ദാമ്പത്യപ്രശ്‌നങ്ങള്‍, ശത്രുഭീതി, പണനഷ്ടം; ഈ 4 രാശിക്ക് ചൊവ്വയുടെ സംക്രമണം നല്‍കും കഷ്ടകാലം

ഇടവം

മിഥുന രാശിയിലെ ചൊവ്വയുടെ സംക്രമണം ഇടവം രാശിക്കാര്‍ക്ക് അശുഭകരമായി കണക്കാക്കപ്പെടുന്നു. അതിന്റെ പ്രഭാവം കാരണം, നിങ്ങളുടെ സംസാരം പരുഷമാകുകയും നിങ്ങളുടെ ചെലവുകള്‍ ഗണ്യമായി വര്‍ദ്ധിക്കുകയും ചെയ്യും. ഈ സമയത്ത് നിങ്ങളുടെ സംസാരത്തില്‍ സംയമനം പാലിക്കാന്‍ ശ്രദ്ധിക്കുക. കുടുംബകാര്യങ്ങള്‍ക്കും പ്രണയകാര്യങ്ങള്‍ക്കും ഈ സമയം നല്ലതല്ല. നിങ്ങളുടെ പെരുമാറ്റം മോശമായേക്കാം. നിങ്ങളുടെ മൂര്‍ച്ചയുള്ള വാക്കുകള്‍ ജോലിസ്ഥലത്തെ നിങ്ങളുടെ ബന്ധങ്ങളെയും ബാധിക്കും. പങ്കാളിയുമായുള്ള ബന്ധം വഷളായേക്കാം. പ്രതിവിധിയായി നിങ്ങള്‍ ദുര്‍ഗാദേവിക്ക് ചുവന്ന പൂക്കള്‍ സമര്‍പ്പിച്ച് ആരാധിക്കുക.

കര്‍ക്കിടകം

മിഥുന രാശിയിലെ ചൊവ്വയുടെ സംക്രമണം വൃശ്ചികം രാശിക്കാര്‍ക്ക് അത്ര ശുഭകരമല്ല. ഈ സംക്രമണം കാരണം, നിങ്ങളുടെ ജാതകത്തില്‍ വിപരീത രാജയോഗം സൃഷ്ടിക്കപ്പെടുന്നു. ഈ സമയത്ത് ശത്രുക്കള്‍ നിങ്ങളെ ഉപദ്രവിക്കാന്‍ പരമാവധി ശ്രമിക്കും. നിങ്ങളുടെ ജീവിതത്തിന്റെ എല്ലാ മേഖലകളിലും അനിശ്ചിതത്വങ്ങള്‍ വര്‍ദ്ധിക്കും. ആരോഗ്യവും ദുര്‍ബലമായിരിക്കും. അനാവശ്യമായ സമ്മര്‍ദ്ദം നിങ്ങളുടെ ജീവിതത്തിലേക്ക് കടന്നുവന്നേക്കാം. ദാമ്പത്യ ജീവിതത്തിലും അതൃപ്തി അനുഭവപ്പെടും. ആരോഗ്യനിലയില്‍ കാര്യമായ കുറവുണ്ടാകും. വാഹനമോടിക്കുമ്പോള്‍ പ്രത്യേകം ശ്രദ്ധിക്കണം. പരിക്കേല്‍ക്കാന്‍ സാധ്യതയുണ്ട്. നിങ്ങളുടെ സംസാരം നിയന്ത്രിക്കുക. ദോഷപരിഹാരമായി വലതു കൈയില്‍ ചെമ്പ് വള ധരിക്കുക.

ധനു

നിങ്ങളുടെ ജാതകത്തിന്റെ ഏഴാം ഭാവത്തില്‍ ചൊവ്വയുടെ ഈ സംക്രമണം നടക്കുന്നു. ഈ വീട് നിങ്ങളുടെ ജീവിത പങ്കാളിയുമായുള്ള നിങ്ങളുടെ ബന്ധത്തെയും ബിസിനസ്സിലെ പങ്കാളിത്തത്തെയും പ്രതിഫലിപ്പിക്കുന്നു. ഈ സംക്രമണം നിങ്ങളുടെ പ്രണയ ബന്ധങ്ങളിലും ദാമ്പത്യ ജീവിതത്തിലും പ്രതികൂല സ്വാധീനം ചെലുത്തും. ഇതുമൂലം നിങ്ങളുടെ ജീവിതത്തില്‍ വളരെയധികം അസ്വസ്ഥതകള്‍ ഉണ്ടാകാം. നിങ്ങളുടെ ഇണയുടെ ആരോഗ്യം മോശമായേക്കാം. ഈ സമയത്ത് നിങ്ങളുടെ ജോലിയിലും ചില അപകടങ്ങള്‍ പതിയിരിക്കുന്നു. സഹപ്രവര്‍ത്തകരുമായി തര്‍ക്കമുണ്ടായേക്കാം. നിങ്ങളുടെ കോപ സ്വഭാവം കാരണം നിങ്ങള്‍ക്ക് കനത്ത നഷ്ടം സംഭവിച്ചേക്കാം. പണം ലാഭിക്കുന്നതിലും നിങ്ങള്‍ പരാജയപ്പെടും. ദോഷപരിഹാരമായി എല്ലാ ചൊവ്വാഴ്ചയും ഹനുമാന്‍ ക്ഷേത്രത്തില്‍ ശര്‍ക്കര ദാനം ചെയ്യുക.

കുംഭം

കുംഭം രാശിക്കാരുടെ ജീവിതത്തില്‍ ചൊവ്വയുടെ സംക്രമണം മൂലം ഒരുപാട് പ്രശ്‌നങ്ങള്‍ വര്‍ദ്ധിക്കും. കുട്ടികളുടെ ആരോഗ്യം മോശമാകും. ഗര്‍ഭിണികളായ സ്ത്രീകള്‍ക്കും ഈ സംക്രമണം കാരണം ധാരാളം പ്രശ്‌നങ്ങള്‍ നേരിടേണ്ടി വന്നേക്കാം. നിങ്ങളുടെ പ്രശ്‌നങ്ങള്‍ കൂടുതല്‍ വര്‍ദ്ധിപ്പിക്കും. ജോലിക്കാര്‍ നിങ്ങളുടെ ജോലിയില്‍ ശ്രദ്ധ കേന്ദ്രീകരിക്കുക. ഈ സമയത്ത് ബിസിനസ്സില്‍ ഏതെങ്കിലും തരത്തിലുള്ള റിസ്‌ക് എടുക്കുന്നത് ഒഴിവാക്കുക. പ്രതിവിധിയായി പെണ്‍കുട്ടികള്‍ക്ക് ചുവന്ന വസ്ത്രം ദാനം ചെയ്യുക.

ചൊവ്വയെ ശാന്തമാക്കാന്‍ പ്രതിവിധികള്‍

* ചൊവ്വയുടെ അനുഗ്രഹം ലഭിക്കുന്നതിനുള്ള വളരെ ഫലപ്രദമായ മാര്‍ഗമാണ് ഉപവാസം. ധൈര്യത്തിന്റെയും ആത്മവിശ്വാസത്തിന്റെയും ഘടകമായ ചൊവ്വയുടെ കൃപ ലഭിക്കാന്‍ ചൊവ്വാഴ്ച ദിവസം വ്രതാനുഷ്ഠാനം നടത്തുക. ഈ വ്രതം കുറഞ്ഞത് 21 അല്ലെങ്കില്‍ 45 ചൊവ്വാഴ്ചകളെങ്കിലും എടുക്കണം. ഉപ്പ് കഴിക്കരുത്. ഈ വ്രതാനുഷ്ഠാനത്തിലൂടെ ഒരാള്‍ക്ക് കടത്തില്‍ നിന്ന് മോചനം ലഭിക്കും.

* ചൊവ്വയുടെ ദോഷഫലങ്ങളില്‍ നിന്ന് മുക്തി നേടുന്നതിന് എല്ലാ ദിവസവും അല്ലെങ്കില്‍ പ്രത്യേകിച്ച് ചൊവ്വാഴ്ചകളില്‍ ഹനുമാനെ ആരാധിക്കുക. ഹനുമത് സന്നിധിയില്‍ ഹനുമാന്‍ ചാലിസയോ ബജ്രംഗ്ബാനോ ചൊല്ലുക.

* ചൊവ്വാദോഷമുണ്ടെങ്കില്‍ നിങ്ങള്‍ ദിവസവും അല്ലെങ്കില്‍ പ്രത്യേകിച്ച് ചൊവ്വാഴ്ചകളില്‍ ശര്‍ക്കരയും പയറും കുരങ്ങുകള്‍ക്ക് നല്‍കണം. നിങ്ങളുടെ വീട്ടില്‍ ചുവന്ന പൂക്കളുള്ള ചെടികള്‍ നട്ടുപിടിപ്പിച്ച് അവയെ നന്നായി പരിപാലിക്കുക.

* ചൊവ്വയെ ശാന്തമാക്കാന്‍ ചുവന്ന പയര്‍, ചുവന്ന വസ്ത്രങ്ങള്‍ തുടങ്ങിയ സാധനങ്ങള്‍ ദാനം ചെയ്യണം.

* ചൊവ്വാദോഷം ബാധിച്ചവര്‍ വീട്ടില്‍ ഒരു വേപ്പ് ചെടി നട്ട് ദിവസവും നനയ്ക്കണം.