പാപങ്ങള്‍ നശിക്കും, ഐശ്വര്യം എക്കാലവും കൂടെ; ഭഗവാന്റെ തുണ, മോഹിനി ഏകാദശിയില്‍ ഇത് ചെയ്യൂ

ഹിന്ദുമതത്തിലെ എല്ലാ വ്രതങ്ങളിലും വച്ച് ഏറ്റവും മികച്ചതായി ഏകാദശി വ്രതത്തെ കണക്കാക്കുന്നു. ഏകാദശി വ്രതം അനുഷ്ഠിക്കുന്നതിലൂടെ ഒരാള്‍ക്ക് ആയിരം പശുക്കളെ ദാനം ചെയ്തതിന് തുല്യമായ പുണ്യം ലഭിക്കുമെന്നാണ് വിശ്വാസം. ഹിന്ദു കലണ്ടര്‍ അനുസരിച്ച്, വൈശാഖ ശുക്ല പക്ഷത്തിലെ ഏകാദശി തിഥിയിലാണ് മോഹിനി ഏകാദശി വ്രതം ആചരിക്കുന്നത്. ഈ വര്‍ഷം ഇത് വരുന്നത് മെയ് 01 തിങ്കളാഴ്ചയാണ്.

ഈ ദിവസമാണ് മഹാവിഷ്ണു അസുരന്മാരെ നശിപ്പിക്കാന്‍ മോഹിനിയായി അവതരിച്ചത് എന്ന് വിശ്വസിക്കപ്പെടുന്നു. ഭഗവാന്‍ ശ്രീ ഹരിയുടെ ഏക സ്ത്രീ അവതാരമാണ് മോഹിനി. ഈ വിശേഷ ദിനത്തില്‍ ആരാധനയും ദാനധര്‍മ്മങ്ങളും ചെയ്താല്‍ പാപങ്ങള്‍, ദുഃഖങ്ങള്‍, തര്‍ക്കങ്ങള്‍, ദാരിദ്ര്യം മുതലായവ ഇല്ലാതാകുമെന്ന് വേദങ്ങളില്‍ പറഞ്ഞിട്ടുണ്ട്.

ഈ വ്രതാനുഷ്ഠാനത്തിന്റെ മഹത്വത്താല്‍, മനുഷ്യന്‍ ലോകത്തിന്റെ പ്രലോഭനങ്ങളില്‍ നിന്ന് മുക്തനാകുന്നു. അവന്റെ എല്ലാ പാപങ്ങളും ക്ലേശങ്ങളും ദുഃഖങ്ങളും ഇല്ലാതാകുമെന്ന് വിശ്വസിക്കപ്പെടുന്നു. ഏകാദശി വ്രതാനുഷ്ഠാനത്തേക്കാള്‍ മികച്ച വ്രതാനുഷ്ഠാനം ലോകത്ത് ഇല്ലെന്നാണ് ഗ്രന്ഥങ്ങള്‍ പറയുന്നത്. മോഹിനി ഏകാദശി നാളില്‍ ചില പരിഹാരങ്ങള്‍ പരീക്ഷിച്ചാല്‍, നിങ്ങളുടെ വീട്ടില്‍ എപ്പോഴും സന്തോഷവും ഐശ്വര്യവും ഉണ്ടാകുമെന്ന് പറയപ്പെടുന്നു. ഇതിലൂടെ നിങ്ങളുടെ പാപങ്ങളും നശിക്കും. മോഹിനി ഏകാദശി നാളില്‍ ചെയ്യേണ്ട അത്തരം ചില പ്രതിവിധികള്‍ ഇതാ.

മോഹിനി ഏകാദശി 2023 മുഹൂര്‍ത്തം
വൈശാഖ ശുക്ല ഏകാദശി തീയതി ആരംഭം - 30 ഏപ്രില്‍, 08:28 pm
വൈശാഖ ശുക്ല ഏകാദശി തീയതി അവസാനം - മെയ് 1, രാത്രി 10:09 ന്
പൂജാ മുഹൂര്‍ത്തം - 1 മെയ്, 09.00 am - 10.39 am
മോഹിനി ഏകാദശി വ്രതാനുഷ്ഠാന സമയം - മെയ് 2, 05.40am - 08.19 am

മോഹിനി ഏകാദശി പൂജാനിയമം
മോഹിനി ഏകാദശി ദിനത്തില്‍ പശുവോ മറ്റ് മൃഗങ്ങളോ പക്ഷിയോ നിങ്ങളുടെ വീടിന്റെ വാതില്‍ക്കല്‍ വന്നാല്‍ അവയെ ഓടിക്കരുത്. അവയ്ക്ക് ഭക്ഷണവും വെള്ളവും നല്‍കുക. മനസ്സില്‍ ദേഷ്യവും നിഷേധാത്മക ചിന്തകളും വരാതിരിക്കുമ്പോഴാണ് മോഹിനി ഏകാദശി വ്രതത്തിന്റെ പൂര്‍ണമായ ഫലം ലഭിക്കുന്നത്. അത്തരമൊരു സാഹചര്യത്തില്‍, ഈ ദിവസം നിങ്ങള്‍ മറ്റുള്ളവരോട് തര്‍ക്കിക്കരുത്. ശ്രീ ഹരിയെ ധ്യാനിക്കുക. ആരോടും മോശമായ വാക്കുകള്‍ പറയരുത്.

തുളസിയെ ആരാധിക്കുക
മോഹിനി ഏകാദശി ദിനത്തില്‍ തുളസിയെ ആരാധിക്കുകയാണെങ്കില്‍ അത് നിങ്ങള്‍ക്ക് വളരെ ശുഭകരമായി കണക്കാക്കപ്പെടുന്നു. ഈ ദിവസം തുളസിക്ക് ചുവട്ടില്‍ വിളക്ക് കൊളുത്തി തുളസി ആരതി നടത്തുക. മോഹിനി ഏകാദശി നാളില്‍ വൈകുന്നേരം തുളസിക്ക് മുന്നില്‍ നെയ്യ് വിളക്ക് കത്തിക്കുക. ഓം ശ്രീ തുളസ്യ വിദ്മഹേ. വിഷ്ണു പ്രിയയി ധീമഹി. തന്നോ വൃന്ദ പ്രചോദയാം എന്ന മന്ത്രം ചൊല്ലി 11 തവണ വലംവയ്ക്കുക.

ലക്ഷ്മി ദേവിയെ ആരാധിക്കുക
മോഹിനി ഏകാദശി ദിനത്തില്‍ മഹാവിഷ്ണുവിനൊപ്പം ലക്ഷ്മി ദേവിയെയും ആരാധിക്കുക. ഈ ദിവസം പശുവിന്‍ പാലില്‍ നിന്ന് ഉണ്ടാക്കിയ പായസം ദൈവത്തിന് സമര്‍പ്പിക്കുക. ലക്ഷ്മി ദേവിക്ക് ചുവന്ന വസ്ത്രവും വിഷ്ണുവിന് മഞ്ഞ വസ്ത്രവും സമര്‍പ്പിക്കുക. ഇതുവഴി നിങ്ങളുടെ സാമ്പത്തിക സ്ഥിതി മെച്ചപ്പെടും.

വഴിയാത്രക്കാര്‍ക്ക് വെള്ളം കൊടുക്കുക
വൈശാഖ മാസത്തില്‍ വേനല്‍ക്കാലം അതിന്റെ ഉച്ചസ്ഥായിയിലായിരിക്കും. ഇത്തരമൊരു സാഹചര്യത്തില്‍ മോഹിനി ഏകാദശി നാളില്‍ വഴിയാത്രക്കാര്‍ക്ക് നിങ്ങള്‍ വെള്ളം കൊടുക്കുക, ദാഹിക്കുന്ന മൃഗങ്ങള്‍ക്കും പക്ഷികള്‍ക്കും വെള്ളം നല്‍കാനുള്ള ക്രമീകരണം ചെയ്യുക. ഭക്ഷണം, ചെരിപ്പ്, കുട എന്നിവ ദാനം ചെയ്യുക. ഈ ദിവസം ലക്ഷ്മീ ദേവിയുടെ ദ്വാദശനം സ്‌തോത്രവും ചൊല്ലുക.

മഞ്ഞ വസ്ത്രം ധരിക്കുക
ഈ ദിവസം നിങ്ങള്‍ മഞ്ഞ വസ്ത്രം ധരിച്ച് മഹാവിഷ്ണുവിനെ പൂജിക്കുകയും മഞ്ഞപ്പൂക്കള്‍ അര്‍പ്പിക്കുകയും ചെയ്താല്‍ ജീവിതത്തില്‍ ഐശ്വര്യവും ധനലാഭവും ഉണ്ടാകും. മഞ്ഞ നിറം വിഷ്ണുവിന് വളരെ പ്രിയപ്പെട്ടതാണ്, അതിനാല്‍ നിങ്ങള്‍ എല്ലായ്‌പ്പോഴും മഞ്ഞ വസ്ത്രം ധരിച്ച് വേണം വിഷ്ണുവിനെ ആരാധിക്കാന്‍.

പാലഭിഷേകം
ഓറഞ്ച് നിറത്തിലുള്ള വസ്ത്രങ്ങള്‍ ധരിച്ചും വിഷ്ണുവിനെ ആരാധിക്കാം. ഇതോടൊപ്പം കുങ്കുമവും തുളസിയും പാലില്‍ ചേര്‍ത്ത് ഈ ദിവസം വിഷ്ണുഭഗവാനെ അഭിഷേകം ചെയ്യണം. ഇത് നിങ്ങള്‍ക്ക് പ്രത്യേകിച്ച് ഫലപ്രദമായിരിക്കും. ഈ ദിവസം ഉണ്ണിക്കണ്ണനെ പാലില്‍ അഭിഷേകം ചെയ്താലും ഫലം ലഭിക്കും.