Mangal Gochar 2022 : ശത്രുരാശിയില്‍ ചൊവ്വയുടെ സംക്രമണം ഈ 5 രാശിക്ക് ദോഷം വര്‍ദ്ധിക്കും

ഇടവം

ഈ കാലയളവില്‍ നിങ്ങളുടെ സംസാരത്തില്‍ അല്‍പം കാഠിന്വം കണ്ടേക്കാം. ഇത് നിങ്ങള്‍ക്ക് ചില ബുദ്ധിമുട്ടുകള്‍ വരുത്തും. ഈ സമയത്ത്, നിങ്ങള്‍ കൂടുതല്‍ കഠിനാധ്വാനം ചെയ്യേണ്ടിവരും. നിങ്ങളുടെ ലക്ഷ്യത്തില്‍ ശ്രദ്ധ കേന്ദ്രീകരിക്കുക. അമിത ചെലവുകള്‍ ഒഴിവാക്കുക, അല്ലാത്തപക്ഷം സാമ്പത്തിക പ്രശ്‌നം ബാധിച്ചേക്കാം. ജോലിസ്ഥലത്ത് മേലധികാരിയുമായി തര്‍ക്കമുണ്ടാകാം. അതിനാല്‍ ക്ഷമ പാലിക്കുക. ആരോഗ്യം ശ്രദ്ധിക്കുക. വാഹനമോടിക്കുമ്പോള്‍ ശ്രദ്ധിക്കുക.

മിഥുനം

നിങ്ങളുടെ ലഗ്‌നഭാവത്തില്‍ ചൊവ്വയുടെ സംക്രമണം മിഥുനം രാശിക്കാരുടെ ധൈര്യം വര്‍ദ്ധിപ്പിക്കും. ഈ സമയത്ത്, തിടുക്കത്തില്‍ ഒരു തീരുമാനവും എടുക്കരുത്, അല്ലാത്തപക്ഷം നഷ്ടം ഉണ്ടായേക്കാം. ദാമ്പത്യ ജീവിതത്തിലും ചില പ്രശ്‌നങ്ങള്‍ ഉണ്ടാകാം. ഈ സമയം നിങ്ങളുടെ ക്ഷമ പരീക്ഷിക്കുന്ന സമയമായിരിക്കും. അതിനാല്‍ ഏത് സാഹചര്യത്തിലും ക്ഷമ കൈവിടാതിരിക്കുക.

കര്‍ക്കിടകം

കര്‍ക്കിടകം രാശിക്കാര്‍ക്ക് ചൊവ്വയുടെ ഈ സംക്രമണ കാലം ശുഭകരമായിരിക്കില്ല. ഈ സമയത്ത് നിങ്ങളുടെ ചെലവുകള്‍ വര്‍ദ്ധിച്ചേക്കാം. അതുമൂലം നിങ്ങള്‍ക്ക് സാമ്പത്തിക പ്രതിസന്ധി നേരിടേണ്ടി വന്നേക്കാം. ആരോഗ്യം ശ്രദ്ധിക്കുക.

മേടം

മേടം രാശിയുടെ അധിപനായി ചൊവ്വയെ കണക്കാക്കപ്പെടുന്നു. ചൊവ്വ ചില കാര്യങ്ങളില്‍ നിങ്ങള്‍ക്ക് വളരെ നല്ല ഫലങ്ങള്‍ നല്‍കുന്നു. എന്നിരുന്നാലും, ഈ സമയത്ത് നിങ്ങള്‍ക്ക് ചില വിധത്തില്‍ പ്രശ്‌നങ്ങള്‍ നേരിടേണ്ടി വന്നേക്കാം. ചൊവ്വ മിഥുനം രാശിയില്‍ സംക്രമിക്കുന്ന ഈ കാലഘട്ടത്തില്‍ നിങ്ങളുടെ ധൈര്യം വര്‍ദ്ധിക്കും. ഈ സമയത്ത്, നിങ്ങളുടെ ഇമേജ് വളര്‍ത്താന്‍ നിങ്ങള്‍ ശ്രദ്ധിക്കേണ്ടതുണ്ട്. ജോലിസ്ഥലത്ത് ജാഗ്രതയും ശ്രദ്ധയും പുലര്‍ത്തുക.

മീനം

മീനം രാശിക്കാര്‍ ചൊവ്വയുടെ ഈ സംക്രമണ കാലത്ത് പുതിയ ജോലികള്‍ തുടങ്ങുന്നത് ഒഴിവാക്കണം. ഈ സമയത്ത് നിങ്ങളുടെ സുഖസൗകര്യങ്ങള്‍ കുറഞ്ഞേക്കാം. അമ്മയുടെ ആരോഗ്യകാര്യത്തില്‍ പ്രത്യേകം ശ്രദ്ധിക്കണം. ജോലിസ്ഥലത്ത് മാറ്റങ്ങള്‍ സാധ്യമാണ്.

ചൊവ്വാദോഷം പരിഹാരങ്ങള്‍

* ചൊവ്വയുടെ ദോഷഫലങ്ങള്‍ അകറ്റാന്‍ ചൊവ്വാഴ്ച ദിവസം വ്രതം അനുഷ്ഠിക്കുക. കൂടുതല്‍ ഫലപ്രദമായ നേട്ടങ്ങള്‍ക്കായി ഈ ദിവസം തുവരപ്പരിപ്പ് മാത്രം കഴിക്കുക.

* ചൊവ്വയുടെ ദോഷഫലങ്ങള്‍ കുറയ്ക്കാനായി ചൊവ്വാദോഷമുള്ള പുരുഷന് ചൊവ്വാദോഷമുള്ള പെണ്ണിനെയോ നേരെ തിരിച്ചോ വിവാഹം കഴിക്കാവുന്നതാണ്.

* എല്ലാ ചൊവ്വാഴ്ചയും നവഗ്രഹ മന്ത്രം ചൊല്ലുക. ദിവസവും ഹനുമാന്‍ ചാലിസ പാരായണം ചെയ്യുകയോ ഗായത്രി മന്ത്രം 108 തവണ ചൊല്ലുകയോ ചെയ്യുക.

* തിളങ്ങുന്ന ചുവന്ന നിറമുള്ള പവിഴം ജ്യോതിഷപരമായി ചൊവ്വാ ഗ്രഹവുമായി ബന്ധപ്പെട്ടിരിക്കുന്നു. ഈ രത്നം ധരിക്കുന്നത് ചൊവ്വയുടെ പ്രതികൂല ഫലങ്ങള്‍ കുറയ്ക്കും.

* ചുവന്ന പയറ് ഉപയോഗിച്ച് തയാറാക്കിയ ഭക്ഷണം, വാളുകള്‍, ചുവന്ന പവിഴം, കത്തികള്‍ അല്ലെങ്കില്‍ ചുവന്ന പട്ട് എന്നിവ ചൊവ്വാഴ്ച ദിവസം ദാനം ചെയ്യുന്നത് ചൊവ്വാദോഷം ലഘൂകരിക്കാനുള്ള ഫലപ്രദമായ പ്രതിവിധിയാണ്.

* ചൊവ്വാഗ്രഹത്തിനായി സമര്‍പ്പിച്ചിരിക്കുന്ന ഏതെങ്കിലും നവഗ്രഹ ക്ഷേത്രം സന്ദര്‍ശിച്ച് എല്ലാ ചൊവ്വാഴ്ചയും പൂജ നടത്തുക. എല്ലാ ചൊവ്വാഴ്ചയും ആരാധനയ്ക്കായി ഹനുമാന്‍ ക്ഷേത്രം സന്ദര്‍ശിക്കുക. സേമിയയും മധുരപലഹാരങ്ങളും അര്‍പ്പിക്കുകയും ഒരു നെയ്യ് വിളക്ക് കത്തിക്കുകയും ചെയ്യുക.