നവരാത്രി പൂജയും വസ്ത്രത്തിന്റെ നിറവും

പ്രതിപാദ- ഗ്രേ നിറം

ആദ്യ ദിവസം ഗ്രേ നിറത്തിലുള്ള വസ്ത്രമാണ് ധരിയ്‌ക്കേണ്ടത്. ഇത് ഐശ്വര്യത്തിന് കാരണമാകും.ഗ്രേ നിറത്തിലുള്ള വസ്ത്രം ധരിച്ച് പൂജ ചെയ്യുന്നതാണ് ആദ്യ ദിവസം നല്ലത്.

പ്രതിപാദ- ഓറഞ്ച്

രണ്ടാം ദിവസം ഓറഞ്ച് നിറത്തിലുള്ള വസ്ത്രത്തിനാണ് പ്രാധാന്യം നല്‍കേണ്ടത്. ചെയ്യുന്ന പ്രവൃത്തിയ്ക്ക് ഉടന്‍ ഫലസിദ്ധിയുണ്ടാവാന്‍ ഇത് സഹായിക്കും.

ദ്വിതീയ- വെള്ള

സമാധാനത്തിന്റെ നിറമാണ് വെള്ള. അതുകൊണ്ട് തന്നെ മൂന്നാമത്തെ ദിവസം വെള്ള നിറത്തിലുള്ള വ്‌സ്ത്രം ധരിയ്ക്കണം. സരസ്വതീ ദേവിയെ പ്രീതിപ്പെടുത്താനാണ് ഇത്.

ത്രിദീയ- ചുവപ്പ്

ചുവന്ന നിറത്തിലുള്ള വസ്ത്രം ദുര്‍ഗ്ഗാദേവിയെ പ്രീതിപ്പെടുത്താന്‍ ഉതകുന്നതാണ്.

ചതുര്‍ത്ഥി- നീല

നീല നിറത്തിലുള്ള വസ്ത്രമാണ് ചതുര്‍ത്ഥി ദിവസം ധരിയ്‌ക്കേണ്ടത്. ഇത് നവരാത്രി പൂജയ്ക്ക് കൂടുതല്‍ കരുത്ത് നല്‍കുന്നു.

പഞ്ചമി- മഞ്ഞ

മഞ്ഞ നിറത്തിലുള്ള വസ്ത്രത്തിനും നവരാത്രി പൂജയില്‍ പ്രാധാന്യമുണ്ട്. ഫലസിദ്ധി ആഗ്രഹിക്കാതെ തന്നെ ദേവിയെ പ്രീതിപ്പെടുത്താം.

സ്വസ്ഥി- പച്ച

പച്ച നിറമുള്ള വസ്ത്രമാണ് നവരാത്രി പൂജയ്ക്ക് തിരഞ്ഞെടുക്കപ്പെടേണ്ട ഒരു പ്രധാനപ്പെട്ട നിറം.

സപ്തമി- പീകോക്ക് ഗ്രീന്‍

സപ്തമി ദിനത്തില്‍ പീക്കോക്ക് ഗ്രീന്‍ നിറമുള്ള വസ്ത്രമാണ് പൂജയ്ക്കായി ഉപയോഗിക്കേണ്ടത്.

അഷ്ടമി- പര്‍പ്പിള്‍

പര്‍പ്പിള്‍ നിറത്തിലുള്ള വസ്ത്രങ്ങള്‍ക്കും സരസ്വതീ പൂജയില്‍ പ്രത്യേക സ്ഥാനമാണ് ഉള്ളത്.

നവമി- ആകാശ നീല

പൂജയുടെ അവാസന ദിവസങ്ങളിലേക്കടുക്കുമ്പോളേക്കും ആകാശ നീല നിറത്തിലുള്ള വസ്ത്രങ്ങള്‍ പൂജയ്‌ക്കെടുക്കണം. ഇത് ഐശ്വര്യം വര്‍ദ്ധിക്കും എന്ന കാര്യത്തില്‍ സംശയം വേണ്ട.

ദശമി- പിങ്ക്

വിജയദശമി ദിവസം പിങ്ക് നിറത്തിലുള്ള വസ്ത്രമാണ് ധരിയ്‌ക്കേണ്ടത്. ഇത് എന്തുകൊണ്ടും നമ്മുടെ അറിവിനേയും കഴിവുകളേയും വര്‍ദ്ധിപ്പിക്കുകയും ഈശ്വരാനുഗ്രഹം വര്‍ദ്ധിപ്പിക്കുകയും ചെയ്യുന്നു.