Click it and Unblock the Notifications
Just In
Don't Miss
-
T20 World Cup 2024: വിക്കറ്റ് കാക്കുക റിഷഭ് തന്നെ! സഞ്ജു വാട്ടര് ബോയ്? 20 അംഗ സ്ക്വാഡ് പുറത്ത് -
മകൻ അച്ഛനെ കാണാറുണ്ട്; ആദ്യ വിവാഹ ബന്ധം പിരിഞ്ഞപ്പോൾ; തനിക്ക് മാത്രമല്ല ഇത് സംഭവിച്ചതെന്നും മേതിൽ ദേവിക -
ശൈലജക്കെതിരായ ദുഷ്പ്രചരണം; പിന്നില് ഈ മൂവര്സംഘമെന്ന് വികെ സനോജ് -
ടൊയോട്ട ഇനി ചന്ദ്രനിലേക്കോ, നാസയുമായി കൈകോർത്ത് ബ്രാൻഡ് -
എല്ലാ മാസവും ഉറപ്പായ വരുമാനം, റിട്ടയർമെന്റ് ജീവിതം അടിപൊളിയാക്കൂ, ഇതാണ് പദ്ധതി -
2 രൂപ വ്യത്യാസത്തിൽ ഇങ്ങനെ മാജിക്ക് കാണിക്കാൻ ബിഎസ്എൻഎല്ലിനേ പറ്റൂ! കാണുന്നവർ അമ്പരക്കും -
ബാംഗ്ലൂർ നഗരത്തിലെ യാത്രകൾ ഈസി; 2 കിലോമീറ്ററിന് 20 രൂപ, ജിപിഎസ് ട്രാക്കിങ്, കുട്ടികൾക്ക് സൗജന്യ യാത്ര..
ശനി ജയന്തിയില്‍ രാശിപ്രകാരം ഇവ ദാനംചെയ്താല്‍ ഐശ്വര്യവും സമൃദ്ധിയും
ഹിന്ദു കലണ്ടര്‍ അനുസരിച്ച്, എല്ലാ വര്‍ഷവും ജ്യേഷ്ഠ മാസത്തിലെ കൃഷ്ണപക്ഷത്തിലെ അമാവാസി ദിനത്തിലാണ് ശനി ജയന്തി ഉത്സവം ആഘോഷിക്കുന്നത്. ഈ വര്‍ഷം 2022 മെയ് 30 ന് ശനി ജയന്തി ആഘോഷിക്കും. സോമവതി അമാവാസി, വട സാവിത്രി വ്രതം എന്നിവയും ശനി ജയന്തി ദിനത്തില്‍ തന്നെയാണ് ഇപ്രാവശ്യം ആചരിക്കുന്നത്.
ഇക്കാരണത്താല്‍, ഈ മംഗളകരമായ ദിവസത്തില്‍ ചെയ്യുന്ന ആരാധനയ്ക്കും ദാനധര്‍മ്മങ്ങള്‍ക്കും പ്രത്യേക പ്രാധാന്യമുണ്ട്. അതുകൊണ്ട് നീതിയുടെ ദൈവമായ ശനി ഭഗവാന്റെ അനുഗ്രഹം ലഭിക്കുന്നതിനും ജീവിത പ്രശ്നങ്ങളില് നിന്നുള്ള മോചനത്തിനുമായി രാശിപ്രകാരം നിങ്ങള്‍ ചില വസ്തുക്കള്‍ ദാനം ചെയ്യേണ്ടതായുണ്ട്. അത് എന്തൊക്കെയെന്ന് നമുക്ക് നോക്കാം.
മേടം, ഇടവം
മേടം
ശനി ജയന്തി ദിനത്തില്‍ മേടം രാശിക്കാര്‍ക്ക് എണ്ണയും കറുത്ത എള്ളും ദാനം ചെയ്യുന്നത് ശുഭകരമായി കണക്കാക്കപ്പെടുന്നു.
ഇടവം
ശനിദേവന്റെ അനുഗ്രഹം ലഭിക്കാന്‍, ഇടവം രാശിക്കാര്‍ ശനി ജയന്തി ദിനത്തില്‍ ശനി ചാലിസ പാരായണം ചെയ്യുകയും പുതപ്പുകള്‍ ദാനം ചെയ്യുകയും വേണം.
മിഥുനം, കര്‍ക്കിടകം
മിഥുനം
ജ്യോതിഷ പ്രകാരം, ശനി ജയന്തി ദിനത്തില്‍ മിഥുന രാശിക്കാര്‍ കറുത്ത വസ്ത്രങ്ങള്‍ നിര്‍ധനര്‍ക്ക് ദാനം ചെയ്യണം.
കര്‍ക്കടകം
ശനി ജയന്തി ദിനത്തില്‍ കര്‍ക്കടക രാശിക്കാര്‍ ഉലുവ, എണ്ണ, എള്ള് എന്നിവ ദാനം ചെയ്താല്‍ ശുഭ ഫലങ്ങള്‍ ലഭിക്കും.
ചിങ്ങം, കന്നി
ചിങ്ങം
ചിങ്ങം രാശിക്കാര്‍ ശനി ജയന്തി ദിനത്തില്‍ ഓം വരേണ്യായൈ നമഃ എന്ന മന്ത്രം ജപിക്കുന്നതോടൊപ്പം നീലക്കല്ല് ദാനം ചെയ്യുന്നത് ഐശ്വര്യപ്രദമായി കണക്കാക്കപ്പെടുന്നു.
കന്നി
ജീവിതത്തിലെ വിഷമതകള്‍ അകറ്റാനും സന്തോഷത്തിനും ഐശ്വര്യത്തിനും വേണ്ടി ശനി ജയന്തി ദിനത്തില്‍ കന്നി രാശിക്കാര്‍ ഒരു പാവപ്പെട്ട വ്യക്തിക്ക് ചെരിപ്പ് ദാനം ചെയ്യണം.
തുലാം, വൃശ്ചികം
തുലാം
തുലാം രാശിക്കാര്‍ ഈ ദിവസം കറുത്ത വസ്ത്രവും എണ്ണയും ദാനം ചെയ്യണം.
വൃശ്ചികം
ശനിദേവന്റെ അനുഗ്രഹം ലഭിക്കാന്‍ വൃശ്ചിക രാശിക്കാര്‍ ഈ ദിവസം ഇരുമ്പ് കൊണ്ടുള്ള എന്തെങ്കിലും ദാനം ചെയ്യണം.
ധനു, മകരം
ധനു
ശനി ജയന്തി ദിനത്തില്‍, ധനു രാശിക്കാര്‍ ശനി ദേവന് അഭിഷേകം ചെയ്യണം. ഈ ദിവസം നിങ്ങള്‍ക്ക് മഞ്ഞ വസ്ത്രമോ മഞ്ഞളോ ദാനം ചെയ്യാം.
മകരം
ജ്യോതിഷ പ്രകാരം, ശനി ജയന്തി ദിനത്തില്‍ പശുവിനെ ദാനം ചെയ്യുന്നത് മകരരാശിക്കാര്‍ക്ക് ഫലദായകമായി കണക്കാക്കപ്പെടുന്നു. എന്നാല്‍ നിങ്ങള്‍ക്ക് ഒരു പശുവിനെ ദാനം ചെയ്യാന്‍ കഴിയുന്നില്ലെങ്കില്‍, നിങ്ങള്‍ക്ക് വെള്ളിയില്‍ നിര്‍മിച്ച ഒരു പശുവിനെ ദാനം ചെയ്യാം.
കുംഭം, മീനം
കുംഭം
ശനി ജയന്തി ദിനത്തില്‍ കുംഭം രാശിക്കാര്‍ ഐശ്വര്യത്തിനായി സ്വര്‍ണ്ണം ദാനം ചെയ്യണം.
മീനം
മീനം രാശിക്കാര്‍ക്ക് ശനി ജയന്തി ദിനത്തില്‍ നെയ്യ്, മഞ്ഞ വസ്ത്രം അല്ലെങ്കില്‍ മഞ്ഞള്‍ എന്നിവ ദാനം ചെയ്യാം.
ശനി ജയന്തി 2022
ഇത്തവണ മെയ് 30 തിങ്കളാഴ്ചയാണ് ശനി ജയന്തി. സോമവതി അമാവാസിയും വട സാവിത്രി വ്രതവും ഈ ദിവസമാണ്. ഈ വര്‍ഷത്തെ അവസാനത്തെ സോമവതി അമാവാസിയാണിത്. ജ്യോതിഷ പ്രകാരം ഈ ദിവസത്തിന് വലിയ പ്രാധാന്യമുണ്ട്. കണ്ഡകശനി, ശനിധൈയ്യ, ശനിമഹാദശ, ഏഴരശനി തുടങ്ങിയ ശനിദോഷങ്ങളില്‍ നിന്ന് മുക്തി നേടുന്നതിന് ശനി അമാവാസിയില്‍ ശനിദേവനെ ആരാധിക്കുന്നത് പ്രത്യേക പ്രാധാന്യമുള്ളതാണെന്ന് വിശ്വസിക്കപ്പെടുന്നു.
ശനിദേവനെ ആരാധിക്കുന്നതിന്റെ നേട്ടം
കര്‍മ്മഫലങ്ങള്‍ക്ക് അനുസൃതമായി ശനിയുടെ നിഴല്‍ നിങ്ങളില്‍ പതിക്കുന്നതാണെന്നാണ് വിശ്വാസം. അതോടെ ആ വ്യക്തിയുടെ ജീവിതം ദുരിതമാകുന്നു. ഏഴരശനിയും കണ്ഡകശനിയം ശനിദോഷവുമെല്ലാം വളരെ ദോഷകരമാണ്. അതിനാലാണ്, ഒരാള്‍ ഈ ദോഷങ്ങളെല്ലാം ഒഴിവാക്കാനായി ശനിദേവനെ ആരാധിക്കുകയും പ്രീതിപ്പെടുത്തുകയും ചെയ്യേണ്ടത്. ഇതിലൂടെ നിങ്ങള്‍ക്ക് വരാനിരിക്കുന്ന പ്രശ്നങ്ങളില് നിന്ന് മോചനം നേടാനും ശനിദോഷം ഒഴിവാക്കാനും കഴിയും.
