Rahu Transit 2023 Effects: 2023ല്‍ ഇടവം ഉള്‍പ്പെടെ 4 രാശിക്ക് കഷ്ടതകള്‍; രാഹുവിന്റെ പ്രതികൂല ഫലം

മേടം

നിങ്ങളുടെ സ്വന്തം രാശിയില്‍ സഞ്ചരിക്കുന്ന സാഹചര്യത്തില്‍ രാഹു നിങ്ങളെ പ്രതികൂലമായി ബാധിക്കും. രാഹുവിന്റെ സംക്രമണം നിങ്ങളുടെ സാമ്പത്തിക സ്ഥിതിയെ ബാധിക്കും. ഈ സമയത്ത്, നിങ്ങളുടെ ബജറ്റ് പ്രത്യേകം ശ്രദ്ധിക്കുക. നിങ്ങള്‍ നിക്ഷേപം നടത്താന്‍ ആഗ്രഹിക്കുന്നുവെങ്കില്‍, ജാഗ്രതയോടെ നടപടികള്‍ കൈക്കൊള്ളുക. രാഹു സംക്രമണം കാരണം, നിങ്ങളുടെ അടുത്തുള്ള ഒരാളുമായുള്ള നിങ്ങളുടെ ബന്ധം വഷളായേക്കാം. ഈ സമയത്ത് നിങ്ങള്‍ക്ക് പണം ലഭിക്കും, എന്നാല്‍ നിങ്ങളുടെ ചെലവുകളും ഉയര്‍ന്നതായിരിക്കും. എന്നിരുന്നാലും, ഒക്ടോബറില്‍ രാഹുവിന്റെ രാശി മാറുമ്പോള്‍, നിങ്ങളുടെ ജീവിതത്തിലും ചെറിയ മാറ്റമുണ്ടാകാം.

ഇടവം

നിങ്ങളുടെ രാശിയുടെ 12ാം ഭാവത്തില്‍ രാഹുവിന്റെ സംക്രമണം നടക്കും. രാഹുവിന്റെ ചലനം ഇടവം രാശിക്കാരുടെ സാമ്പത്തിക സ്ഥിതിയെ വളരെയധികം ബാധിക്കും. ഈ സമയത്ത് നിങ്ങള്‍ക്ക് പാഴ് ചെലവുകള്‍ വളരെ കൂടുതലായിരിക്കും. രാഹു കാരണം നിങ്ങളുടെ ജോലിയില്‍ തടസ്സങ്ങളും കാലതാമസവും ഉണ്ടാകും. നിങ്ങളുടെ ജോലിക്കായി ഒരുപാട് അധ്വാനിക്കേണ്ടിവരും. നിങ്ങളുടെ മനസ്സ് അല്‍പ്പം അസ്വസ്ഥവും ദുഃഖിതവുമായി തുടരും. എന്നിരുന്നാലും, ഒക്ടോബറില്‍ രാഹു രാശി മാറുമ്പോള്‍ സാഹചര്യങ്ങള്‍ മാറുന്നതായി കാണാം.

Most read:സിദ്ധിയോഗവുമായി വര്‍ഷത്തിലെ അവസാന പൗര്‍ണമി, കര്‍മ്മങ്ങള്‍ക്ക് 32 ഇരട്ടി പുണ്യം; ഈ പ്രതിവിധി ചെയ്യൂ

കന്നി

രാഹുവിന്റെ സംക്രമണം നിങ്ങളുടെ രാശിയുടെ എട്ടാം ഭാവത്തിലാണ്. രാഹുവിന്റെ പിന്തിരിപ്പന്‍ ചലനം നിങ്ങളുടെ ഉദ്യമങ്ങളെ പ്രതികൂലമായി ബാധിക്കും. അതുമൂലം നിങ്ങള്‍ക്ക് നഷ്ടങ്ങള്‍ ഉണ്ടാകാന്‍ സാധ്യതയുണ്ട്. ഈ സമയത്ത് നിങ്ങള്‍ക്ക് കൂടുതല്‍ ബുദ്ധിമുട്ടുകള്‍ നേരിടേണ്ടി വന്നേക്കാം. നിങ്ങളുടെ ആരോഗ്യവും വഷളായേക്കാം. നിങ്ങളുടെ ആരോഗ്യത്തിന്റെ കാര്യത്തില്‍ യാതൊരുവിധ അശ്രദ്ധയും കാണിക്കരുത്. നിങ്ങളുടെ സുഹൃത്തുക്കളുമായുള്ള ബന്ധത്തെയും രാഹു മോശമായി ബാധിക്കും. ഈ സമയത്ത്, നിങ്ങളുടെ സുഹൃത്തുക്കളുമായി വഴക്കുകള്‍ ഉണ്ടായേക്കാം. നിങ്ങളുടെ സ്വന്തക്കാര്‍ പോലും നിങ്ങളോട് അപരിചിതരെപ്പോലെ പെരുമാറിയേക്കാം. എങ്കിലും ഒക്ടോബറില്‍ രാഹുവിന്റെ രാശിമാറ്റം മൂലം സ്ഥിതിഗതികളില്‍ നേരിയ മാറ്റം ഉണ്ടാകും.

മകരം

രാഹു നിങ്ങളുടെ രാശിയുടെ നാലാം ഭാവത്തില്‍ സഞ്ചരിക്കുന്നു. നിങ്ങളുടെ സാമ്പത്തിക സ്ഥിതി ഈ സമയം മോശമായേക്കാം. നിങ്ങളുടെ ചെലവുകള്‍ വര്‍ദ്ധിക്കും. ഈ സമയത്ത് നിങ്ങള്‍ക്ക് കൂടുതല്‍ അധ്വാനിക്കേണ്ടതായി വന്നേക്കാം. ബിസിനസ്സുകാര്‍ക്കും ഈ കാലയളവ് അനുകൂലമായിരിക്കില്ല. ഈ സമയത്ത് അവര്‍ക്ക് ഒരുപാട് ബുദ്ധിമുട്ടുകള്‍ തരണം ചെയ്യേണ്ടി വന്നേക്കാം. രാഹു നിങ്ങളുടെ ബന്ധങ്ങളെയും ബാധിക്കും. ഒക്ടോബറില്‍ രാഹുവിന്റെ രാശിമാറ്റം കാരണം സാഹചര്യങ്ങള്‍ അല്‍പ്പം മാറിയേക്കാം.

Most read:വീടിന് ഐശ്വര്യക്കേടും വീട്ടംഗങ്ങള്‍ക്ക് ദോഷവും; ഈ ദിവസങ്ങളില്‍ തുളസി ചെടിക്ക് വെള്ളമൊഴിക്കരുത്

രാഹുവിന് പ്രതിവിധി

രാഹുദോഷത്തെ ശമിപ്പിക്കാന്‍ സഹായിക്കുന്ന ചില പ്രതിവിധികളുണ്ട്. എന്നിരുന്നാലും, അത് ഉള്‍പ്പെട്ടിരിക്കുന്ന ഗ്രഹത്തിന് അനുസൃതമായി ഫലങ്ങള്‍ വ്യത്യാസപ്പെടാം. രാഹുവിന്റെ ദോഷഫലങ്ങളില്‍ നിന്ന് രക്ഷപ്പെടാന്‍ താഴെപ്പറയുന്ന കാര്യങ്ങള്‍ ചെയ്യുക:

* ഗോതമ്പ്, ശര്‍ക്കര, ചെമ്പ് എന്നിവ ദാനം ചെയ്യുക.

* കഴുത്തില്‍ വെള്ളി ചെയിന്‍ ധരിക്കുക.

* ഒഴുകുന്ന വെള്ളത്തില്‍ തേങ്ങ ഇടുക.

* രാഹുവിന്റെ അധിപ ദേവതയായ ദുര്‍ഗ്ഗാദേവിയെ പ്രാര്‍ത്ഥിക്കുകയും ആരാധിക്കുകയും ചെയ്യുന്നത് രാഹുവിനെ പ്രീതിപ്പെടുത്തും.

* 'ഓം ദുര്‍ഗയേ നമഹ' എന്ന മന്ത്രം എല്ലാ ബുധനാഴ്ചയും 108 തവണ ജപിക്കുക. രാഹു മൂലമുണ്ടാകുന്ന ബുദ്ധിമുട്ടുകള്‍ നേരിടാന്‍ ഇത് സഹായിക്കും.

* വെളുത്തുള്ളി, ഉള്ളി, കടുകെണ്ണ തുടങ്ങിയ ഭക്ഷണങ്ങള്‍ ദാനം ചെയ്യുന്നത് രാഹുവിന്റെ ദോഷഫലങ്ങള്‍ കുറയ്ക്കും.

* കറുപ്പും നീലയും രാഹുവുമായി ബന്ധപ്പെട്ട നിറങ്ങളായതിനാല്‍, കറുത്ത പുതപ്പുകള്‍ പാവപ്പെട്ടവര്‍ക്ക് ദാനം ചെയ്യുന്നത് രാഹുവിനെ പ്രീതിപ്പെടുത്താനുള്ള ഏറ്റവും നല്ല മാര്‍ഗമാണ്.

* പക്ഷികള്‍ക്കും ഉറുമ്പുകള്‍ക്കും മൃഗങ്ങള്‍ക്കും ഉഴുന്ന് നല്‍കുന്നതും രാഹുദോഷത്തെ ശമിപ്പിക്കാന്‍ സഹായിക്കും.