നവഗ്രഹങ്ങള്‍ ദുരിതത്തിലാക്കും ജോലി, വിവാഹം കുടുംബം: 9 ദിനം ഇപ്രകാരം അനുഷ്ഠിക്കാം

സൂര്യ മഹാദശ അകറ്റാനുള്ള വഴികള്‍

സൂര്യമഹാദശ നിങ്ങളെ ബാധിച്ചിട്ടുണ്ടെങ്കില്‍ അതിന് പരിഹാരം കാണുന്നതിന് വേണ്ടി സൂര്യമന്ത്രം ജപിക്കേണ്ടതാണ്. സൂര്യന്‍ ബലഹീനനും അശുഭസ്ഥാനത്തുമാണെങ്കില്‍ പല പ്രശ്‌നങ്ങളും നിങ്ങള്‍ അനുഭവിക്കേണ്ടി വരും. ഈ സമയം സൂര്യന്റെ ദോഷഫലങ്ങളെ മറികടക്കുന്നതിന് വേണ്ടി 'ഓം ഘൃണി: സൂര്യായ നമഃ' എന്ന മന്ത്രം ജപിക്കക. ഇതുകൂടാതെ ആദിത്യ ഹൃദയ സ്‌തോത്രവും ഉരുക്കഴിക്കുന്നതിന് ശ്രദ്ധിക്കുക. കൂടാതെ സൂര്യന്റെ മഹാദശ അകറ്റാന്‍ മോതിരവിരലില്‍ ചെമ്പോ മാണികമോ മോതിരം ധരിക്കാം. പാവപ്പെട്ടവര്‍്ക്ക് ഭക്ഷണം ദാനം ചെയ്യുന്നതും നല്ലതാണ്. 9 ദിവസം സ്ഥിരമായി ഈ മന്ത്രം ജപിക്കേണ്ടതാണ്.

ചന്ദ്ര മഹാദശ അകറ്റാനുള്ള വഴികള്‍

ചന്ദ്രന്റെ സ്ഥാനം ദുര്‍ബലമാവുമ്പോള്‍ അത് നമ്മുടെ ജീവിതത്തില്‍ ചില മാറ്റങ്ങള്‍ സൃഷ്ടിക്കുന്നുണ്ട്. ഇതിന് പരിഹാരം കാണുന്നതിന് വേണ്ടി 'ഓം ശ്രംഗ് ശ്രിംഗ് ശ്രൗങ് സഃ ചന്ദ്രാംസേ നമഃ' മന്ത്രം ജപിക്കുക. ഇതുകൂടാതെ ശിവനെയും പാര്‍വതിയെയും ആരാധിക്കുന്നതിലൂടേയും നിങ്ങളുടെ ദോഷങ്ങളെ അകറ്റുന്നതിന് സാധിക്കുന്നു. ഇത് കൂടാതെ ശിവന് രുദ്രാഭിഷേകം നടത്തുന്നതിനും ശ്രദ്ധിക്കണം. ഇതിലൂടെയും നിങ്ങളുടെ ദോഷദശകള്‍ മാറുന്നു.

ചൊവ്വയുടെ മഹാദശ അകറ്റാനുള്ള വഴികള്‍

ചൊവ്വയുടെ ദോഷഫലങ്ങളേയു ഇല്ലാതാക്കുന്നതിന് വേണ്ടി നമുക്ക് ചില കാര്യങ്ങള്‍ ശ്രദ്ധിക്കാവുന്നതാണ്. ഇത്തരം പ്രതിസന്ധികളില്‍ നിന്ന് പരിഹാരം കാണുന്നതിന് വേണ്ടി ഹനുമാന്‍ സ്വാമിയെയാണ് ആരാധിക്കേണ്ടത്. ഇത് കൂടാതെ 7 ചൊവ്വാഴ്ചകളില്‍ ഭഗവാന് അവില്‍ നിവേദ്യം സമര്‍പ്പിക്കണം. അതോടൊപ്പം ശര്‍ക്കരയും പയറും വാനരന്‍മാര്‍ക്ക് നല്‍കുന്നതിനും ശ്രദ്ധിക്കുക. മോതിര വിരലില്‍ ചെമ്പ് മോതിരം ധരിക്കുന്നതും ദോഷഫലങ്ങളെ ഇല്ലാതാക്കുന്നു.

ബുധന്റെ മഹാദശ അകറ്റാനുള്ള വഴികള്‍

ബുധന്‍ ഒരാളുടെ ജാതകത്തില്‍ വളരെ വലിയ സ്ഥാനം വഹിക്കുന്ന ഒരു ഗ്രഹമാണ്. നിങ്ങളുടെ ജാതകത്തില്‍ ബുധന്‍ ദോഷ സ്ഥാനത്താണ് എന്നുണ്ടെങ്കില്‍ ജീവിതത്തില്‍ അനുകൂലഫലത്തിന് വേണ്ടി ദിനവും ബുധബീജ മന്ത്രം ജപിക്കേണ്ടതാണ്. ഇത് കൂടാതെ ദുര്‍ഗ്ഗാ സപ്തശ്ലോകവും ജപിക്കേണ്ടതാണ്. പശുക്കള്‍ക്ക് പുല്ലും വെള്ളവും നല്‍കുന്നതും ദോഷഫലങ്ങളെ ചെറുക്കുന്നതിന് സഹായിക്കുന്നു. കഠിനതകളും കഷ്ടതകളും അകറ്റി ഐശ്വര്യപൂര്‍ണമായ ജീവിതത്തിന് 9 ദിനം തുടര്‍ച്ചയായി നവഗ്രഹ ക്ഷേത്ര ദര്‍ശനം നടത്തുകയും മന്ത്രങ്ങള്‍ ഉരുവിടുകയും വേണം.

വ്യാഴത്തിന്റെ മഹാദശ അകറ്റാനുള്ള വഴികള്‍

വ്യാഴത്തിന്റെ മഹാദശ അഥവാ വ്യാഴത്തിന്റെ ദോഷഫലങ്ങളെ നീക്കുന്നതിന് വേണ്ടി 'ഓം ഗ്രിംഗ് ഗ്രിംഗ് ഗ്രുങ് സാ ഗുരുബേ നമഃ ' എന്ന മന്ത്രം ജപിക്കുക. ഇതുകൂടാതെ വിഷ്ണുവിനെ ആരാധിക്കുന്നതിനും ശ്രദ്ധിക്കുക. വ്യാഴാഴ്ച ദിനത്തില്‍ വിഷ്ണു ക്ഷേത്ര ദര്‍ശനം നടത്തുകയും പാല്‍പ്പായസം വഴിപാടായി കഴിപ്പിക്കുകയും ചെയ്യുക. കൂടാതെ മഞ്ഞള്‍ പുഷ്പം, നിവേദ്യം, മുതലായവ ഭഗവാന് സമര്‍പ്പിക്കുകയും ചെയ്യുക.

ശുക്രന്‍ മഹാദശ അകറ്റാനുള്ള വഴികള്‍

ജാതകത്തില്‍ ശുക്രന്റെ സ്ഥാനം ദോഷത്തിലാണെങ്കില്‍ ശുക്രന്റെ ദോഷഫലങ്ങളില്‍ നിന്ന് മോചനം നേടുന്നതിന് വേണ്ടി 'ഓം ശുങ് ശുക്ര നമഃ' എന്ന മന്ത്രം ജപിക്കുക. ഇതുകൂടാതെ ലക്ഷ്മീപൂജയോ ശ്രീസൂക്തമോ ചൊല്ലുന്നതും നല്ലതാണ്. ഇതെല്ലാം നിങ്ങളുടെ ജീവിതത്തില്‍ നിന്ന് ശുക്രന്റെ ദോഷഫലങ്ങളെ ഇല്ലാതാക്കുകയും ജീവിതത്തില്‍ ഐശ്വര്യം നിറക്കുകയും ചെയ്യുന്നു. ശുക്രനുമായി ബന്ധപ്പെട്ട വെള്ള നിറത്തിലുള്ള ഭക്ഷണ വസ്തുക്കളും മറ്റ് വസ്തുക്കളും ദാനം ചെയ്യുക. വജ്രം ധരിക്കുന്നത് ശുക്രന്റെ ദോഷഫലങ്ങളെ കുറക്കും.

ശനി മഹാദശ അകറ്റാനുള്ള വഴികള്‍

ശനി മഹാദശക്ക് പരിഹാരം കാണുന്നതിന് വേണ്ടി നമ്മള്‍ വളരെയധികം ശ്രദ്ധിക്കണം. ജീവിതത്തില്‍ ശനിയുടെ സാന്നിധ്യം വളരെയധികം ദോഷഫലങ്ങളെ പ്രദാനം ചെയ്യുന്നുണ്ട്. രണ്ടരവര്‍ഷത്തോളമാണ് ശനിയുടെ സഞ്ചാര സമയം. ഈ രണ്ടര വര്‍ഷം ആ വ്യക്തിക്ക് ദോഷഫലങ്ങള്‍ ഉണ്ടാവുന്നു. ശനിയുടെ ദോഷത്തെ അകറ്റി നേട്ടങ്ങള്‍ നല്‍കുന്നതിന് വേണ്ടി 'ഓം സാങ് ശനൈശ്ചരൈ്യ നമഃ' എന്ന് ജപിക്കുക. ഇതുകൂടാതെ ശനി, ചൊവ്വ ദിവസങ്ങളില്‍ ഹനുമാനെ ആരാധിക്കുകയും ക്ഷേത്രദര്‍ശനവും നടത്തുന്നതിന് ശ്രദ്ധിക്കുക.

രാഹു, കേതു മഹാദശ അകറ്റാനുള്ള വഴികള്‍

രാഹു-കേതു ദശകള്‍ അല്‍പം പ്രതിസന്ധികള്‍ കൂടുതല്‍ സൃഷ്ടിക്കുന്നതാണ്. രാഹുദശയില്‍ നിന്ന് മുക്തി നേടാന്‍ 'ഓം രംഗ് രാഹുബേ നമ' എന്ന മന്ത്രം പതിവായി ജപിക്കുക. ഇത് കൂടാതെ ശിവനെ ആരാധിക്കുകയും ശിവന്റെ അവതാരമായ കാലലഭൈരവനെ ആരാധിക്കുകയും വേണം. ഇത് നിങ്ങളുടെ രാഹുവിന്റെ ദോഷഫലങ്ങളെ കുറക്കുന്നു. കേതുവിന്റെ ദോഷഫലങ്ങളില്‍ നിന്ന് മുക്തി നേടുന്നതിന് വേണ്ടി നിങ്ങള്‍ക്ക് 'ഓം കെങ് കേത്‌ബേ നമഃ 'മന്ത്രം ജപിക്കുക. ഇത് കൂടാതെ ഗണപതിഭഗവാനെ ആരാധിക്കുകയും പക്ഷികള്‍ക്ക് ഭക്ഷണം നല്‍കുകയും ചെയ്യുക. ജീവിത്തതില്‍ മാറ്റങ്ങള്‍ കൊണ്ട് വരുന്നതിന് ഇത് സഹായിക്കുന്നു.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്‌സ്‌കൈ ഇത് സ്ഥിരീകരിക്കുന്നില്ല. ഇത്തരം കാര്യങ്ങള്‍ ചെയ്യുന്നതിന് മുന്‍പ് വിദഗ്ധന്റെ ഉപദേശം സ്വീകരിക്കേണ്ടതാണ്