സമ്പത്തും ഐശ്വര്യവും കൈവരും, മാനസിക പ്രശ്‌നങ്ങളില്‍ നിന്ന് മോചനവും; ഫാല്‍ഗുന പൂര്‍ണിമ പൂജ

ഫാല്‍ഗുന പൂര്‍ണിമ പ്രാധാന്യം

ഹിന്ദുമതത്തില്‍ പൂര്‍ണി ദിവസത്തിന് പ്രത്യേക പ്രാധാന്യമുണ്ട്. പൂര്‍ണിമ എന്നത് സംസ്‌കൃത പദമാണ്, അതിനര്‍ത്ഥം പൂര്‍ണ്ണചന്ദ്രന്‍ എന്നാണ്. മാസത്തിലൊരിക്കല്‍ പൗര്‍ണ്ണമി വരുന്നു. ഫാല്‍ഗുന മാസത്തിലെ പൗര്‍ണ്ണമി വളരെ സവിശേഷമാണ്. ഇത് ഫാല്‍ഗുന പൂര്‍ണിമ, വസന്തപൂര്‍ണിമ എന്നീ പേരുകളിലും അറിയപ്പെടുന്നു. ഈ ദിവസം മഹാവിഷ്ണുവിനും ലക്ഷ്മി ദേവിക്കുമൊപ്പം ചന്ദ്രദേവനെയും പൂജിക്കുന്നു. ഫാല്‍ഗുന പൂര്‍ണിമ വ്രതം ഒരു വ്യക്തിയുടെ ജീവിതത്തില്‍ സന്തോഷവും സമൃദ്ധിയും സമാധാനവും നല്‍കുമെന്ന് വിശ്വസിക്കപ്പെടുന്നു. സമ്പത്തും ഐശ്വര്യവും കൈവരുന്നു, മാനസിക പ്രശ്നങ്ങളില്‍ നിന്ന് മോചനം ലഭിക്കുന്നു.

ഫാല്‍ഗുന പൂര്‍ണിമ ശുഭമുഹൂര്‍ത്തം

ഈ വര്‍ഷത്തെ ഫാല്‍ഗുന പൂര്‍ണിമ വരുന്നത് മാര്‍ച്ച് 7 ചൊവ്വാഴ്ചയാണ്.

ഫാല്‍ഗുന പൂര്‍ണിമ തീയതി ആരംഭം- മാര്‍ച്ച് 06, 04:17 pm.

ഫാല്‍ഗുന പൂര്‍ണിമ തീയതി അവസാനം - മാര്‍ച്ച് 07, 06:09 pm.

ചന്ദ്രോദയ സമയം - മാര്‍ച്ച് 7, 06:19 pm

സ്‌നാന മുഹൂര്‍ത്തം - മാര്‍ച്ച് 7, രാവിലെ 05:07 മുതല്‍ 05:56 വരെ

ലക്ഷ്മി പൂജ മുഹൂര്‍ത്തം- മാര്‍ച്ച് 8 - 12:13 AM മുതല്‍ 01:02 AM വരെ

ഹോളിക ദഹന്‍ മുഹൂര്‍ത്തം - മാര്‍ച്ച് 7, വൈകുന്നേരം 06:24 മുതല്‍ 08:51 വരെ.

ഫാല്‍ഗുന പൂര്‍ണിമ പൂജാവിധി

ഈ ദിവസം അതിരാവിലെ എഴുന്നേറ്റു പുണ്യ നദിയിലോ തടാകത്തിലോ കുളത്തിലോ കുളിക്കുക. അതിനു കഴിയുന്നില്ലെങ്കില്‍ വീട്ടില്‍ ഗംഗാജലം വെള്ളത്തില്‍ കലക്കി കുളിക്കുക. ഇതിനുശേഷം ശുദ്ധമായ വസ്ത്രം ധരിച്ച് മഹാവിഷ്ണുവിനെ ആരാധിക്കുക. ഈ ദിവസം സൂര്യോദയം മുതല്‍ ചന്ദ്രോദയം വരെ ഉപവസിക്കുക. ചന്ദ്രന്‍ ഉദിച്ചശേഷം വ്രതം മുറിക്കുക.

ഫാല്‍ഗുന പൂര്‍ണിമ വ്രതമെടുത്താല്‍

ഈ ദിവസം വ്രതമനുഷ്ഠിക്കുകയും ദാനധര്‍മ്മങ്ങള്‍ നടത്തുകയും ചെയ്താല്‍ നിങ്ങള്‍ക്ക് നല്ല ആരോഗ്യം ലഭിക്കുമെന്ന് വിശ്വസിക്കപ്പെടുന്നു. എള്ള്, നെയ്യ്, പഴങ്ങള്‍, കടുകെണ്ണ മുതലായവ ദാനം ചെയ്യുന്നത് വളരെ ഗുണകരമാണ്. മഹാവിഷ്ണുവിനെ കൂടാതെ ശങ്കരനെയും ഈ ദിവസം ആരാധിക്കുന്നു. ഇതോടൊപ്പം സന്ധ്യാസമയത്ത് ചന്ദ്രനെയും ആരാധിക്കണം. ഫാല്‍ഗുന പൂര്‍ണിമയില്‍ സൂര്യോദയം മുതല്‍ ചന്ദ്രോദയം വരെ വ്രതം അനുഷ്ഠിക്കുന്നത് നിങ്ങളുടെ ജീവിതത്തിലെ എല്ലാ ദുഃഖങ്ങളെയും നശിപ്പിക്കുമെന്നാണ് വിശ്വാസം.

ഫാല്‍ഗുന പൂര്‍ണിമയില്‍ ചെയ്യേണ്ടത്

നിങ്ങള്‍ക്ക് സാമ്പത്തിക പ്രശ്നങ്ങളുണ്ടെങ്കില്‍, ഫാല്‍ഗുന പൂര്‍ണ്ണിമ നാളില്‍ നിങ്ങള്‍ വിഷ്ണുവിനൊപ്പം ലക്ഷ്മി ദേവിയെയും ആരാധിക്കുക. ഈ ദിവസം നിങ്ങള്‍ ശ്രീ സൂക്തം, കനക്ധാരാ സ്‌തോത്രം, വിഷ്ണു സഹസ്ത്രണം എന്നിവ പാരായണം ചെയ്താല്‍, ആഗ്രഹിച്ച കാര്യങ്ങള്‍ നടക്കുന്നതായിരിക്കും.

ചന്ദ്രദോഷം നീക്കാന്‍

ജാതകത്തില്‍ ചന്ദ്രദോഷമുണ്ടെങ്കില്‍ ഫാല്‍ഗുന പൗര്‍ണ്ണമി രാത്രിയില്‍ ചന്ദ്രദേവന് പാല്‍ സമര്‍പ്പിച്ച് 'ഓം പുത്ര സോമായ നമഃ' എന്ന മന്ത്രം ജപിക്കുക. രുദ്രാക്ഷത്തിന്റെ ജപമാലയെടുത്ത് മന്ത്രം ജപിക്കുക. ഫാല്‍ഗുന പൂര്‍ണിമ രാത്രിയില്‍ ഭാര്യാഭര്‍ത്താക്കന്മാര്‍ ഒരുമിച്ച് ചന്ദ്രനെ സന്ദര്‍ശിച്ച് തേന്‍ അര്‍പ്പിക്കണം. അങ്ങനെ ചെയ്യുന്നത് നിങ്ങളുടെ ദാമ്പത്യ ജീവിതം സന്തോഷകരമാക്കാന്‍ സഹായിക്കും. പൂര്‍വ്വികരെ പ്രീതിപ്പെടുത്താന്‍ ഫാല്‍ഗുന പൗര്‍ണ്ണമി ദിനത്തില്‍ പിണ്ഡദാനം നടത്തുക.