ബുധന്‍ മിഥുനം രാശിയില്‍; ജൂലൈ 2ന് ശേഷം ഈ രാശിക്കാര്‍ ശ്രദ്ധിക്കണം

കര്‍ക്കടകം: യാത്രകളില്‍ ശ്രദ്ധിക്കണം

ബുധന്റെ സംക്രമണം നിങ്ങളുടെ പന്ത്രണ്ടാം ഭാവത്തില്‍ ആയിരിക്കും. ഈ സമയത്ത് നിങ്ങളുടെ ഇലക്ട്രോണിക് സാധനങ്ങള്‍ നിങ്ങള്‍ വളരെ ശ്രദ്ധിക്കേണ്ടതുണ്ട്. യാത്രാവേളയില്‍ നിങ്ങളുടെ ഫോണ്‍, ലാപ്ടോപ്പ് മുതലായവ ശ്രദ്ധയോടെ സൂക്ഷിക്കുക, അത് മോഷണം പോയേക്കാം. കുടുംബത്തില്‍ ഒരു അംഗത്തിന്റെ അനാരോഗ്യം കാരണം നിങ്ങള്‍ക്ക് പ്രശ്‌നം നേരിടേണ്ടി വന്നേക്കാം. ചിലര്‍ക്ക് ഈ കാലയളവില്‍ ആത്മീയ പ്രവര്‍ത്തനങ്ങളില്‍ ഏര്‍പ്പെടുന്നതിലൂടെ മാനസിക സമാധാനം കൈവരിക്കാനാകും. വിദേശവ്യാപാരം നടത്തുന്നവര്‍ക്കും ലാഭമുണ്ടാകും. 50 വയസ്സ് പിന്നിട്ടവര്‍ ആരോഗ്യകാര്യത്തില്‍ പ്രത്യേകം ശ്രദ്ധിക്കണം. ദോഷ പരിഹാരത്തിനായി ബുധനാഴ്ച പശുവിന് പച്ചപ്പുല്ല് നല്‍കുന്നത് ഗുണം ചെയ്യും.

വൃശ്ചികം: ആരോഗ്യകാര്യത്തില്‍ ശ്രദ്ധിക്കുക

വൃശ്ചികം രാശിക്കാര്‍ ഈ സമയം ആരോഗ്യം ശ്രദ്ധിക്കേണ്ടതുണ്ട്. ബുധന്‍ നിങ്ങളുടെ എട്ടാം ഭാവത്തില്‍ സഞ്ചരിക്കും, അതിനാല്‍ പെട്ടെന്ന് ആരോഗ്യം വഷളായേക്കാം. ശരിയായ ദിനചര്യ പിന്തുടരുകയും സമീകൃതാഹാരം കഴിക്കുകയും ചെയ്യുക. ഈ രാശിയിലെ ചില ജോലിക്കാര്‍ക്ക് പ്രതികൂലമായ ചില മാറ്റങ്ങള്‍ പെട്ടെന്ന് കാണാനിടയുണ്ട്. ഈ കാലയളവില്‍ നിങ്ങള്‍ക്ക് അനാവശ്യ യാത്രകള്‍ ചെയ്യേണ്ടി വന്നേക്കാം. നിങ്ങളുടെ കുടുംബത്തിലെ ആരെങ്കിലും വിദേശത്ത് താമസിക്കുന്നുണ്ടെങ്കില്‍, അവരിലൂടെ നിങ്ങള്‍ക്ക് ചില നല്ല വാര്‍ത്തകള്‍ ലഭിക്കും. അതേസമയം, ചിലര്‍ക്ക് പെട്ടെന്ന് ധനലാഭം ലഭിക്കാനും സാധ്യതയുണ്ട്. പ്രതിവിധിയായി ബുധന്റെ ദോഷം കുറയ്ക്കാന്‍ ഗണേശനെ ആരാധിക്കുക.

ധനു: ദാമ്പത്യ ജീവിതത്തില്‍ പ്രശ്നങ്ങള്‍ ഉണ്ടാകാം

ബുധന്‍ മിഥുന രാശിയില്‍ പ്രവേശിച്ചതിനു ശേഷം ധനു രാശിക്കാര്‍ക്ക് ദാമ്പത്യ ജീവിതത്തില്‍ ചില പ്രശ്‌നങ്ങള്‍ നേരിടേണ്ടി വന്നേക്കാം. ഈ കാലയളവില്‍ ചെറിയ പ്രശ്‌നങ്ങള്‍ പോലും വലിയ വിവാദങ്ങള്‍ക്ക് കാരണമാകും, അതിനാല്‍ നിങ്ങളുടെ പങ്കാളിയുമായുള്ള ബന്ധം നല്ലരീതിയില്‍ സൂക്ഷിക്കുക. സാമൂഹിക തലത്തില്‍ നിങ്ങളുടെ വാക്കുകള്‍ തെറ്റായി വ്യാഖ്യാനിക്കാന്‍ ഇടയുണ്ട്. ജോലി ചെയ്യുന്നവര്‍ക്ക് ജോലിഭാരം മൂലം മാനസിക പിരിമുറുക്കം ഉണ്ടാകാം. എങ്കിലും മാധ്യമ മേഖലയുമായി ബന്ധമുള്ളവര്‍ക്ക് ഈ കാലയളവില്‍ ചില നേട്ടങ്ങള്‍ കൈവരിക്കാനാകും. പ്രതിവിധിയായി ബുധന്റെ മന്ത്രം ജപിച്ചാല്‍ നിങ്ങള്‍ക്ക് നേട്ടങ്ങള്‍ ലഭിക്കും.

മകരം: എതിരാളികളോട് ജാഗ്രത പാലിക്കുക

ബുധന്‍ സംക്രമിക്കുന്ന വേളയില്‍ നിങ്ങളുടെ എതിരാളികളുമായി നിങ്ങള്‍ ജാഗ്രത പാലിക്കണം. നിങ്ങളെ പുകഴ്ത്തുന്ന ആളുകള്‍ തന്നെ നിങ്ങളുടെ പുറകില്‍ നിന്ന് നിങ്ങള്‍ക്കെതിരെ ഗൂഢാലോചന നടത്തിയേക്കാം. അതിനാല്‍ ശ്രദ്ധിക്കുക. ദാമ്പത്യ ജീവിതത്തിലും ചില പൊരുത്തക്കേടുകള്‍ കണ്ടേക്കാം. വീട്ടിലെ ഒരു അംഗത്തിന്റെ അനാരോഗ്യം നിങ്ങളുടെ ആശങ്ക വളര്‍ത്തിയേക്കാം. പ്രതിവിധിയായി നിങ്ങളുടെ സഹോദരിക്കോ അമ്മായിക്കോ സമ്മാനമായി നല്‍കുക.

ബുധന്റെ പ്രതിവിധികള്‍

* പച്ച നിറത്തിലുള്ള ഷേഡുകളിലെ വസ്ത്രങ്ങള്‍ ധരിക്കുക.

* നിങ്ങളുടെ സഹോദരിമാരോടും അമ്മായിമാരോടും ബഹുമാനത്തോടെ പെരുമാറുക

* ബുധന്റെ പ്രധാന ദേവനായ വിഷ്ണുവിനെ ആരാധിക്കുക

* ബുധനാഴ്ചകളില്‍ പൂര്‍ണ്ണ ഭക്തിയോടെ ദാനം ചെയ്യുക. ജ്യോതിഷത്തില്‍, ദാനം ചെയ്യുന്നത് സത്കര്‍മങ്ങള്‍ ചെയ്യുന്നതിനുള്ള ഒരു നല്ല മാര്‍ഗമാണ്.

* ബുധനെ നിങ്ങള്‍ക്ക് അനുകൂലമാക്കാന്‍ മന്ത്രങ്ങള്‍ ചൊല്ലുക. ബുധമന്ത്രം ജപിക്കുന്നത് ബുധനെ പ്രീതിപ്പെടുത്താനുള്ള ഒരു ദ്രുത മാര്‍ഗമാണ്.

* ശുഭ ഫലങ്ങള്‍ക്കായി ബുദ്ധ യന്ത്രം ധരിക്കുക അല്ലെങ്കില്‍ ഉപയോഗിക്കുക.

* മരതക രത്‌നം ധരിക്കുക.