വ്യാഴാഴ്ച വ്രതം 16 ദിവസം എടുത്താല്‍ മഹാഫലം

മഹാവിഷ്ണു

വ്യാഴാഴ്ച വ്രതം മഹാവിഷ്ണു പ്രീതിയ്ക്കുള്ളതാണ്. ദേവന്മാരുടെ ഗുരുവായ ബൃഹസ്പതിയെ പ്രസാദിപ്പിയ്ക്കാനും ഈ വ്രതം എടുക്കുന്നു. ഇന്നേ ദിവസം വിഷ്ണു ഭഗവാന്റെ ഏത് അവതാരങ്ങളേയും ധ്യാനിയ്ക്കുന്നതും പ്രാര്‍ത്ഥിയ്ക്കുന്നതുമെല്ലാം ഗുണം നല്‍കും.

വ്യാഴാഴ്ച

വ്യാഴാഴ്ച ഒരിക്കല്‍ ആയി എടുക്കുന്നവരുണ്ട്, ഇത് സാമാന്യ വ്രതമായി എടുക്കുന്നവരുമുണ്ട്. സാമാന്യ വ്രതം എടുക്കുന്നവര്‍ തലേന്നു രാത്രി തന്നെ വ്രതമാരംഭിയ്ക്കും. അരി ആഹാരം, മത്സ്യ മാംസാദികള്‍ എന്നിവ ഉപേക്ഷിച്ച് ശുദ്ധമായ മനസോടും ശരീരത്തോടും കൂടി ഇരിയ്ക്കുക.

വിഷ്ണു ഭഗവാനെ

പിറ്റേന്നു രാവിലെ വീടും ചുറ്റുപാടും പൂജാമുറിയുമെല്ലാം വൃത്തിയാക്കി വെള്ളം തളിച്ചു ശുചിയാക്കി കുളി കഴിഞ്ഞ് വിളക്കു കൊളുത്തി വിഷ്ണു ഭഗവാനെ പ്രാര്‍ത്ഥിയ്ക്കാം. ഈ ദിവസം നെയ് വിളക്കു പഞ്ഞിത്തിരി ഉപയോഗിച്ചു തെളിയിക്കുന്നത് ഏറെ നല്ലതാണ്. കാര്യ സാ്ധ്യത്തിന് ഇത് ഉത്തമമാണെന്നാണ് വിശ്വാസം.

ഹനുമാനെ

മഹാവിഷ്ണു, രാമ, ഹനുമാന്‍, കൃഷ്ണ ക്ഷേത്ര ദര്‍ശനവും ഏറെ നല്ലതാണ്. ഹനുമാനെ വ്യാഴാഴ്ച പ്രീതിപ്പെടുത്തുന്നത് ഏറെ നല്ലതാണ്. ഇതിനായി കരിക്കു കൊണ്ടുള്ള അഭിഷേകം ഏറെ നല്ലതാണ്. ഇതുപോലെ വട മാല, വെറ്റില മാല, അവല്‍ നിവേദ്യം എന്നിവയും ഗുണം ചെയ്യും. വ്യാഴാഴച വ്രതമെടുക്കുന്നവര്‍ ഹനുമദ് പ്രീതി നേടുന്നത് നല്ലതാണ്.

ഇന്നേ ദിവസം

ഇന്നേ ദിവസം മഞ്ഞ വസ്ത്രം ധരിയ്ക്കുന്നതും ചന്ദനം തൊടുന്നതും മഞ്ഞവസ്ത്രം, ചെറുപയര്‍ എന്നിവ ദാനം ചെയ്യുന്നതും ഏറെ വിശേഷമാണ്.

ജീവിതത്തില്‍

ജീവിതത്തില്‍ സൗഭാഗ്യം വരാന്‍ വ്യാഴ പ്രീതി അത്യാവശ്യം. വ്യാഴം പിഴച്ചാല്‍ സര്‍വ്വതും പിഴച്ചു എന്നാണ് പറയുക. വ്യാഴ ദശയുള്ളവര്‍ ഈ വ്രതം നോല്‍ക്കുന്നത് ഏറെ നല്ലതാണ്. വ്യാഴം അനുകൂലമല്ലെങ്കില്‍ സാമ്പത്തിക നഷ്ടം, കാര്യ തടസം തുടങ്ങിയവ ഫലമായി വരാം.

രോഹിണി, അത്തം, തിരുവാതിര

രോഹിണി, അത്തം, തിരുവാതിര നക്ഷത്രക്കാര്‍ പ്രത്യേകിച്ചും മഹാവിഷ്ണുവിന്റെ കടാക്ഷമുള്ളവരാണ്. ഇവര്‍ വ്യാഴാഴ്ച വ്രതം നോല്‍ക്കുന്നത് ഇതു കൊണ്ടു തന്നെ ഏറെ ഗുണകരവുമാണ്.

വിദ്യാര്‍ത്ഥികള്‍ക്ക്

വിദ്യാര്‍ത്ഥികള്‍ക്ക് വ്യാഴദശ വിദ്യാഭ്യാസ കാര്യങ്ങളില്‍ ദോഷം വരുത്തും. ഇതു കൊണ്ട് വ്യാഴദശാപഹാരം ഉള്ള വിദ്യാര്‍ത്ഥികള്‍ ഇതു നോല്‍ക്കുന്നത് ഏറെ നല്ലതാണ്.

അടുപ്പിച്ച് 16 വ്യാഴാഴ്ചകളില്‍

അടുപ്പിച്ച് 16 വ്യാഴാഴ്ചകളില്‍ വ്രതം നോറ്റാല്‍ വ്യാഴ ദശ കാരണമുള്ള ദോഷങ്ങളെ മറി കടക്കാമെന്നാണ് പറയുക. ആഴ്ചയില്‍ അടുപ്പിച്ച് 16 വ്യാഴാഴ്ച ചെയ്യാന്‍ പറ്റുന്നവര്‍ ഇങ്ങനെ ചെയ്യുക. അല്ലാത്തവര്‍ക്ക് മാസത്തിലെ ഒരു വ്യാഴാഴ്ച, പ്രത്യേകിച്ചും മുപ്പട്ടു വ്യാഴാഴ്ച, അടുപ്പിച്ച് കുറച്ചു മാസങ്ങള്‍ ചെയ്തു തീര്‍ക്കാം.

വ്യാഴാഴ്ച ദിവസം

വ്യാഴാഴ്ച ദിവസം വിഷ്ണു സഹസ്രനാം, ഓം നമോ നാരായണ മന്ത്രം എന്നിവയെല്ലാം ജപിയ്ക്കുന്നത് ഏറെ നല്ലതാണ്. വിഷ്ണുപ്രീതിയ്ക്കുള്ളവയാണ് ഇവയെല്ലാം. വിഷ്ണുവിന് പായസം വഴിപാടും ഈ ദിവസം നല്ലതാണ്. മഞ്ഞപ്പൂക്കള്‍ കൊണ്ടുള്ള അര്‍ച്ചനയു വ്യാഴാഴ്ച വ്രതാനുഷ്ഠാനത്തിന് ഗുണകരമാണ്.

ഇന്നേ ദിവസം

ഇന്നേ ദിവസം ഒരിക്കലൂണ് ആക്കാം. പൂര്‍ണ ഉപവാസവും ഫലം നല്‍കുന്ന ഒന്നാണ്. രാത്രിയില്‍ തീര്‍ച്ചയായും അരി ഭക്ഷണം ഒഴിവാക്കുക. കൃത്യമായി വ്യാഴാഴ്ച വ്രതം നോറ്റാല്‍ വ്യാഴ ദശയുടെ ദോഷം ഒഴിവാക്കാന്‍ സാധിയ്ക്കുമെന്നാണ് വിശ്വാസം.