Just In
- 48 min ago പതിനഞ്ച് ദിവസം വരെ പഴം ഫ്രഷ് ആയിരിക്കും, തൊലി കറുക്കില്ല; ഇതൊന്ന് പരീക്ഷിച്ചു നോക്കൂ
- 1 hr ago 200-ല് ഒരു പുരുഷന് വീതം തൊണ്ടയില് ക്യാന്സര് സാധ്യത: ചെറിയ തൊണ്ട വേദന പോലും ശ്രദ്ധിക്കണം
- 2 hrs ago നിങ്ങള് എപ്പോള് മരിക്കും, മരണം പ്രവചിക്കുന്ന എഐ അല്ഗോരിതവുമായി ഡാനിഷ് ഗവേഷകര്, പ്രവര്ത്തനം ഇങ്ങനെ
- 3 hrs ago 30 വര്ഷത്തിന് ശേഷം ശനിയുടെ നക്ഷത്രമാറ്റം: ഇനിയൊരു തിരിഞ്ഞ് നോട്ടം വേണ്ട ഈ രാശിക്കാര്ക്ക്
Don't Miss
- News ആലത്തൂര് രമ്യക്കൊപ്പം തന്നെ? മന്ത്രി വന്നിട്ടും കാര്യമില്ല, ആ തന്ത്രം നടക്കില്ല; വോട്ടര്മാരുടെ അഭിപ്രായം
- Technology പുതുമോടിക്ക് ഇരട്ടി മധുരം, ലോഞ്ചിന് ശേഷം ആദ്യമായി വൺപ്ലസ് 12ന് വില കുറഞ്ഞ മഹത്തായ ദിനം!
- Sports IPL 2024: വാശി കേറാന് കോലിയ്ക്ക് കെകെആര് ഡഗ്ഗൗട്ടിലേക്ക് നോക്കിയാ മതി; ഗംഭീറിനെ കുത്തി മുന് കെകെആര് താരം
- Movies GOAT-ന് വാങ്ങുന്നത് 250 കോടി? രണ്ട് വര്ഷം കൊണ്ട് വിജയ്യുടെ ആസ്തി 600 കോടി !
- Automobiles റീൽ എടുക്കണം ഗമ കാണിക്കണം, സോഷ്യൽ മീഡിയയിൽ വൈറലാവാൻ നടുറോഡിൽ അഭ്യാസം; നടപടി പിന്നാലെ വരും
- Finance 1 വർഷം കൊണ്ട് 50% അധികം നേട്ടം, 10,000 രൂപയുടെ എസ്ഐപി 1.5 ലക്ഷം രൂപയായി, വിശദമായി അറിയാം
- Travel തേക്കടിയുടെ പൂക്കാലത്തിന് തുടക്കം.. തേക്കടി ഫ്ലവർ ഷോ കാണേണ്ടെ?
ഏപ്രില് 2021: സമ്പൂര്ണ ന്യൂമറോളജി ഫലം
ജ്യോതിഷത്തിനു പുറമേ, സംഖ്യാശാസ്ത്രത്തിനും അതിന്റേതായ ലോകമുണ്ട്. ഇവയുടെ കൂട്ടലും കുറയ്ക്കലുകളും ജീവിതത്തിലെ ഉയര്ച്ചകളെക്കുറിച്ച് വളരെ കൃത്യമായ വിവരങ്ങള് നല്കുന്നു. നിങ്ങളുടെ ജീവിതത്തില് വ്യക്തിത്വം, വിധി, അവസരം, വെല്ലുവിളികള് എന്നിവ നേരത്തേ അറിയിക്കുന്ന ഒരു പുരാതന ശാസ്ത്രമാണ് ന്യൂമറോളജി അഥവാ സംഖ്യാശാസ്ത്രം.
Most read: ഏപ്രിലില് ഈ നക്ഷത്രക്കാര്ക്ക് സമയം അല്പം കഠിനം
ഒരാളുടെ ശക്തിയും ബലഹീനതയും അറിയാന് ഇത് സഹായിക്കുന്നു. ഇത്തരം മുന്കൂട്ടിയുള്ള മുന്നറിയിപ്പുകള് നിങ്ങളുടെ അപകടങ്ങളെയും ചെറുക്കാന് നിങ്ങളെ തയ്യാറാക്കി നിര്ത്തുന്നു. 2021 ഏപ്രില് മാസത്തെ ന്യൂമറോളജി പ്രവചനം അറിയാന് ലേഖനം വായിക്കൂ.
നിങ്ങളുടെ നമ്പര് അറിയാം
പ്രപഞ്ചത്തില് എല്ലാത്തിനും ഊര്ജ്ജമുണ്ട്. സംഖ്യകള്ക്ക് പോലും അവയില് ഒരു പ്രത്യേകതരം ഊര്ജ്ജമുണ്ട്. ഒരാള് ജനിച്ച തീയതി, മാസം, വര്ഷം എന്നിവ ജീവിതപാതയായ നമ്പറിനെ സൂചിപ്പിക്കുന്നു. നിങ്ങളുടെ വ്യക്തിഗത നമ്പര് കണ്ടെത്തുന്നത് എങ്ങനെ എന്നു നോക്കൂ.
* നിങ്ങള് ജനിച്ച മാസം, തിയതി എന്നിവയുടെ ഒറ്റ അക്കങ്ങള് ചേര്ത്തു കൂട്ടുക.
* അതിനോട് 2021ന്റെ നമ്പറായ അഞ്ച് കൂടി കൂട്ടുക (2+0+2+1 = 5). അതാണ് നിങ്ങളുടെ 2021 ലെ വ്യക്തിഗത നമ്പര്.
ഉദാഹരണത്തിന് മെയ് 5നാണ് ഒരാള് ജനിച്ചതെന്നു കരുതുക. അയാളുടെ വ്യക്തിഗത നമ്പര് നോക്കാം. (ജനിച്ച മാസം + ജനന തിയതി + 2021 വ്യക്തിഗത നമ്പര് ആയ 5). 5+5+5=15, അപ്പോള് 1+5= 6. അതായത് നിങ്ങളുടെ വ്യക്തിഗത നമ്പര് ആറ് ആകുന്നു.
നമ്പര് 1: തീരുമാനമെടുക്കാന് കാലതാമസം വേണ്ട
ഈ മാസം പുതിയ ജോലികള് ആരംഭിക്കരുത്. ശക്തമായ മാനസിക നിലയുമായി മുന്നോട്ട് പോകുന്നതും ഉചിതമായ തീരുമാനങ്ങള് എടുക്കുന്നതും നല്ലതാണ്. വിവേചനങ്ങള് കാരണം ചില സാഹചര്യങ്ങളില് അവസരവാദപരമായ തീരുമാനങ്ങള് എടുക്കേണ്ടിവരാം. ഈ മാസം നിങ്ങള് ശാന്തത പാലിക്കുക. മാസത്തിലെ ആദ്യ 10 ദിവസങ്ങളില് ദാമ്പത്യജീവിതത്തില് മാനസിക സമ്മര്ദ്ദം ഉണ്ടാകാം. പിന്നീടുള്ള ദിവസങ്ങളില് സ്ഥിതി മാറും, ബന്ധത്തില് മാധുര്യം ഉണ്ടാകും. മാസത്തിലെ അവസാന ദിവസങ്ങളില് ഉയര്ന്ന രക്തസമ്മര്ദ്ദം പ്രശ്നങ്ങള് സൃഷ്ടിക്കും. ഈ മാസം ശനിയാഴ്ച ദിവസം കാളി ക്ഷേത്രത്തില് തേങ്ങ അര്പ്പിക്കുന്നത് പ്രയോജനകരമായിരിക്കും.
Most read:കോടി പുണ്യവും സമ്പത്തും സമൃദ്ധിയും; വിഷ്ണു സഹസ്രനാമം ചൊല്ലേണ്ടത് ഇങ്ങനെ
നമ്പര് 2: ശുഭകരമായ ഫലങ്ങള്
ഈ മാസം നിങ്ങള്ക്ക് വളരെ പ്രത്യേകമാണ്. സ്വാധീനമുള്ള ചില ആളുകളുമായി ബന്ധപ്പെടാം, നിങ്ങളുടെ തൊഴില് മേഖലയിലും നിങ്ങള്ക്ക് പൂര്ണ്ണ നേട്ടങ്ങള് നേടാനാകും. ബിസിനസ്സ് തീരുമാനങ്ങള് ശരിയും ലാഭകരവുമാണെന്ന് തെളിയും. നിങ്ങളുടെ ബൗദ്ധിക ശേഷിയുടെയും യുക്തിശക്തിയുടെയും കരുത്തില്, നിങ്ങളുടെ ജോലികള് പുരോഗമിക്കും. വരുമാനത്തിന്റെ കാഴ്ചപ്പാടില് ഈ മാസം മികച്ചതായിരിക്കും. പ്രണയം കൂടുതല് തീവ്രമായിരിക്കും, എന്നാല് മാസത്തിന്റെ അവസാന ആഴ്ചയില്, ചില പൊരുത്തക്കേടുകള് സാധ്യമാണ്. ഈ മാസം ഹനുമാനെ ആരാധിക്കുന്നത് നിങ്ങള്ക്ക് ശുഭകരമായ ഫലങ്ങള് ലഭിക്കും.
നമ്പര് 3: സാമ്പത്തിക പ്രശ്നം നീങ്ങും
പല സാമ്പത്തിക പ്രശ്നങ്ങളും ഈ മാസം പരിഹരിക്കപ്പെടുന്നതായി കാണപ്പെടും. ഉപജീവനത്തിനായി വിദൂര സംസ്ഥാനങ്ങളിലേക്ക് യാത്ര ചെയ്യാന് കഴിയും. ദാമ്പത്യജീവിതത്തില് പരസ്പര വിശ്വാസം വളരും. കുട്ടികളെക്കുറിച്ചുള്ള മാനസിക ആശങ്കകള് ഈ മാസം ആധിപത്യം പുലര്ത്താം, ഇത് ഒഴിവാക്കാന് ശ്രമിക്കുക. ആരോഗ്യത്തിന്റെ കാഴ്ചപ്പാടില്, വ്യാഴാഴ്ചയും ശനിയാഴ്ചയും വായുവിലൂടെയുള്ള രോഗങ്ങള് പ്രശ്നങ്ങള് സൃഷ്ടിക്കും. ചില പഴയ ചങ്ങാതിയെയോ പരിചയക്കാരനെയോ കാണുന്നതിലൂടെ നിങ്ങളുടെ ചില പ്രശ്നങ്ങള് പരിഹരിക്കപ്പെടും. മക്കള്ക്കായി ചില വിവാഹ ആലോചനകളും ഈ മാസം വന്നേക്കാം.
Most read:വ്യാഴമാറ്റം: 27 നക്ഷത്രത്തിനും ഗുണദോഷ ഫലങ്ങള്
നമ്പര് 4: പ്രണയിതാക്കള്ക്ക് നല്ല സമയം
ഈ മാസം നിങ്ങള്ക്ക് സന്തോഷം നല്കുന്നതായിരിക്കും. എല്ലാ അഭിലാഷ പദ്ധതികളും ഈ മാസം തന്നെ പൂവണിയും. തീര്പ്പുകല്പ്പിക്കാത്ത പല കാര്യങ്ങളും ഈ മാസം പരിഹരിക്കും. വ്യാപാരികളെ സംബന്ധിച്ചിടത്തോളം, ആദ്യ 15 ദിവസങ്ങള് സാമ്പത്തികമായി സമ്മര്ദ്ദം ചെലുത്തുന്നതായിരിക്കും. പക്ഷേ ബിസിനസ്സ് നേട്ടങ്ങള്ക്കുള്ള അവസരങ്ങളും ലഭിക്കും. പ്രണയജീവിതം അതിന്റെ പാരമ്യത്തിലെത്തും. വീട്ടില് നിന്ന് ചില നല്ല വാര്ത്തയും കേള്ക്കാനുള്ള സാധ്യതയുണ്ട്. മാസം മുഴുവന് നിങ്ങളുടെ സംസാരവും കോപവും നിയന്ത്രിക്കുക. നാഡീവ്യവസ്ഥയുമായി ബന്ധപ്പെട്ട പ്രശ്നങ്ങള് നിങ്ങളെ അലട്ടിയേക്കാം. ധ്യാനം, പ്രാണായാമം തുടങ്ങിയ പരിഹാരങ്ങള് തേടാവുന്നതാണ്.
നമ്പര് 5: ആത്മീയ ചിന്ത വളരും
ഈ മാസം നിങ്ങളുടെ ജീവിതത്തിലെ ചില സങ്കീര്ണ്ണമായ പ്രശ്നങ്ങള്ക്ക് ആത്മീയചിന്ത പരിഹാരം നല്കും. നിങ്ങളുടെ എല്ലാ ജോലികളിലും ഈ മാസം നിങ്ങള്ക്ക് വിജയം നേടാനാകും. ജോലിക്കാര്ക്ക് അവരുടെ മേലുദ്യോഗസ്ഥരില് നിന്ന് തടസ്സങ്ങള് നേരിടേണ്ടിവരും, ജാഗ്രത പാലിക്കുക. ആരോഗ്യത്തിന്റെ കാഴ്ചപ്പാടില്, അസ്ഥി, നേത്രരോഗങ്ങള് എന്നിവയ്ക്കെതിരെ പ്രത്യേക മുന്കരുതലുകള് എടുക്കുക.
Most read:ദോഷങ്ങള് നീങ്ങും; ഐശ്വര്യം വരും; ഈ മരങ്ങളെ ആരാധിച്ചാല്
നമ്പര് 6: പ്രണയവുമായി ബന്ധപ്പെട്ട കാര്യങ്ങള് വിജയിക്കും
നിങ്ങളുടെ ആഗ്രഹങ്ങളും അഭിലാഷങ്ങളും ഈ മാസം അവസാനത്തോടെ പൂര്ത്തീകരിക്കും. സുഹൃത്തുക്കളുടെയും കുടുംബത്തിന്റെയും പിന്തുണ ലഭിക്കും. പ്രണയവുമായി ബന്ധപ്പെട്ട കാര്യങ്ങള് അതിന്റെ പാരമ്യത്തിലെത്തും. ആരോഗ്യ പ്രശ്നങ്ങള് മാസത്തിന്റെ മൂന്നാം ആഴ്ചയില് വര്ദ്ധിച്ചേക്കാം, ജാഗ്രത പാലിക്കുക. പോസിറ്റീവ് എനര്ജിയുടെ ഒഴുക്ക് മാസം മുഴുവന് നിങ്ങളില് തുടരും. ഈ ഊര്ജ്ജ പ്രവാഹം കാരണം വലിയ ജോലികള് പോലും എളുപ്പത്തില് പൂര്ത്തിയാക്കും.
നമ്പര് 7: ആരോഗ്യം ശ്രദ്ധിക്കുക
ഈ മാസം മറ്റുള്ളവരുടെ അശ്രദ്ധ മാനസിക പ്രശ്നങ്ങള്ക്ക് കാരണമാകും. അനുബന്ധ ജോലികളില് നിര്ദ്ദിഷ്ട വിജയം കൈവരിക്കാനുള്ള അവസരവുമുണ്ട്. മത്സരാര്ത്ഥികള്ക്ക് മാസാവസാനത്തോടെ സന്തോഷവാര്ത്ത ലഭിക്കുമെന്ന് പ്രതീക്ഷിക്കുന്നു. ആരോഗ്യ കാഴ്ചപ്പാടില്, ഉയര്ന്ന രക്തസമ്മര്ദ്ദവുമായി ബന്ധപ്പെട്ടവര് ജാഗ്രത പാലിക്കുക. സിരകള്ക്കും വായുവിലൂടെയുമുള്ള രോഗങ്ങള്ക്കും എതിരെ പ്രത്യേകം ശ്രദ്ധിക്കുക. മാസത്തിലെ ആദ്യ, അവസാന ആഴ്ചകളില് പ്രശ്നം വര്ദ്ധിച്ചേക്കാം.
Most read:കാണാന് കഴിയില്ല വീട്ടിലെ ദുഷ്ടശക്തി; ഫലമോ ദോഷവും
നമ്പര് 8: മുടങ്ങിയ ജോലികള് പൂര്ത്തിയാകും
ഈ മാസം സന്തോഷം കൈവരിക്കാന് പോകുന്നു. മാസം മുഴുവനും ഉത്സാഹവും ഊര്ജ്ജവും നിറയും. നിങ്ങളുടെ ജോലികള് കൃത്യമായി നിര്വഹിക്കും. ധാരാളം പിന്തുണ ലഭിക്കും ഒപ്പം നിങ്ങളുടെ മുടങ്ങിയ ജോലിയും പൂര്ത്തിയാകും. കാല്മുട്ട് വേദനയോ ബന്ധപ്പെട്ട പ്രശ്നങ്ങളോ മാസാവസാനം നിങ്ങളുടെ ആരോഗ്യത്തെ ബാധിക്കും. സൂര്യ മന്ത്രം ചൊല്ലുന്നത് നിങ്ങളുടെ ആത്മവിശ്വാസവും ജോലി വിജയസാധ്യതയും വര്ദ്ധിപ്പിക്കും.
നമ്പര് 9: കുടുംബത്തില്നിന്ന് സന്തോഷം
ഈ മാസം നിങ്ങള്ക്ക് വിശ്രമിക്കാനുള്ള അവസരങ്ങള് ലഭിച്ചേക്കാം. സുഹൃത്തുക്കളുമായും കുടുംബവുമായും സന്തോഷകരമായ സമയം ചെലവഴിക്കാനും നിങ്ങള്ക്ക് കഴിയും. നിങ്ങളുടെ ജോലികള് മുന്കൂട്ടി ആസൂത്രണം ചെയ്ത് ശ്രദ്ധ കേന്ദ്രീകരിച്ച് അത് നടപ്പാക്കാന് ശ്രമിക്കുക. ഏതെങ്കിലും തരത്തിലുള്ള പുതിയ പ്രവര്ത്തനങ്ങള് ഒഴിവാക്കേണ്ടതുണ്ട്.