Just In
- 39 min ago 30 വര്ഷത്തിന് ശേഷം രാജയോഗമാണ് ശനി നല്കുന്നത്: ഇതില് വരുന്ന രാശിക്കാര്
- 1 hr ago നിസ്സാര കാര്യത്തിന് പിണങ്ങുന്ന പങ്കാളി, ബ്രേക്ക് അപ്പ് ആകാതെ ബന്ധം കാക്കാന് 7 കാര്യം
- 2 hrs ago കെമ്പമ്മ ദേവി നല്കിയ സ്വപ്ന ദര്ശനം; നായയെ ദൈവമായി ആരാധിക്കുന്ന ക്ഷേത്രം
- 3 hrs ago നൂറ് യാഗങ്ങള്ക്ക് തുല്യമായ ഫലം, മോക്ഷപ്രാപ്തിയോടെ ജീവിതം; കാമദ ഏകാദശി വ്രതം
Don't Miss
- Automobiles ഡ്രൈവിങ്ങ് ടെസ്റ്റ് കട്ട ശോകം തന്നെ, ഡ്രൈവിങ്ങ് ടെസ്റ്റ് ഗ്രൗണ്ടിൽ അടിസ്ഥാനസൗകര്യമില്ലെന്ന് റിപ്പോർട്ട്
- Movies ഷാരൂഖ് ഖാനെ പ്രണയിച്ച് അഭിനയിക്കണമെന്നാണ് ആഗ്രഹം! മുന്പ് നടക്കാതെ പോയതിനെ പറ്റി നടി വിദ്യ ബാലന്
- Sports T20 World Cup 2024: വീണ്ടുമൊരു ലോകകപ്പ് കളിക്കാന് ഡിക്കെ റെഡി! ധോണിയോ? തുറന്നു പറഞ്ഞ് രോഹിത്
- Technology 'അഴിച്ചുവിട്ട' മുതലിനെ ഏറ്റുവാങ്ങാൻ സമയമായി! നേരേ ഫ്ലിപ്പ്കാർട്ടിലേക്ക് വിട്ടോ, ദേ ഇത് വാങ്ങിക്കോ
- Finance റെക്കോർഡ് വിലയിൽ നിന്നും താഴോട്ടിറങ്ങി സ്വർണം, ഇന്ന് കുറഞ്ഞത് 240 രൂപ, ആഭരണം വാങ്ങാൻ 58,000 നൽകണം
- News ട്രെന്ഡ് മാറി സ്വര്ണ വിപണി; സ്വര്ണ വില താഴുന്നു; അല്പ്പം കാത്തിരിക്കാം... ഇന്ന് നേരിയ കുറവ് മാത്രം
- Travel മധുര, ശ്രീരംഗം, തഞ്ചാവൂർ; ഒറ്റദിവസ യാത്ര, ചെലവ് വെറും 1000 രൂപ! പോയാലോ
ബുധന്റെ കര്ക്കിടക രാശി സംക്രമണം; നേട്ടം ഇങ്ങനെ
ബുധനെ ഗ്രഹങ്ങളുടെ രാജകുമാരനും അറിവിന്റെയും ബുദ്ധിയുടെയും ഗ്രഹമായും കണക്കാക്കുന്നു. ഈ ഗ്രഹം നിങ്ങളുടെ മനസ്സ്, ചര്മ്മം, ബിസിനസ്സ് തുടങ്ങിയവയെ പ്രതിനിധീകരിക്കുന്നു. ഒരാളുടെ ജാതകത്തില് നല്ല സ്ഥാനത്ത് തുടരുന്ന ബുധന് അവരുടെ ബൗദ്ധിക കഴിവുകളില് ശക്തി നല്കുന്നു.
Most read: ജാതകത്തില് വ്യാഴത്തിന്റെ ദോഷമോ? പരിഹാരങ്ങള്
2020 ഓഗസ്റ്റ് 2 ന് ബുധന് മിഥുനം രാശിയില് നിന്ന് കര്ക്കിടകം രാശിയിലേക്ക് നീങ്ങുന്നു. ഓഗസ്റ്റ് 17 വരെ തത്സ്ഥാനത്ത് തുടരും. ഈ സംക്രമണ കാലഘട്ടത്തില് ഓരോ രാശി ചിഹ്നത്തിലുള്ളവര്ക്കും ജീവിതത്തില് നല്ലതോ ചീത്തയോ ആയ ചില മാറ്റങ്ങള് നടക്കുന്നു. ഓരോ രാശിക്കും ഈ കാലയളവിലുള്ള നേട്ടങ്ങളും കോട്ടങ്ങളും വായിക്കൂ.
മേടം
മേടം രാശിക്കാര്ക്ക് അവരുടെ നാലാമത്തെ ഗൃഹത്തില് ബുധന് സഞ്ചരിക്കും. ഈ സ്ഥാനത്തിന്റെ ഫലമായി, ഔദ്യോഗിക ജീവിതത്തില് വിജയം, ജോലി അന്വേഷകര്ക്ക് നേട്ടം എന്നിവ കാണുന്നു. നിങ്ങളുടെ സൃഷ്ടിപരമായ ജോലികളില് വിജയം നേടാനാകും. നിങ്ങളുടെ അമ്മയുടെ ആരോഗ്യത്തില് ശ്രദ്ധ പുലര്ത്തേണ്ടതുണ്ട്. സഹോദരങ്ങള്ക്ക് അവരുടെ വിദ്യാഭ്യാസ മേഖലയിലോ കരിയറിലോ പ്രയോജനമുണ്ടാകും. ഈ കാലയളവില് അനാവശ്യ ചെലവുകള് വന്നേക്കാം.
ഇടവം
ഇടവം രാശിക്കാര്ക്ക് അവരുടെ മൂന്നാമത്തെ ഗൃഹത്തില് ബുധന് സ്വാധീനം ചെലുത്തും. ഗ്രഹത്തിന്റെ ചലനം ഇടവം രാശിക്കാര്ക്ക് അനുകൂലമാണെന്ന് തെളിയിക്കും. പുതിയ വരുമാന സ്രോതസ്സുകള് കാണാനാകും, സാമ്പത്തിക മേഖല ശക്തിപ്പെടും, പഴയ കടങ്ങള് തിരിച്ചടയ്ക്കാന് കഴിയും. ആലാപനം, അഭിനയം, നൃത്തം തുടങ്ങിയ സൃഷ്ടിപരമായ കഴിവുകളുമായി ബന്ധപ്പെട്ടവര്ക്ക് നേട്ടമുണ്ടാകും. കുടുംബത്തില് ഐക്യം നിലനില്ക്കും, ഒപ്പം നിങ്ങളുടെ വീട്ടംഗങ്ങളുടെ പിന്തുണയും നേടാനാകും.
Most read:ജോലി ഉന്നതിക്ക് പരിഹാരം ഓരോരാളും ചെയ്യേണ്ടത്
മിഥുനം
മിഥുനം രാശിക്കാരുടെ രണ്ടാമത്തെ ഗൃഹത്തില് ബുധന് പ്രവേശിക്കും. ഇത് നിങ്ങളുടെ സംസാരം, കുടുംബം, ഭാവനാത്മക ശക്തി എന്നിവയെ സൂചിപ്പിക്കുന്നതാണ്. ഈ സംക്രമണത്തിന്റെ ഫലമായി, നിങ്ങള്ക്ക് മികച്ച തൊഴിലവസരങ്ങളും വരുമാന സ്രോതസ്സുകളും കാണാന് കഴിയും. സമ്പത്ത് നേടാനുള്ള ചിന്ത ഈ സമയത്ത് നിങ്ങളുടെ ശ്രമങ്ങളെ വിജയത്തിലെത്തുക്കും. ബന്ധുക്കളോടും കുടുംബത്തോടും കൂടുതല് സമയം ചെലവഴിക്കാനാകും. വിവാഹം, പ്രസവം എന്നിവയ്ക്ക് സാധ്യതയുണ്ട്. ചിലര്ക്ക് മാതാവിലൂടെ നേട്ടം കൈവരും. ഈ കാലയളവില് നിങ്ങളുടെ തീരുമാനമെടുക്കാനുള്ള കഴിവുകളും മെച്ചപ്പെടും, മാത്രമല്ല നിങ്ങള്ക്ക് ബുദ്ധിമുട്ടുള്ള സാഹചര്യങ്ങളില് നിന്ന് എളുപ്പത്തില് രക്ഷപ്പെടാനും കഴിയും. പ്രണയിതാക്കള്ക്ക് അനുകൂലമായ ഫലങ്ങള് പ്രതീക്ഷിക്കാം.
കര്ക്കിടകം
കര്ക്കിടകം രാശിക്കാരുടെ ആദ്യ ഗൃഹത്തില് ബുധന് സഞ്ചരിക്കും. ഈ ഗ്രഹസ്ഥാനം നിങ്ങള്ക്ക് ചില വെല്ലുവിളികള് സൃഷ്ടിച്ചേക്കാം. നിങ്ങളുടെ പ്രവര്ത്തന രീതികള് മെച്ചപ്പെടുത്തേണ്ടതായിവരും. ജോലി ചെയ്യുന്നവരായാലും ബിസിനസ്സുകാരായാലും ജോലിയില് ഇപ്പോള് കൂടുതല് കഠിനാധ്വാനം ചെയ്യേണ്ടതുണ്ട്. സാമ്പത്തികമായി, നിങ്ങളുടെ അനാവശ്യ ചെലവുകള് നിങ്ങള് നിയന്ത്രിക്കേണ്ടതുണ്ട്. കര്ക്കിടകം രാശിക്കാരായ രക്ഷിതാക്കള്ക്ക് അവരുടെ കുട്ടികളുടെ വിദ്യാഭ്യാസത്തെക്കുറിച്ച് ആശങ്കയുണ്ടാകും. വിദ്യാര്ത്ഥികള്ക്ക് പഠനത്തില് ഏകാഗ്രത നഷ്ടപ്പെടാം. ആരോഗ്യപരമായി, നിങ്ങളെ ഇപ്പോള് ശ്വസന പ്രശ്നങ്ങള് അലട്ടിയേക്കാം.
Most read:നല്ല ആരോഗ്യത്തിന് വാസ്തു പറയും വഴി
ചിങ്ങം
ചിങ്ങം രാശിക്കാരുടെ പന്ത്രണ്ടാമത്തെ ഗൃഹത്തില് ബുധന് സ്ഥാനം പിടിക്കും. ഈ സംക്രമണ ഘട്ടത്തില് ചിങ്ങം രാശിക്കാര്ക്ക് ജീവിതത്തില് നിരവധി വെല്ലുവിളികള് നേരിടേണ്ടിവരും. നിങ്ങളില് തെറ്റായ ചിന്തകള് കടന്നുവന്നേക്കാം. സാമ്പത്തികമായി, നിങ്ങള് ചില പ്രശ്നങ്ങള് അഭിമുഖീകരിച്ചേക്കാം. നിങ്ങള് എത്ര ശ്രമിച്ചാലും നിങ്ങളുടെ അനാവശ്യ ചെലവുകള് തടയാന് കഴിയില്ല. കുടുംബജീവിതത്തില് നിങ്ങള് സമതുലിതമായ സമീപനം പാലിക്കുകയും നിങ്ങളുടെ വീട്ടില് ഐക്യം നിലനിര്ത്താന് ശ്രമിക്കുകയും വേണം. വിദേശ രാജ്യങ്ങളില് നിന്നുള്ള ബിസിനസ്സുമായി ബന്ധപ്പെട്ടവര്ക്ക് അനുകൂലമായ സമയമുണ്ടാകും. ഒരു മള്ട്ടിനാഷണല് ഐ.ടി കമ്പനിയില് ജോലി ചെയ്യുന്നവര്ക്ക് ഇപ്പോള് സ്ഥാനക്കയറ്റം പ്രതീക്ഷിക്കാം. അലര്ജി സംബന്ധമായ ബുദ്ധിമുട്ടുകള് നേരിടുന്നവര് അശ്രദ്ധരാകാതിരിക്കുക.
കന്നി
കന്നി രാശിക്കാരുടെ പതിനൊന്നാമത്തെ ഗൃഹത്തില് ബുധന് സഞ്ചരിക്കും. ഈ ഗ്രഹസ്ഥാനം നിങ്ങള്ക്ക് ചില അനുകൂല നേട്ടങ്ങള് നല്കാന് സാധ്യതയുണ്ട്. കന്നി രാശിക്കാരായ ബിസിനസ്സുകാര്ക്ക് ഇപ്പോള് ലാഭം നേടാനാകും. തീര്ച്ചപ്പെടുത്തിയിട്ടില്ലാത്ത ഏത് ജോലിയും ഇപ്പോള് പൂര്ത്തിയാക്കാന് കഴിയും. പ്രൊഫഷണലുകള്ക്കും ജോലിസ്ഥലത്ത് മികച്ച വിജയം പ്രതീക്ഷിക്കാം. കടം നല്കിയ പണം തിരികെ ലഭിക്കും. സഹോദരങ്ങളുടെ പൂര്ണ്ണ പിന്തുണ ലഭിക്കും. കുറച്ച് കാലമായി അലട്ടുന്ന ആരോഗ്യ പ്രശ്നങ്ങളില് നിന്ന് മാറിനില്ക്കാനാകും. ഈ സമയം ചില പഴയ ചങ്ങാതിമാരെ കണ്ടുമുട്ടാനുമാകും.
Most read:സമ്പത്ത് ഉയര്ത്താന് ഫെങ്ഷൂയി നാണയങ്ങള്
തുലാം
തുലാം രാശിക്കാരുടെ പത്താമത്തെ ഗൃഹത്തില് ബുധന് സ്ഥാനം പിടിക്കും. ഇത് നിങ്ങളുടെ കര്മ്മം, ജോലിസ്ഥലം, ബിസിനസ്സ്, നേതൃത്വഗുണങ്ങള് എന്നിവയെ സൂചിപ്പിക്കുന്നതാണ്. നിങ്ങളുടെ നേതൃത്വഗുണങ്ങളില് ഉയര്ച്ചയുണ്ടാകും, അതിന്റെ ഫലമായി, നിങ്ങളുടെ ജോലിസ്ഥലത്ത് ഉത്തരവാദിത്തങ്ങള് നേടാനാകും. സ്വന്തമായി ഒരു ബിസിനസ്സ് ആരംഭിക്കാന് ആഗ്രഹിക്കുന്നവര്, ഇത് ഒരു അനുകൂല കാലയളവാണ്. തുലാം രാശിക്കാരായ വിദ്യാര്ത്ഥികള്ക്കും നേട്ടം ലഭിക്കും.
വൃശ്ചികം
വൃശ്ചികം രാശിക്കാരുടെ ഒമ്പതാമത്തെ ഗൃഹത്തില് ബുധന് സഞ്ചരിക്കും. ഈ ഗൃഹം നിങ്ങളുടെ ഭാഗ്യം, മതം, സ്വഭാവം, ദീര്ഘദൂര യാത്രകള് എന്നിവയെ സൂചിപ്പിക്കുന്നു. ഈ സംക്രമണ കാലത്ത് നിങ്ങളുടെ പരിശ്രമങ്ങളില് വിജയിക്കാന് പതിവിലും കൂടുതല് കഠിനാധ്വാനം ചെയ്യേണ്ടതുണ്ട്. ഇപ്പോള് നിങ്ങളുടെ പിതാവിന്റെ ആരോഗ്യം കുറയാനിടയുണ്ട്. അത് നിങ്ങളില് സമ്മര്ദ്ദം ചെലുത്തും. മറുവശത്ത്, ജോലി ചെയ്യുന്നവര്ക്ക് ഈ യാത്രാമാര്ഗത്തില് ഒരു നല്ല സമയം പ്രതീക്ഷിക്കാം. പുതിയ വരുമാന സ്രോതസ്സുകള് തുറക്കും, സാമ്പത്തിക പ്രതിസന്ധിയില് നിന്ന് കരകയറാന് സഹായിക്കും. പലര്ക്കും തൊഴിലവസരങ്ങള് നേടാനാകും. ഈ സമയത്ത് നിങ്ങളുടെ യാത്ര പൂര്ണ്ണമായും ഒഴിവാക്കുന്നത് നല്ലതായിരിക്കും.
ധനു
ധനു രാശിക്കാരുടെ എട്ടാമത്തെ ഗൃഹത്തില് ബുധന് സഞ്ചരിക്കും. ഇത് നിങ്ങളുടെ പ്രായം, ദീര്ഘായുസ്സ്, ജീവിതത്തിലെ വെല്ലുവിളികള്, തടസ്സങ്ങള്, പൂര്വ്വിക സ്വത്ത് എന്നിവയെ സൂചിപ്പിക്കുന്നു. രാഷ്ട്രീയവുമായി അല്ലെങ്കില് സമാന മേഖലകളുമായി ബന്ധപ്പെട്ടിരിക്കുന്നവര്ക്ക് ഈ യാത്രാമാര്ഗ്ഗത്തില് മികച്ച ഫലങ്ങള് പ്രതീക്ഷിക്കാം. ജീവിതത്തില് ചില തടസ്സങ്ങള് നീക്കംചെയ്യപ്പെടും. എന്നിരുന്നാലും, നിങ്ങളുടെ ഇണയുടെ ആരോഗ്യത്തെക്കുറിച്ച് നിങ്ങള്ക്ക് ആശങ്കയുണ്ടാകാം. ഏതൊരു പുതിയ വിഷയവും പഠിക്കുന്നതിനുള്ള ഏറ്റവും അനുകൂലമായ സമയമായതിനാല് ഈ ഗ്രഹസ്ഥാനം വിദ്യാര്ത്ഥികള്ക്ക് നല്ല ഫലങ്ങള് നല്കും.
മകരം
മകരം രാശിക്കാരുടെ ഏഴാമത്തെ ഗൃഹത്തില് ബുധന് സ്ഥാനംപിടിക്കും. ഈ മാറ്റം ജീവിതത്തില് നിങ്ങള്ക്ക് ചില പ്രശ്നങ്ങള് സൃഷ്ടിക്കും. പങ്കാളിയുമായി ചില തര്ക്കമുണ്ടാകാനുള്ള സാധ്യതയുണ്ട്. പങ്കാളിത്തത്തില് ബിസിനസ്സ് നടത്തുന്നവര് ഇപ്പോള് അമിതമായി ചിന്തിക്കുന്നത് ഒഴിവാക്കേണ്ടതുണ്ട്. ഹ്രസ്വ യാത്രകള് നിങ്ങള്ക്ക് നേട്ടങ്ങള് ഉണ്ടാക്കാന് സാധ്യതയുണ്ട്. സാമൂഹികമായി, നിങ്ങള് ജാഗ്രത പാലിക്കേണ്ടതുണ്ട്.
Most read:സ്വപ്നത്തിലെ മൃഗങ്ങള് നിങ്ങളോട് പറയുന്നത് ഇതാണ്
കുംഭം
കുംഭം രാശിക്കാര്ക്ക് അവരുടെ ആറാമത്തെ ഗൃഹത്തില് ബുധന് സഞ്ചരിക്കും. ഈ സഞ്ചാരപാത നിങ്ങള്ക്ക് തികച്ചും അനുകൂലമാണെന്ന് തെളിയിക്കും, കാരണം ജീവിതത്തിന്റെ പല മേഖലകളിലെയും നേട്ടം കാണാനാകും. വരുമാനത്തെക്കുറിച്ച് ആശങ്കയുണ്ടായിരുന്നവര്ക്ക്, ഇപ്പോള് വരുമാനത്തില് വര്ദ്ധനവ് പ്രതീക്ഷിക്കാം. പണം സമ്പാദിക്കാനുള്ള പുതിയ മാര്ഗ്ഗങ്ങള് കണ്ടെത്താനാകും. ജോലി ചെയ്യുന്നവര്ക്ക് മുതിര്ന്നവരുടെ പിന്തുണയുണ്ടാകും. കുടുംബത്തിന്റെ അമ്മയുടെ ഭാഗത്തുനിന്നുള്ള പിന്തുണയും നേട്ടവും പ്രതീക്ഷിക്കാം. ആരോഗ്യപരമായി, നിങ്ങളുടെ കുട്ടികളുടെ ക്ഷേമത്തില് ഈ സമയം ശ്രദ്ധ പുലര്ത്തേണ്ടതുണ്ട്.
മീനം
മീനം രാശിക്കാരുടെ അഞ്ചാമത്തെ ഭവനത്തിലൂടെ ബുധന് സഞ്ചരിക്കും. ഇത് നിങ്ങളുടെ കുട്ടികള്, വിദ്യാഭ്യാസം, ബുദ്ധി, പ്രണയം, പ്രശസ്തി എന്നിവയെ സൂചിപ്പിക്കുന്നു. ഈ സംക്രമണ കാലത്ത് നിങ്ങളുടെ ഏകാഗ്രത കുറയുന്നതിന്റെ സൂചനകളുണ്ട്. കൂടാതെ, നിങ്ങളുടെ ജീവിതത്തില് സുഖസ സൗകര്യങ്ങളുടെ അഭാവത്തിനുള്ള സാധ്യതകളും ഉണ്ട്. ഈ യാത്രാമാര്ഗ്ഗത്തില് പലരും പ്രതിസന്ധിയിലാവും. നിങ്ങളുടെ എതിരാളികളെ കരുതിയിരിക്കേണ്ടതുണ്ട്. മത്സരപരീക്ഷകള്ക്ക് തയ്യാറെടുക്കുന്നവര് പതിവിലും കഠിനമായി പ്രവര്ത്തിക്കേണ്ടതുണ്ട്. നിങ്ങളുടെ കുടുംബത്തില് കാര്യങ്ങള് ശരാശരിയായി തുടരും, എന്നിരുന്നാലും, നിങ്ങളുടെ കുട്ടികളുടെ ആരോഗ്യം നിങ്ങളെ ബുദ്ധിമുട്ടിക്കും.