ഈ രാശിക്കാരുടെ മനസ് തുറക്കാന്‍ അല്‍പം പ്രയാസം

കുംഭം (ജനുവരി 20 ഫെബ്രുവരി 18)

കുഭം രാശിക്കാര്‍ മിക്ക സമയത്തും അന്തര്‍മുഖരായവരാണ്. ഇക്കാര്യത്തില്‍ അവര്‍ വാസ്തവത്തില്‍ രാശിചിഹ്നങ്ങളില്‍ ഏറ്റവും മുന്‍പന്തിയില്‍ നില്‍ക്കുന്നു. സ്ത്രീകളേക്കാളും പുരുഷന്മാര്‍ മറ്റുള്ളവരില്‍ നിന്ന് ഉള്‍വലിയുന്ന സ്വഭാവം കാണിക്കുന്നു. എല്ലാവരുമായും അവരുടെ വികാരങ്ങള്‍ പങ്കിടുന്നത് അവര്‍ ഇഷ്ടപ്പെടുന്നില്ല. അവരുടെ അടുത്ത സഹായികളായി കരുതുന്ന കുറച്ച് ആളുകളുമായി അവര്‍ സംസാരിക്കും. ഈ ഉള്‍വലിയലിന് അവരുടെ വികാരങ്ങള്‍ക്കും വലിയ പങ്കുണ്ട്.

മീനം (ഫെബ്രുവരി 19 മാര്‍ച്ച് 20)

മറ്റുള്ളവരില്‍ നിന്ന് ഉള്‍വലിഞ്ഞ് ജീവിക്കുന്നവരാണ് മീനം രാശിക്കാര്‍. അവരുടെ സമീപത്തുള്ള ആളുകള്‍ അവരില്‍ നിന്ന് പ്രചോദനം ഉള്‍ക്കൊള്ളുന്നു. ഇത് അവര്‍ ചെയ്യുന്ന എല്ലാ കാര്യങ്ങളിലും അവര്‍ക്ക് സന്തോഷവും സംതൃപ്തിയും നല്‍കുമെങ്കിലും പലപ്പോഴും ഒരു എതിര്‍പ്പ് മീനം രാശിക്കാര്‍ പ്രകടിപ്പിക്കുന്നു. എല്ലാവരുമായും എല്ലാം പങ്കിടുന്നതിനേക്കാള്‍ ഉപരിയായി വളരെ കുറച്ച് ആളുകളുമായി സംസാരിക്കാനും അവരുമായി ഇടപഴകാനും മീനം രാശിക്കാര്‍ ആഗ്രഹിക്കുന്നു. അവര്‍ മറ്റുള്ളവരുമായി പങ്കുവയ്ക്കുന്ന ആശയങ്ങളിലും ഒരു അകല്‍ച്ച നിലനിര്‍ത്തുന്നവരാണ്.

വൃശ്ചികം (ഒക്ടോബര്‍ 23 നവംബര്‍ 21)

വൃശ്ചികം രാശിക്കാര്‍ അവരുടെ നിഗൂഢ സ്വഭാവത്താല്‍ അന്തര്‍മുഖരായി തുടരുന്നവരാണ്. അവര്‍ തങ്ങളുടെ രഹസ്യങ്ങള്‍ ഏറ്റവും വിലയേറിയ രത്‌നങ്ങള്‍ പോലെ സൂക്ഷിക്കുന്നു. സ്വയം ഒരു രഹസ്യമായി സൂക്ഷിക്കാന്‍ അവര്‍ ഇഷ്ടപ്പെടുന്നു. മീനം രാശിക്കാരെ പോലെതന്നെ അവര്‍ മനസ്സില്‍ ഓരോ തട്ടുകളായി തങ്ങളുടെ സൗഹൃദവലയം തരംതിരിച്ചിരിക്കുന്നു. വൃശ്ചികം രാശിക്കാരുടെ സംശയാസ്പദമായ സ്വഭാവം അവരുടെ പ്രിയപ്പെട്ടവരോട് പോലും മനസ്സ് തുറക്കുന്നതില്‍ നിന്ന് അവരെ അകറ്റി നിര്‍ത്തുന്നു.

ഇടവം (ഏപ്രില്‍ 20 മെയ് 20)

ഇടവം രാശിക്കാര്‍ ശക്തരും ധാര്‍ഷ്ട്യമുള്ളവരുമാണ്. ഇക്കൂട്ടരും അല്‍പം അന്തര്‍മുഖരുമാണ്. അവരുടെ അസ്ഥിരമായ വികാരങ്ങള്‍ കൈകാര്യം ചെയ്യാന്‍ ബുദ്ധിമുട്ടാണ്. ഇത് അവര്‍ക്ക് ചുറ്റുമുള്ള എല്ലാവര്‍ക്കും അറിവുള്ള കാര്യവുമാണ്. അതിനാല്‍ അവരുടെ വൈകാരികാവസ്ഥയെക്കുറിച്ച് സുഹൃത്തുക്കളും ബോധവാന്മാരായതിനാല്‍ ഇടവം രാശിക്കാര്‍ക്ക് അവരുടേതായ ഇടം നല്‍കാനും ശ്രദ്ധിക്കുന്നു.

കന്നി (ഓഗസ്റ്റ് 23 സെപ്റ്റംബര്‍ 22)

കന്നി രാശിക്കാര്‍, പ്രത്യേകിച്ച് സ്ത്രീകള്‍ ഏറ്റവും വലിയ അന്തര്‍മുഖരാണ്. സ്വഭാവമനുസരിച്ച് സ്വാഭാവികമായും സംശയാലുക്കളായ ഇവര്‍ ഒരു വിഷയത്തില്‍ അവരുടെ വ്യക്തിപരമായ കാര്യങ്ങള്‍ സ്വയം സൂക്ഷിക്കുകയും ചെയ്യും. തങ്ങളുടെ വാക്കുകള്‍ എപ്പോഴെങ്കിലും തങ്ങള്‍ക്കെതിരെ മറ്റുള്ളവര്‍ ഉപയോഗിക്കാമെന്ന് ഭയപ്പെടുന്നതിനാലാണിത്.