Navratri 2022: ദുര്‍ഗ്ഗാപൂജയില്‍ ഇവ പാടില്ല: ദേവി നല്‍കും അശുഭഫലങ്ങള്‍

ദേവിക്ക് അര്‍പ്പിക്കാന്‍ പാടില്ലാത്തത്

എരിക്കിന്‍ പൂവ്, പാരിജാതം തുടങ്ങിയ ചില പുഷ്പങ്ങള്‍ ഒരിക്കലും നിങ്ങള്‍ ദുര്‍ഗ്ഗാ പൂജയില്‍ ഉപയോഗിക്കരുത്. ഇത് നിങ്ങളുടെ ജീവിതത്തില്‍ പല തടസ്സങ്ങളും പ്രശ്‌നങ്ങളും സൃഷ്ടിക്കുന്നു. ഒരിക്കലും ജീവിതത്തില്‍ സന്തോഷം നല്‍കുന്നില്ല എന്ന് മാത്രമല്ല പ്രതിസന്ധി ഘട്ടങ്ങള്‍ സൃഷ്ടിക്കുകയും ചെയ്യുന്നു. ഈ അവസ്ഥയില്‍ നാം ശ്രദ്ധിക്കേണ്ട ചില കാര്യങ്ങള്‍ ഉണ്ട്. നവരാത്രി പൂജക്ക് മാത്രമല്ല അല്ലാത്ത അവസ്ഥയിലും ഒരു കാരണവശാലും ദുര്‍ഗാ ദേവിക്ക് ഇത്തരം പൂക്കള്‍ പൂജക്കായി അര്‍പ്പിക്കരുത്.

പൂമൊട്ട് സമര്‍പ്പിക്കുമ്പോള്‍

നിങ്ങള്‍ ദേവിയെ ആരാധിക്കുന്നതിന് വേണ്ടി പൂമൊട്ട് സമര്‍പ്പിക്കുമ്പോഴും ശ്രദ്ധിക്കണം. പൂക്കള്‍പോലെ തന്നെ പ്രധാനപ്പെട്ടതാണ് പൂമൊട്ടും. ഒരിക്കലും ചെമ്പകത്തിന്റേയും തമരയുടേയും പൂമൊട്ടുകള്‍ അല്ലാതെ മറ്റൊന്നും ദേവിക്ക് സമര്‍പ്പിക്കരുത്. ഇത് നിങ്ങളുടെ ജീവിതത്തില്‍ പല പ്രശ്‌നങ്ങളും ഉണ്ടാക്കുന്നു. ആഗ്രൃഹ പൂര്‍ത്തീകരണത്തിന് തടസ്സം സൃഷ്ടിക്കുകയും പ്രശ്‌നങ്ങള്‍ വഷളാവുകയും ചെയ്യുന്നു. അതുകൊണ്ട് ദേവിക്ക് വേണ്ടി പൂമൊട്ടുകള്‍ അര്‍പ്പിക്കുമ്പോള്‍ അതീവ ശ്രദ്ധ നല്‍കണം. ദേവീ കോപത്തിന് ഇടയാവരുത്.

അഖണ്ഡജ്യോതി കത്തിക്കുമ്പോള്‍

ഒരിക്കലും കെടാതെ ഇരിക്കേണ്ടതാണ് അഖണ്ഡജ്യോതി. ഇത് കത്തിച്ചാല്‍ എല്ലാ ദിവസവും അഖണ്ഡ ജ്യോതി കത്തിക്കുന്നുണ്ട് എന്ന് ഉറപ്പ് വരുത്തേണ്ടതാണ്. ഒരു കാരണവശാലും നവരാത്ര ദിനങ്ങളില്‍ ഇവ കെട്ട് പോവുന്നതിന് അനുവദിക്കരുത്. ഇത് ദോഷഫലമാണ് നിങ്ങള്‍ക്ക് നല്‍കുന്നത്. പിച്ചള അല്ലെങ്കില്‍ വെള്ളി വിളക്കില്‍ വേണം അഖണ്ഡജ്യോതി സൂക്ഷിക്കുന്നതിന്. ഇത് നെഗറ്റീവ് ഊര്‍ജ്ജത്തെ ഇല്ലാതാക്കി ജീവിതത്തില്‍ സന്തോഷം നല്‍കുന്നു. ഉത്സവത്തിന്റെ ഒന്‍പതാം ദിവസം വരെ ഈ വിളക്ക് കത്തിക്കേണ്ടതാണ്. ഇത് കത്തിക്കാന്‍ എളുപ്പത്തിലുള്ളതും കട്ടിയുള്ളതുമായി തിരി ഉപയോഗിക്കുന്നതിന് ശ്രദ്ധിക്കണം.

മന്ത്രം ജപിക്കുമ്പോള്‍

നിങ്ങള്‍ ദുര്‍ഗ്ഗ ദേവിയുടെ മന്ത്രങ്ങള്‍ ഉരുവിടുമ്പോള്‍ ഒരിക്കലും ദുര്‍ഗന്ധമുള്ളതോ ഭക്ഷണ അവശിഷ്ടങ്ങള്‍ ഉള്ള വായ കൊണ്ട് മന്ത്രങ്ങള്‍ ഉരുവിടരുത്. ഇത് അശുഭകരമായ ഫലങ്ങള്‍ നല്‍കുന്നു എന്നാണ് പറയപ്പെടുന്നത്. ഇത് കൂടാതെ കുളിക്കുന്നതിനും ശരീര ശുദ്ധിയും മനശുദ്ധിയും വരുത്തുന്നതിനും ശ്രദ്ധിക്കണം. വൃത്തിഹീനമായ അവസ്ഥയില്‍ ഒരിക്കലും ദുര്‍ഗ്ഗാപൂജ നടത്തരുത്. ഇത് ദോഷം നല്‍കുന്നു എന്നാണ് പറയപ്പെടുന്ന്ത്. ഇത് കൂടാതെ ജീവിതത്തില്‍ പ്രശ്‌നങ്ങളും നെഗറ്റീവ് ഊര്‍ജ്ജം നിറക്കുന്നതിനും ദേവിയുടെ കോപത്തിനും ഇരയാവുന്നു.

വ്രതമെടുക്കുമ്പോള്‍

നിങ്ങള്‍ ദുര്‍ഗ്ഗാ പൂജ നാളുകളില്‍ വ്രതമെടുക്കുമ്പോള്‍ അല്‍പം ശ്രദ്ധിക്കണം. കാരണം ഒരിക്കലും ഭക്ഷണത്തില്‍ വെളുത്തുള്ളിയും ഉള്ളിയും ചേര്‍ക്കരുത്. ഇത് വ്രതത്തിന്റെ പ്രാധാന്യത്തെ ഇല്ലാതാക്കുകയും വ്രതം മുടക്കുകയും ചെയ്യുന്നു. കൂടാതെ ദുര്‍ഗ്ഗാ പൂജ ചെയ്യുമ്പോള്‍ കലശം സ്ഥാപിക്കുമ്പോള്‍ കലശം വൃത്തിയായി സൂക്ഷിക്കുന്നതിനും പരിപാലിക്കുന്നതിനും ശ്രദ്ധിക്കേണ്ടതാണ്. ദേവിക്ക് സമര്‍പ്പിക്കുന്ന നിവേദ്യത്തിന്റെ കാര്യത്തിലും വളരെയധികം ശ്രദ്ധിക്കണം. മന്ത്രങ്ങള്‍ ഒരിക്കലും തെറ്റായി ചൊല്ലുകയോ ഉച്ചരിക്കുകയോ ചെയ്യരുത്. ഇത് ദോഷഫലങ്ങള്‍ ഉണ്ടാക്കുന്നു.