംഗത്തില് അര്ച്ചന നടത്തുകയും കൂവളത്തിന്റെ ഇലകള് അര്പ്പിക്കുകയും ചെയ്യുക. 'ഓം നമോ ഭഗവതേ രുദ്രായ' മന്ത്രം ചൊല്ലുക.
Most read:സകല പാപവും നീക്കും ശിവരാത്രി വ്രതം
കര്ക്കിടകം
മധ്യപ്രദേശിലെ നര്മദ തീരത്ത് സ്ഥിതി ചെയ്യുന്ന ഓംകാരേശ്വര് ജ്യോതിര്ലിംഗം കര്ക്കിടകം രാശിചക്രവുമായി ബന്ധപ്പെട്ടതാണ്. ഓംകാരേശ്വറില് ധ്യാനിക്കുന്നതിനിടയില് ശിവലിംഗത്തെ പഞ്ചാമൃതം ഉപയോഗിച്ച് അഭിഷേകം ചെയ്യുക. കൂവളത്തിലകളും അര്പ്പിക്കുക. വിദ്യാര്ത്ഥികള് ഈ രീതിയില് ആരാധിച്ചാല് വിദ്യാഭ്യാസ രംഗത്ത് നേരിടുന്ന തടസ്സങ്ങള് നീങ്ങും. നല്ല ആരോഗ്യം നിലനിര്ത്തും. മാനസിക പ്രശ്നങ്ങളും ആശങ്കകളും അകലും. ഭൗതിക സന്തോഷത്തിന്റെ മാര്ഗ്ഗങ്ങള് വര്ദ്ധിക്കും.
ചിങ്ങം
ഈ രാശിചക്രത്തിലെ ആളുകള് വൈദ്യനാഥ ജ്യോതിര്ലിംഗത്തെ ആരാധിക്കണം. മഹാശിവരാത്രി ദിനത്തില് ചിങ്ങം രാശിക്കാര് വൈദ്യനാഥ ജ്യോതിര്ലിംഗം സന്ദര്ശിക്കുകയാണെങ്കില് വര്ഷം മുഴുവനും ആരോഗ്യം നല്ലതാകും. അതിനു സാധിക്കാത്തവര് ഏതെങ്കിലും ശിവലിംഗത്തെ ഗംഗാ ജലത്തില് അഭിഷേകം ചെയ്യുക. ശിവനെ ആരാധിക്കുന്നത് മാനസിക സമാധാനം നല്കുന്നു. സാമൂഹിക അന്തസ്സും പ്രശസ്തിയും കൈവരിക്കുന്നു. സര്ക്കാര് ജോലികളിലെ തടസ്സവും നീക്കംചെയ്യുന്നു. അവിവാഹിതരായ പെണ്കുട്ടികള്ക്കും ഗുണം ചെയ്യുന്നു.
കന്നി
മഹാരാഷ്ട്രയിലെ ഭീമ നദിയുടെ തീരത്ത് സ്ഥിതിചെയ്യുന്ന ഭീമാശങ്കര ജ്യോതിര്ലിംഗമാണ് കന്നി രാശിക്കാരുടെ ജ്യോതിര്ലിംഗം. ഈ രാശിചക്രത്തിലുള്ളവര് ഭീമാശങ്കരനെ പ്രസാദിപ്പിക്കുന്നതിന് നെയ്യ് പാലില് കലര്ത്തി ശിവലിംഗത്തില് അഭിഷേകം ചെയ്യുക. 'ഓം ഭഗവത രുദ്രായെ' മന്ത്രം കഴിയുന്നത്ര ചൊല്ലുക. അങ്ങനെ ശിവനെ ആരാധിക്കുന്നത് ആത്മവിശ്വാസം വര്ദ്ധിപ്പിക്കുന്നു. സഹോദരങ്ങളുടെ പിന്തുണ വര്ധിക്കുന്നു. സുഹൃത്തുക്കളുമായി നല്ല ബന്ധം നിലനില്ക്കുന്നു. വര്ഷം മുഴുവന് വിവിധ സ്രോതസ്സുകളില് നിന്ന് പണം വരുന്നു.
തുലാം
തമിഴ്നാട്ടില് ശ്രീരാമന് സ്ഥാപിച്ച രാമേശ്വര് ജ്യോതിര്ലിംഗം തുലാം രാശിചക്രവുമായി ബന്ധപ്പെട്ടതാണ്. മഹാശിവരാത്രി ദിനത്തില് രാമേശ്വര ദര്ശനം നടത്തുന്നത് ദാമ്പത്യജീവിതത്തില് സ്നേഹവും ഐക്യവും നിലനിര്ത്തുന്നു. രാമേശ്വര ദര്ശനത്തിനു സാധിക്കാത്തവര് ശിവലിംഗത്തില് ഒരു കുടം വെള്ളം അഭിഷേകം ചെയ്ത് പൂക്കള് അര്പ്പിക്കുക. ശിവപഞ്ചാക്ഷരി മന്ത്രം 'ഓം നമ ശിവായ' 108 തവണ ചൊല്ലുക. ഈ രീതിയില്, ശിവനെ ആരാധിക്കുന്നത് തടസ്സങ്ങള് നീക്കുന്നു. പിതാവുമായി നല്ല ബന്ധം നിലനില്ക്കുന്നു. സാമൂഹിക അന്തസ്സ് വര്ദ്ധിക്കുന്നു. അഭിനയത്തിന്റെയോ സംഗീതത്തിന്റെയോ ലോകത്ത് ഒരു ജീവിതം നയിക്കാന് ആഗ്രഹിക്കുന്നവര്ക്ക് പ്രയോജനം ലഭിക്കുന്നു.
Most read:ഈ കല്ലുകള് ഒന്നിച്ചു ധരിച്ചാല് ആപത്ത്
വൃശ്ചികം
ഗുജറാത്തിലെ ദ്വാരക ജില്ലയിലെ നാഗേശ്വര് ജ്യോതിര്ലിംഗം വൃശ്ചികം രാശിക്കാരുമായി ബന്ധപ്പെട്ടതാണ്. ഈ രാശിചക്രത്തിലെ ആളുകള് കഴുത്തില് സര്പ്പങ്ങളുടെ മാല ധരിച്ച് സര്പ്പങ്ങളുടെ ദേവനായ നാഗേശ്വര് ജ്യോതിര്ലിംഗത്തെ ആരാധിക്കണം. മഹാശിവരാത്രിയില് നാഗേശ്വര് ജ്യോതിര്ലിംഗം സന്ദര്ശിക്കുന്നത് അപകടങ്ങള് തടയാന് സഹായിക്കുന്നു. ഇതിനു സാധിക്കാത്തവര് പാലും നെല്ലും ഉപയോഗിച്ച് ശിവനെ ആരാധിക്കുക. ജമന്തി പുഷ്പം, കൂവളത്തില എന്നിവ ശിവന് സമര്പ്പിക്കുക. ഹ്രീം ഓം നമ ശിവായ മന്ത്രം ചൊല്ലുക. ശിവനെ ആരാധിക്കുന്നത് ഭാഗ്യത്തിലേക്ക് നയിക്കുന്നു. സമ്പത്ത് വര്ദ്ധിക്കുന്നു.
ധനു
വാരണാസിയിലെ വിശ്വനാഥ ജ്യോതിര്ലിംഗ ധനു രാശിയുമായി ബന്ധപ്പെട്ടിരിക്കുന്നു. മഹാശിവരാത്രിയുടെ ഈ ദിവസം ഈ രാശിചക്രമുള്ള ആളുകള് ഗംഗാജലത്തില് കുങ്കുമം കലര്ത്തി ശിവന് സമര്പ്പിക്കണം. കൂവളത്തിന്റെ ഇലകള് ശിവലിംഗത്തില് അര്പ്പിക്കുക. മഹാശിവരാത്രി ദിവസം ചന്ദ്രന് ദുര്ബലമായി തുടരുന്നു. 'ഓം തത്പുരുഷായ വിദ്മഹേ മഹാദേവായ ധീമഹി തന്നോ രുദ്ര പ്രചോദയാം' മന്ത്രം ഉപയോഗിച്ച് ശിവനെ ആരാധിക്കുക. ഇത് ചന്ദ്രന് ശക്തി നല്കുകയും ശിവ കൃപ നേടുകയും ചെയ്യുന്നു. പെട്ടെന്നുള്ള അപകടങ്ങളില് നിന്നും മാനസിക ഉത്കണ്ഠകളില് നിന്നും മോചിതരാകുന്നു. ആരോഗ്യം മെച്ചപ്പെടുന്നു.
മകരം
നാസിക്കിലെ ത്രയംബകേശ്വര് ജ്യോതിര്ലിംഗയുമായി മകരം രാശിക്കാര് ബന്ധപ്പെട്ടിരിക്കുന്നു. മഹാശിവരാത്രി ദിവസം ഗംഗാജലത്തില് മല്ലി കലര്ത്തി ശിവന് അഭിഷേകം നടത്തുക. നീല നിറത്തിലുള്ള പൂക്കള് ശിവന് സമര്പ്പിക്കുക. ത്രയംബകേശ്വരനെ ധ്യാനിക്കുന്നതിനിടെ 'ഓം നമശിവായ' മന്ത്രം അഞ്ചു തവണ ചൊല്ലുക. അവിവാഹിതര്ക്ക് അവരുടെ തടസ്സങ്ങള് നീങ്ങി നല്ലൊരു ഇണയെ ലഭിക്കുന്നു. സന്തോഷകരമായ ദാമ്പത്യം നേടുന്നു. ബിസിനസ്സില് ലാഭം വര്ദ്ധിപ്പിക്കുകയും ചെയ്യുന്നു.
കുംഭം
കുംഭം രാശിചക്രത്തിലെ ആളുകള് ഉത്തരാഖണ്ഡിലെ കേദാര്നാഥനെ ആരാധിക്കണം. ഇതിനു സാധിക്കാത്ത കുഭം രാശിക്കാര് അടുത്തുള്ള ശിവക്ഷേത്രത്തില് മഹാശിവരാത്രി ദിവസം പരമേശ്വരനെ ധ്യാനിക്കുകയും ശിവലിംഗത്തില് പഞ്ചാമൃതം അഭിഷേകം ചെയ്യുകയും താമരപ്പൂക്കള് അര്പ്പിക്കുകയും ചെയ്യുക. 'ഓം നമശിവായ' മന്ത്രം ചൊല്ലുക. ഈ രീതിയില് മഹാശിവരാത്രിയില് ശിവനെ ആരാധിക്കുന്നത് വര്ഷം മുഴുവന് നല്ല ആരോഗ്യം നിലനിര്ത്തുന്നു. ശത്രുക്കളെയും എതിരാളികളെയും നിഷ്പ്രഭരാക്കുന്നു.
മീനം
മഹാരാഷ്ട്രയിലെ ഓറംഗബാദിലാണ് കൃഷ്ണേശ്വര് ജ്യോതിര്ലിംഗം സ്ഥിതി ചെയ്യുന്നത്. ഈ ജ്യോതിര്ലിംഗം മീനരാശിയുമായി ബന്ധപ്പെട്ടിരിക്കുന്നു. മഹാശിവരാത്രി ദിവസം കുങ്കുമം പാലില് ഇട്ടു ശിവലിംഗത്തില് അഭിഷേകം ചെയ്യുക. കുളിച്ച ശേഷം പശുവിന്റെ നെയ്യും തേനും ശിവന് സമര്പ്പിക്കുക. കൂവളത്തിന്റെ ഇലകളും ശിവന് സമര്പ്പിക്കുക. 'ഓം തത്പുരുഷായ വിദ്മഹേ മഹാദേവായ ധീമഹി തന്നോ രുദ്ര പ്രചോദയാം' മന്ത്രം ചൊല്ലുക. അങ്ങനെ ശിവരാത്രി ദിനത്തില് ശിവലിംഗത്തെ ആരാധിക്കുന്നത് ശനിയുടെ ദോഷഫലങ്ങള് ഒഴിവാക്കും. ആത്മവിശ്വാസം വര്ദ്ധിക്കും. ആരോഗ്യ പ്രശ്നങ്ങള് കുറയും. വിദ്യാര്ത്ഥികള്ക്ക് ഉന്നത വിദ്യാഭ്യാസം എളുപ്പമാക്കും.