ഏഴരശനി ദോഷം ഇപ്പോള്‍ ഈ രാശിക്കാരില്‍; പ്രശ്‌നങ്ങള്‍ വിട്ടുമാറില്ല

നീതിയുടെ ദേവന്‍

നീതിമാനായതിനാലാണ് ശനിയെ നീതിയുടെ ദൈവം എന്ന് വിളിക്കുന്നത്. ഒരു വ്യക്തി സല്‍പ്രവൃത്തികള്‍ ചെയ്യുമ്പോള്‍, ശനി നല്ല ഫലങ്ങള്‍ നല്‍കുന്നു, അതേസമയം മോശം പ്രവര്‍ത്തികള്‍ക്ക് ശനിദേവന്‍ ശിക്ഷയും നല്‍കുന്നു. സാധാരണയായി ആളുകളില്‍ ഏഴരശനി കാലം വളരെ വേദനാജനകമാണ്. ജ്യോതിഷമനുസരിച്ച്, ആറ്, എട്ട്, പന്ത്രണ്ട് ഭവനങ്ങളില്‍ ശനി തുടരുന്നത് ഏഴരശനിയുടെ ഏറ്റവും മോശം കാലഘട്ടമായി കണക്കാക്കപ്പെടുന്നു.

ശനിയുടെ ദോഷഫലങ്ങള്‍

* പ്രവൃത്തികളിലോ ഫലങ്ങളിലോ തടസ്സങ്ങളും അനാവശ്യ കാലതാമസവും

* നിരക്ഷരത, ദാരിദ്ര്യം, ദുരിതം

* വിവാഹത്തില്‍ കാലതാമസം അല്ലെങ്കില്‍ ദാമ്പത്യ ജീവിതത്തിലെ പ്രശ്നങ്ങള്‍

* ബലഹീനത

* ബന്ധങ്ങളിലെ അസ്വസ്ഥതകളും വഴക്കുകളും

* ബിസിനസ്സ്, തൊഴില്‍ മേഖലയിലെ അകാരണമായ പരാജയങ്ങള്‍ അല്ലെങ്കില്‍ നഷ്ടങ്ങള്‍

* പരിശ്രമങ്ങള്‍ക്കനുസരിച്ച് ഫലങ്ങള്‍ ലഭിക്കാതിരിക്കുക

* സാമ്പത്തിക ക്ഷാമം, കടങ്ങള്‍, ജയില്‍ ശിക്ഷകള്‍

* പണനഷ്ടം അല്ലെങ്കില്‍ വര്‍ദ്ധിച്ചുവരുന്ന കടങ്ങള്‍

* പരിക്കുകള്‍ അല്ലെങ്കില്‍ അപകടങ്ങള്‍

* ശ്വസനപ്രശ്നങ്ങള്‍, ആസ്ത്മ, കാന്‍സര്‍, എയ്ഡ്സ്, പ്രമേഹം, പക്ഷാഘാതം തുടങ്ങിയ നീണ്ടുനില്‍ക്കുന്ന, വിട്ടുമാറാത്ത, അല്ലെങ്കില്‍ ഭേദപ്പെടുത്താനാവാത്ത രോഗങ്ങള്‍.

ഏഴരശനി കാലഘട്ടം

ഒരു വ്യക്തി ജനിച്ച കൂറിന്റെ പന്ത്രണ്ടിലും ജനിച്ച കൂറിലും ജനനക്കൂറിന്റെ രണ്ടിലും ഗ്രഹചാരവശാല്‍ ശനി വരുന്ന തുടര്‍ച്ചയായ ഏഴരവര്‍ഷത്തെയാണ് ഏഴരശ്ശനി എന്നു പറയുന്നത്. ശനി ഒരു രാശിയില്‍ നില്‍ക്കുന്നത് രണ്ടരവര്‍ഷമാണ്. ഈ സമയം ധനു, മകരം, കുംഭം എന്നീ രാശിക്കാര്‍ക്കാണ് ഏഴരശനിയുടെ കാലഘട്ടം.

മകരം രാശി

2020 ജനുവരി 24 മുതല്‍ ശനിദേവന്‍ മകരം രാശിയിലാണ്. ശനിയുടെ സ്വന്തം അടയാളമാണ് മകരം. ശനി മകരത്തില്‍ തുടരുന്നതിനാല്‍, മകരം രാശിക്കാര്‍ക്ക് ഏഴരശനിയുടെ രണ്ടാം ഘട്ടം നടക്കുകയാണ്. മകരം രാശിക്കാരിലെ ശനിയുടെ ഏഴര ശനി കാലഘട്ടം 2025 മാര്‍ച്ച് 29 വരെ തുടരും.

കുംഭം രാശി

മകരം രാശിയിലെ ശനിയുടെ സംക്രമണം കാരണം, ശനിയുടെ ഏഴരശനി കാലത്തിന്റെ ആദ്യ ഘട്ടം നേരിടേണ്ടിവരുന്ന രാശിക്കാരാണ് കുംഭം രാശിക്കാര്‍. ജ്യോതിഷ കണക്കുകൂട്ടലുകള്‍ അനുസരിച്ച്, 2027 ജൂണ്‍ 3 വരെ കുംഭം രാശിയില്‍ ശനിയുടെ ഏഴരശനി കാലഘട്ടം ഉണ്ടാകും.

ധനു രാശി

മകരം രാശിയില്‍ ശനി തുടരുന്നതിനാല്‍ ഏഴര ശനിയുടെ അവസാന ഘട്ടം ധനു രാശിക്കാര്‍ നേരിടേണ്ടിവരും. ഇതു മാറിക്കഴിഞ്ഞാല്‍ പിന്നെ ധനു രാശിയുടെ ഏഴര ശനി കാലഘട്ടം 2043 ഡിസംബര്‍ 12 മുതല്‍ 2049 ഡിസംബര്‍ 3 വരെയാണ്.

ഏഴര ശനിക്ക് പരിഹാരങ്ങള്‍

ശനിദോഷം അകറ്റാന്‍ സാധാരണയായി ശനിയാഴ്ച ദിവസങ്ങളില്‍ ശനി പൂജ നടത്താം. ഈ ദിവസം, ഭക്തര്‍ പുലര്‍ച്ചെ മുതല്‍ സന്ധ്യ വരെ ഉപവസിക്കുന്നു. ശരീരത്തില്‍ എള്ള് എണ്ണ പുരട്ടിയതിനുശേഷം അതിരാവിലെ എഴുന്നേറ്റ് കുളിക്കുക. കുളി കഴിഞ്ഞ്, ഈ ദിവസം കറുത്ത വസ്ത്രങ്ങള്‍ ധരിക്കുക. വീട്ടില്‍ വിളക്ക് കത്തിക്കാന്‍ എള്ള് എണ്ണ ഉപയോഗിക്കുക. ഗണപതിയുടെ വിഗ്രഹവും ശനി ദേവന്റെ ഇരുമ്പ് പ്രതിമയും പൂജയ്ക്കായി എടുക്കാവുന്നതാണ്. ഇരുമ്പ് വിഗ്രഹം ഇല്ലെങ്കില്‍ ശനിദേവന്റെ ചിത്രമായാലും മതി. ഹനുമാനെ ആരാധിക്കുന്നത് ശനിദേവന്റെ ഭക്തര്‍ക്ക് ചില അധിക നേട്ടങ്ങള്‍ നല്‍കുമെന്ന് വിശ്വസിക്കപ്പെടുന്നു. അതിനാല്‍, ബലിപീഠത്തില്‍ ഹനുമാന്റെ ചിത്രവും വയ്ക്കുക. ശിവന്റെ വലിയ ഭക്തനാണ് ശനി. ശിവനെ ആരാധിക്കുന്നതും ശനിയുടെ അനുഗ്രഹം നേടാന്‍ ഉറപ്പുള്ള ഒരു മാര്‍ഗമാണ്. അതിനാല്‍, ശനി പൂജയില്‍ ഹനുമാനെയും ശിവനെയും ഉള്‍പ്പെടുത്തുക.

പൂജ ചെയ്യുന്ന വിധം

വിളക്കു കൊളുത്തി ഗണേശനു മുന്നില്‍ പ്രാര്‍ഥനയും നടത്തി പൂജ ആരംഭിക്കുക. എള്ള് വിത്ത് ശനി ദേവന് സമര്‍പ്പിക്കുക. ഹനുമാനും ശിവനും പുഷ്പങ്ങള്‍ അര്‍പ്പിക്കുക. പൂജയുടെ അവസാനം ഇരുപത്തിയൊന്ന് തവണ ശനി ഗായത്രി മന്ത്രം ചൊല്ലുക. പൂജയ്ക്കായി നിങ്ങള്‍ തയ്യാറാക്കിയ ഭക്ഷണങ്ങള്‍ മുന്നില്‍ വയ്ക്കുക. അവസാനം കര്‍പ്പൂര ആരതി ചെയ്യുക. ദിവസം മുഴുവന്‍ ഉപവസിക്കുകയും വൈകുന്നേരം പൂജ ആവര്‍ത്തിക്കുകയും വ്രതം അവസാനിപ്പിക്കുകയും ചെയ്യുക. വൈകുന്നേരം വ്രതം മുറിക്കാന്‍ പയര്‍ അല്ലെങ്കില്‍ എള്ള് എന്നിവ ചേര്‍ത്ത് അരി കഴിക്കുന്നത് നല്ലതാണ്.

മറ്റു പരിഹാര വഴികള്‍

മുന്‍കാല ജീവിതത്തിലെ നമ്മുടെ ദുഷ്പ്രവൃത്തികളുടെ ഫലങ്ങളാണ് ശനിദോഷമായി വന്നുചേരുന്നത്. എന്നിരുന്നാലും, ശനിദേവനെ പ്രസാദിപ്പിക്കുന്നതിന് ചില വഴികളുണ്ട്. എള്ള് എണ്ണ തേച്ച് കുളിച്ച് ശനിയാഴ്ച രാവിലെ മുതല്‍ വൈകുന്നേരം വരെ ഉപവസിക്കുക. കഴിയുമെങ്കില്‍ എള്ള്, കറുത്ത പശു, എരുമ, കറുത്ത പുതപ്പ് അല്ലെങ്കില്‍ തുണി അല്ലെങ്കില്‍ പാദരക്ഷകള്‍ എന്നിവ ദരിദ്രര്‍ക്ക് ദാനം ചെയ്യുക. കൂടാതെ ഒരു ബ്രാഹ്‌മണന് ഇരുമ്പ് സംഭാവന ചെയ്യുക. നിങ്ങള്‍ ശനി പൂജ നടത്തുന്ന ദിവസത്തില്‍ ഇവ നല്‍കുക. വൈകുന്നേരം, പൂജ അവസാനിപ്പിക്കുമ്പോള്‍ സാധ്യമെങ്കില്‍ നിങ്ങള്‍ക്ക് ശനിദേവന്‍, ഹനുമാന്‍, പരമശിവന്‍ എന്നിവരുടെ ക്ഷേത്രം സന്ദര്‍ശിക്കാവുന്നതാണ്.