ദുര്‍ഗ്ഗാദേവി ഭൂമിയിലെത്തുന്ന നവരാത്രി നാളുകള്‍: ആചാരങ്ങളും ചടങ്ങുകളും

നവരാത്രി 2022

26 സെപ്റ്റംബര്‍ - ആദ്യ ദിനം - കലശം വയ്പ്, ശൈലപുത്രി പൂജ

27 സെപ്റ്റംബര്‍ - രണ്ടാം ദിനം - ബ്രഹ്‌മചാരിണി പൂജ

28 സെപ്റ്റംബര്‍ - മൂന്നാം ദിവസം- ചന്ദ്രഘാണ്ഡ പൂജ

29 സെപ്റ്റംബര്‍ - നാലാം ദിവസം - കൂഷ്മാണ്ഡ പൂജ, വിനായക ചതുര്‍ത്ഥി

30 സെപ്റ്റംബര്‍ - അഞ്ചാം ദിവസം - പഞ്ചമി, സ്‌കന്ദമാതാ പൂജ

ഒക്ടോബര്‍ 1 - ആറാം ദിവസം - ഷഷ്ഠി, കാത്യായനി പൂജ

2 ഒക്ടോബര്‍ - ഏഴാം ദിവസം - സപ്തമി, കാലരാത്രി പൂജ

3 ഒക്ടോബര്‍ - എട്ടാം ദിവസം - ദുര്‍ഗാ അഷ്ടമി, മഹാഗൗരി പൂജ, മഹാനവമി

4 ഒക്ടോബര്‍ - ഒമ്പതാം ദിവസം - മഹാനവമി

5 ഒക്ടോബര്‍ - പത്താം ദിവസം - ദശമി, ദുര്‍ഗ്ഗാ നിമഞ്ജനം, വിജയദശമി (ദസറ)

നവരാത്രിയിലെ മംഗളകരമായ യോഗം

ഇത്തവണത്തെ നവരാത്രിയില്‍ അശ്വിനി ശുക്ല പ്രതിപാദ തിഥിയില്‍ രാവിലെ സൂര്യോദയ സമയത്ത് സര്‍വാര്‍ത്ത സിദ്ധി എന്ന ഐശ്വര്യ യോഗയുണ്ടാകും. ഇതോടൊപ്പം അമൃത സിദ്ധി യോഗയും വരും. ഇതില്‍ ഏറ്റവും നല്ല യാദൃശ്ചികത ഈ ദിവസം മുഴുവന്‍ അത്തം നക്ഷത്രം ഉണ്ടാകും എന്നതാണ്. ദുര്‍ഗ്ഗാദേവി ഈ സമയം ആനപ്പുറത്ത് ഭൂമിയിലേക്ക് എഴുന്നള്ളും.

നവരാത്രിയിലെ കലശസ്ഥാപനം

ചിട്ടകള്‍ പാലിച്ചാലേ നവരാത്രിയില്‍ ദേവീ പൂജയ്ക്ക് ഫലം ലഭിക്കൂ. നവരാത്രിയുടെ ആദ്യദിവസം ശുഭമുഹൂര്‍ത്തത്തില്‍ കലശം സ്ഥാപിക്കുക. കലശം സ്ഥാപിക്കാന്‍, ഒരു മണ്‍പാത്രത്തില്‍ മണ്ണ് സൂക്ഷിച്ച് അതില്‍ ബാര്‍ലി വിതയ്ക്കുക. പൂജാസ്ഥലത്തോ വടക്കുകിഴക്കോ കലശം സ്ഥാപിക്കുന്നത് ശുഭകരമായി കണക്കാക്കപ്പെടുന്നു. ഇവിടെ ഗംഗാജലം തളിച്ച് വൃത്തിയാക്കുക. ഒരു ചുവന്ന തുണി വിരിച്ച് അതില്‍ ദുര്‍ഗ്ഗാ ദേവിയുടെ ചിത്രം വയ്ക്കുക. ഒരു ചെമ്പ് പാത്രത്തിലോ മണ്‍പാത്രത്തിലോ ഗംഗാജലമോ ശുദ്ധജലമോ നിറച്ച് നിറച്ച് അതില്‍ നാണയങ്ങള്‍, വെറ്റില, ഗ്രാമ്പൂ, ദര്‍ഭ പുല്ല് എന്നിവ ഇടുക. കലശത്തിന്റെ വായ കെട്ടുക. പാത്രത്തില്‍ മാങ്ങയുടെ ഇലകള്‍ ഇട്ട് അതില്‍ ഒരു തേങ്ങ വയ്ക്കുക. ഇനി ബാര്‍ലി കലവും കലശവും ദുര്‍ഗാദേവിയുടെ ഫോട്ടോയുടെ വലതുവശത്ത് വയ്ക്കുക. കലശപ്രതിഷ്ഠ പൂര്‍ത്തിയാക്കിയ ശേഷം ദുര്‍ഗാദേവിയെ ആരാധിക്കാന്‍ തുടങ്ങുക.

നവരാത്രിയില്‍ ദുര്‍ഗാപൂജയുടെ പ്രാധാന്യം

രാവണനെതിരേ വിജയത്തിനായി ശ്രീരാമന്‍ 9 ദിവസം ദുര്‍ഗ്ഗാ ദേവിയെ ആരാധിച്ചു. ദുര്‍ഗ്ഗാ ദേവിയുടെ അനുഗ്രഹത്താല്‍ ശ്രീരാമന്‍ പത്താം ദിവസം രാവണനെ വധിക്കുകയും ലങ്ക കീഴടക്കുകയും ചെയ്തു. ഇക്കാരണത്താല്‍, ശാരദിയ നവരാത്രിയില്‍ ദുര്‍ഗ്ഗാദേവിയെ ആചാരപരമായി ആരാധിക്കുന്ന ഭക്തര്‍ക്ക് തന്റെ പ്രവൃത്തികളില്‍ വിജയം നേടാനാകുമെന്ന് വിശ്വസിക്കപ്പെടുന്നു.

നവരാത്രി വ്രതത്തിന്റെ പ്രാധാന്യം

കന്നിമാസത്തിലെ അമാവാസി ദിവസം കഴിഞ്ഞ് വരുന്ന വെളുത്തപക്ഷ പ്രഥമ മുതല്‍ നവമി വരെയുള്ള ദിവസങ്ങളാണ് നവരാത്രി വ്രതം അനുഷ്ഠിക്കേണ്ടത്. ഒന്‍പതു ദിവസം നീളുന്ന ദുര്‍ഗാപൂജ നടക്കുന്ന കാലമാണിത്. ലോകത്തിന്റെ മുഴുവന്‍ മാതാവായ ദുര്‍ഗാ ദേവിയെ ഈ നാളുകളില്‍ ഭക്തിപൂര്‍വ്വം ആരാധിക്കുന്നു. നവരാത്രി നാളുകളുടെ ആദ്യത്തെ മൂന്നു ദിവസം ദേവിയെ ദുര്‍ഗ്ഗയായും അടുത്ത മൂന്നു ദിവസം ലക്ഷ്മിയായും പിന്നീടുള്ള മൂന്നു ദിവസം സരസ്വതിയായും സങ്കല്‍പിച്ച് പൂജയും ഉപാസനയും നടത്താറുണ്ട്.

ദുര്‍ഗ്ഗാദേവിയ ആരാധിച്ചാല്‍

വിശ്വാസങ്ങള്‍ പ്രകാരം നവരാത്രി പൂജയിലൂടെ ഭക്തര്‍ക്ക് ഐശ്വര്യവും സമ്പത്തും കൈവരുമെന്ന് വിശ്വസിക്കപ്പെടുന്നു. ദുര്‍ഗാദേവി നിങ്ങളുടെ കുടുംബത്തെ ആരോഗ്യം, സമ്പത്ത്, ജ്ഞാനം, വിജയം എന്നിവ നല്‍കി അനുഗ്രഹിക്കുന്നു. ദുര്‍ഗാദേവിയുടെ ഭക്തര്‍ക്ക് തുടക്കത്തില്‍ തടസ്സങ്ങള്‍ നേരിടേണ്ടി വന്നേക്കാം എന്നാല്‍ ഒരു നിശ്ചിത കാലയളവില്‍ ഈ ബുദ്ധിമുട്ടുകള്‍ മാഞ്ഞുപോകുകയും ഭക്തര്‍ക്ക് ദേവിയുടെ അനുഗ്രഹം ലഭിക്കുകയും ചെയ്യുന്നു. ചൊവ്വാഴ്ചകളില്‍ രാഹുകാലത്ത് ദേവിയെ പ്രാര്‍ത്ഥിക്കുന്നത് വളരെ ശുഭകരമാണ്. ദുര്‍ഗ്ഗാ ദേവി തന്റെ ഭക്തരെ ദുഖത്തില്‍ നിന്നും ദുരിതങ്ങളില്‍ നിന്നും സംരക്ഷിക്കുന്നു.