മഹാപ്രഭുവിന്റെ അനുഗ്രഹത്തിന് ശിവലിംഗ ആരാധന; ഇവ അര്‍പ്പിച്ചാല്‍ പരമേശ്വര പ്രീതി പെട്ടെന്ന്

ഹിന്ദുമതത്തില്‍ വളരെ പവിത്രമായി കണക്കാക്കുന്ന മാസമാണ് ശ്രാവണ മാസം. ഈ മാസം പരമേശ്വരന് സമര്‍പ്പിച്ചിരിക്കുന്നു. ഈ മാസത്തില്‍ ഭക്തര്‍ ശിവനെ പ്രസാദിപ്പിക്കാന്‍ വിവിധ മാര്‍ഗങ്ങള്‍ സ്വീകരിക്കുന്നു. അതേ സമയം, ജ്യോതിഷത്തില്‍ ശ്രാവണ മാസവുമായി ബന്ധപ്പെട്ട ചില പരിഹാരങ്ങള്‍ പറയുന്നുണ്ട്. അവ ചെയ്താല്‍ നവഗ്രഹങ്ങളുടെ ദോഷഫലങ്ങളില്‍ നിന്ന് മുക്തി നേടാനാകും. ഒന്‍പത് ഗ്രഹങ്ങളും ഭരിക്കുന്നത് ശിവനാണ്. അതുകൊണ്ട് നവഗ്രഹശാന്തിക്കായി നിങ്ങള്‍ക്ക് പരമേശ്വരനെ ആരാധിക്കാവുന്നതാണ്.

പരമശിവനെ പ്രീതിപ്പെടുത്തുന്നത് വളരെ എളുപ്പമാണ്. അസുരന്മാരും ദേവന്മാരും ശിവനെ ആരാധിക്കുകയും അവര്‍ ആഗ്രഹിക്കുന്ന അനുഗ്രഹങ്ങള്‍ ശിവനില്‍ നിന്ന് നേടുകയും ചെയ്തിരുന്നുവെന്ന് പുരാണങ്ങളില്‍ പറയുന്നുണ്ട്. എല്ലാ ജീവജാലങ്ങളും പരമശിവനു തുല്യമാണ്. ശിവന് ദേവനെന്നോ അസുരനെന്നോ വേര്‍തിരിവില്ല. ശിവനെ പ്രീതിപ്പെടുത്താനായി നിങ്ങള്‍ക്ക് ശിവലിംഗത്തെ ആരാധിക്കാവുന്നതാണ്. ചില വസ്തുക്കള്‍ ശിവലിംഗത്തില്‍ അര്‍പ്പിക്കുന്നതിലൂടെ നിങ്ങള്‍ക്ക് നവഗ്രഹദോഷത്തില്‍ നിന്ന് മുക്തിയും ജീവിതത്തില്‍ ഐശ്വര്യവും ലഭിക്കും.

സൂര്യദോഷം നീക്കാന്‍
ശ്രാവണ മാസത്തില്‍ ദിവസവും ശിവലിംഗത്തെ ആരാധിക്കണം. ഇതോടൊപ്പം ശിവലിംഗത്തില്‍ ചന്ദനവും പുരട്ടണം. ഈ ചന്ദനം കൊണ്ട് നിങ്ങളുടെ നെറ്റിയില്‍ തിലകം ചാര്‍ത്തുക. ഇങ്ങനെ ചെയ്താല്‍ സൂര്യദോഷം അകറ്റാന്‍ സാധിക്കുന്നതായിരിക്കും.

ചന്ദ്രദോഷത്തില്‍ നിന്ന് മോചനത്തിന്
നിങ്ങളുടെ ജാതകത്തില്‍ ചന്ദ്രദോഷമുണ്ടെങ്കില്‍, ശിവലിംഗത്തെ പാല്‍ കൊണ്ട് അഭിഷേകം ചെയ്യണം. ഇങ്ങനെ ചെയ്താല്‍ ചന്ദ്രദേവന്‍ പ്രസാദിക്കുകയും ചന്ദ്രദോഷത്തില്‍ നിന്ന് മുക്തി നേടാനാകുകയും ചെയ്യുന്നു.

ചൊവ്വാദോഷത്തിന് ഈ പ്രതിവിധി
ശ്രാവണ മാസത്തിലെ എല്ലാ ദിവസവും അല്ലെങ്കില്‍ എല്ലാ തിങ്കളാഴ്ചയും ശിവലിംഗത്തെ തേന്‍ കൊണ്ട് അഭിഷേകം ചെയ്യണം. ഇങ്ങനെ ചെയ്താല്‍ മംഗളദേവന്റെ അനുഗ്രഹം ലഭിക്കുന്നതായിരിക്കും. ഇതോടൊപ്പം ചൊവ്വാദോഷത്തില്‍ നിന്നും നിങ്ങള്‍ക്ക് മുക്തിയും ലഭിക്കും.

ബുധദോഷത്തില്‍ നിന്ന് മോചനത്തിന്
നിങ്ങളുടെ ജാതകത്തില്‍ ബുധന്‍ ദോഷസ്ഥാനത്താണെങ്കില്‍ അല്ലെങ്കില്‍ ബുധദോഷം ഉണ്ടെങ്കില്‍, നിങ്ങള്‍ ശ്രാവണമാസത്തിലെ എല്ലാ ദിവസവും അല്ലെങ്കില്‍ എല്ലാ തിങ്കളാഴ്ചയും ശിവലിംഗത്തില്‍ കൂവള ഇല സമര്‍പ്പിക്കണം. ഇങ്ങനെ ചെയ്താല്‍ ഭോലേനാഥിന്റെ അനുഗ്രഹം ലഭിക്കും. ഇതോടൊപ്പം ബുധദോഷത്തില്‍ നിന്നും മോചനവും നേടാനാകും.

വ്യാഴദോഷ പ്രതിവിധി
ശ്രാവണ മാസത്തിലെ എല്ലാ ദിവസവും അല്ലെങ്കില്‍ എല്ലാ തിങ്കളാഴ്ചയും ശിവലിംഗത്തില്‍ കുന്നിക്കുരു സമര്‍പ്പിക്കുക. ഇങ്ങനെ ചെയ്താല്‍ വ്യാഴദോഷത്തില്‍ നിന്ന് മുക്തി നേടാവുന്നതാണ്. കൂടാതെ ശിവന്റെ അനുഗ്രഹത്താല്‍, എല്ലാ ആഗ്രഹങ്ങളും നിറവേറ്റാനും സാധിക്കും.

ശുക്രദോഷത്തില്‍ നിന്ന് മുക്തിക്ക്
നിങ്ങളുടെ ജാതകത്തില്‍ ശുക്രദോഷമുണ്ടെങ്കില്‍, ശ്രാവണ മാസത്തിലെ എല്ലാ തിങ്കളാഴ്ചയും അല്ലെങ്കില്‍ എല്ലാ ദിവസവും ശിവലിംഗത്തിന് തൈര് കൊണ്ട് അഭിഷേകം ചെയ്യണം. ഇത് ചെയ്യുന്നതിലൂടെ ശുക്രദേവന്‍ പ്രസാദിക്കും. ഇതോടൊപ്പം ശിവന്റെ അനുഗ്രഹവും ലഭിക്കും.

രാഹു-കേതു ദോഷത്തിന് ഈ പ്രതിവിധി
ശ്രാവണ മാസത്തിലെ എല്ലാ ദിവസവും അല്ലെങ്കില്‍ എല്ലാ തിങ്കളാഴ്ചയും ശിവലിംഗത്തിന് മുകളിലെ നാഗദൈവത്തിന് വെള്ളം സമര്‍പ്പിക്കുക. ഇങ്ങനെ ചെയ്യുന്നതിലൂടെ രാഹു-കേതുക്കളുടെ ദോഷഫലങ്ങളില്‍ നിന്ന് മുക്തി നേടാന്‍ സാധിക്കുന്നതായിരിക്കും.

ശിവലിംഗത്തില്‍ ഈ സാധനങ്ങള്‍ അര്‍പ്പിക്കുക
അരി - അരി സമര്‍പ്പിക്കുന്നത് സമ്പത്ത് കൊണ്ടുവരും.
കരിമ്പിന്‍ നീര് - കരിമ്പിന്‍ നീര് നിവേദിച്ചാല്‍ എല്ലാ ആഗ്രഹങ്ങളും കൈവരും.
നെയ്യ് - ശിവലിംഗത്തില്‍ നെയ്യ് അര്‍പ്പിക്കുന്നതിലൂടെ ശരീരത്തില്‍ ഊര്‍ജ്ജം പകരുകയും ശക്തി വര്‍ദ്ധിക്കുകയും ചെയ്യുന്നു.
ചന്ദനം - ചന്ദനം അര്‍പ്പിക്കുന്നത് വ്യക്തിത്വത്തെ ആകര്‍ഷകമാക്കുകയും സമൂഹത്തില്‍ ബഹുമാനവും ആദരവും നേടിത്തരികയും ചെയ്യുന്നു.
ഗോതമ്പ് - ഗോതമ്പ് അര്‍പ്പിക്കുന്നത് സന്താനങ്ങള്‍ക്ക് സന്തോഷം നല്‍കുന്നു.
പാല് - പാല് നിവേദിച്ചാല് ശരീരത്തിന് രോഗങ്ങളില്‍ നിന്ന് മോചനം ലഭിക്കും, ആരോഗ്യം നന്നായിരിക്കും.

ദര്‍ഭ പുല്ല് - ദര്‍ഭപുല്ല വഴിപാടായി അര്‍പ്പിക്കുന്നത് ദീര്‍ഘായുസ്സ് നല്‍കുന്നു.
സുഗന്ധദ്രവ്യം - സുഗന്ധദ്രവ്യം അര്‍പ്പിക്കുന്നതിലൂടെ മനസ്സില്‍ ശുദ്ധി കുടികൊള്ളുന്നു.
കുങ്കുമം - കുങ്കുമം അര്‍പ്പിക്കുന്നതിലൂടെ ദാമ്പത്യ ജീവിതം സന്തോഷകരമാകും, ആഗ്രഹിക്കുന്ന ജീവിത പങ്കാളിയെ ലഭിക്കും.
വെള്ളം - ജലം അര്‍പ്പിക്കുന്നതിലൂടെ നമ്മുടെ പ്രകൃതം ശാന്തമാകും.
തേന്‍ - തേനും പഞ്ചസാരയും നിവേദിക്കുന്നത് ജീവിതത്തില്‍ സന്തോഷവും ഐശ്വര്യവും വര്‍ദ്ധിപ്പിക്കുകയും ദാരിദ്ര്യം നീങ്ങുകയും സംസാരത്തില്‍ മാധുര്യം വരുത്തുകയും ചെയ്യും.
തൈര് - തൈര് വഴിപാട് അര്‍പ്പിച്ചാല്‍ ജീവിതത്തിലെ പ്രശ്നങ്ങള്‍ മാറും.

മരണത്തിന്റെയും ജീവിതത്തിന്റെയും ചക്രത്തില്‍ മോക്ഷം നല്‍കാനുള്ള ഉത്തരവാദിത്തം ശിവനാണ്. എല്ലാ തിങ്കളാഴ്ചയും, മോക്ഷാവസ്ഥ ലഭിക്കാന്‍ നിങ്ങള്‍ പരമേശ്വരന് നെയ്യ് നല്‍കണം. സാമ്പത്തികമായി ബുദ്ധിമുട്ടുന്നവര്‍ക്ക്, കടബാധ്യതയില്‍ നിന്ന് മോചനം നേടാന്‍ നിങ്ങള്‍ ശിവന് അരിവെള്ളം സമര്‍പ്പിക്കണം.

ശിവാഭിഷേക സമയത്ത് ചന്ദന പേസ്റ്റ് സമര്‍പ്പിക്കുന്നത് നിങ്ങള്‍ക്ക് ലക്ഷ്മിദേവിയുടെ കൃപയും ഭാഗ്യവും നല്‍കുന്നു. തേങ്ങാവെള്ളം അര്‍പ്പിക്കുമ്പോള്‍ ജീവിതാസ്വാദനവും ആന്തരിക സംതൃപ്തിയും നല്‍കി പരമേശ്വരന്‍ നിങ്ങളെ അനുഗ്രഹിക്കുന്നു. ശിവാഭിഷേക വേളയില്‍ നിങ്ങള്‍ താമരപ്പൂക്കള്‍ സമര്‍പ്പിച്ചാല്‍ ഭോലേനാഥ് നിങ്ങളുടെ എല്ലാ ആഗ്രഹങ്ങളും നിറവേറ്റുമെന്ന് വിശ്വസിക്കപ്പെടുന്നു.