മകരസംക്രാന്തിയില്‍ സൂര്യന്റെ രാശിമാറ്റം; 12 രാശിക്കും മാറ്റത്തിന്റെ കാലം, ഗുണദോഷഫലങ്ങള്‍

ജനുവരി 15-ന് സൂര്യന്‍ വൃശ്ചികം വിട്ട് മകരരാശിയില്‍ പ്രവേശിക്കും. ഇതിനെ മകര സംക്രാന്തി എന്ന് വിളിക്കുന്നു. ഹിന്ദുമതത്തില്‍ മകരസംക്രാന്തിക്ക് പ്രത്യേക പ്രാധാന്യമുണ്ട്. ഈ ദിവസം പുണ്യ നദികളില്‍ സ്‌നാനം ചെയ്യുന്നതിനും ദാനം ചെയ്യുന്നതിനും പ്രത്യേക പ്രാധാന്യമുണ്ട്. ജ്യോതിഷ പ്രകാരം ഈ സമയം ഗ്രഹങ്ങളുടെ രാജാവായ സൂര്യന്‍ ഒരു നിശ്ചിത കാലയളവിനുശേഷം രാശി മാറുന്നു.

ഈ മകരസംക്രാന്തിയില്‍ അഞ്ച് ശുഭകരമായ യാദൃശ്ചികതകളും നടക്കുന്നു. വ്യതിപാദ യോഗം, ശുക്ല പക്ഷം, ചതുര്‍ത്ഥി തിഥി, ചതയം നക്ഷത്രം, തിങ്കളാഴ്ചയിലെ ശുഭദിനം എന്നിവ മകര സംക്രാന്തിക്ക് മാറ്റുകൂട്ടുന്നു. സൂര്യന്‍ മകരം രാശിയില്‍ പ്രവേശിക്കുന്നത് 12 രാശികളെയും ബാധിക്കും. മകര സംക്രാന്തിയിലെ സൂര്യന്റെ മാറ്റം 12 രാശിക്കും വരുത്തുന്ന മാറ്റങ്ങള്‍ എന്തൊക്കെ എന്നറിയാന്‍ ലേഖനം വായിക്കൂ.

മേടം

മേടം രാശിക്കാര്‍ക്ക് അധികാരം ഗുണം ചെയ്യും. സന്താനങ്ങളെ സംബന്ധിച്ച് ചില പ്രശ്‌നങ്ങള്‍ ഉണ്ടാകാം. വയറ്റിലെ അസ്വസ്ഥതകള്‍ ഉണ്ടാകാം. പരിഹാരമായി ആദിത്യ ഹൃദയ സ്തോത്രം ചൊല്ലുന്നത് നിങ്ങള്‍ക്ക് ഗുണം ചെയ്യും.

ഇടവം

ഇടവം രാശിക്കാര്‍ക്ക് സൂര്യന്‍ ഭാഗ്യ സ്ഥാനത്ത് ആയിരിക്കും. ഭൂമി, വാഹനം, വീട് എന്നിവ വാങ്ങാന്‍ അവസരമുണ്ടാകും. ഉദരസംബന്ധമായ അസ്വസ്ഥതകള്‍ അമ്മയുടെ ആരോഗ്യത്തില്‍ ചില ആശങ്കകള്‍ ഉണ്ടാക്കിയേക്കാം. ദോഷപരിഹാരമായി ദിവസവും സൂര്യന് അര്‍ഘ്യം സമര്‍പ്പിക്കുന്നത് ഗുണം ചെയ്യും.

മിഥുനം

മിഥുനം രാശിക്കാര്‍ക്ക് ഒരു മാസത്തേക്ക് വൈകാരിക സ്ഥിരത കുറവായിരിക്കും, അതിനാല്‍ നിങ്ങള്‍ക്ക് മാനസികമായി അല്‍പ്പം അസ്വസ്ഥതയുണ്ടാകാം. പ്രതിവിധിയായി തീര്‍ച്ചയായും സൂര്യന് അര്‍ഘ്യം അര്‍പ്പിക്കുന്നതോടൊപ്പം ആദിത്യ ഹൃദയ സ്‌തോത്രവും പാരായണം ചെയ്യണം.

കര്‍ക്കടകം

കര്‍ക്കടകം രാശിക്കാര്‍ക്ക് സ്വത്ത് തര്‍ക്കവുമായി ബന്ധപ്പെട്ട പ്രശ്‌നങ്ങള്‍ നേരിടേണ്ടിവരാം. ഏത് തരത്തിലുള്ള പങ്കാളിത്ത കാര്യങ്ങളിലും ചില പ്രശ്‌നങ്ങള്‍ ഉണ്ടായേക്കാം. ഇത്തരക്കാര്‍ പ്രതിവിധിയായി പച്ചരി ദാനം ചെയ്യണം.

ചിങ്ങം

ചിങ്ങം രാശിക്കാര്‍ക്ക് ഈ സമയം കടം, രോഗം, ശത്രുത എന്നിവ ബാധിച്ചേക്കാം. പരിഹാരമായി ആദിത്യ ഹൃദയ സ്തോത്രം പാരായണം ചെയ്യണം.

കന്നി

കന്നി രാശിക്കാരായ ജോലിക്കാര്‍ക്ക് സ്ഥലം മാറ്റത്തിന് സാധ്യതയുണ്ട്. ഇത്തരക്കാര്‍ പ്രതിവിധിയായി ദിവസവും സൂര്യന് അര്‍ഘ്യം അര്‍പ്പിക്കണം. ഇത് ഗുണം ചെയ്യും.

തുലാം

സൂര്യന്‍ നാലാം ഭാവത്തില്‍ നില്‍ക്കുന്നത് സാമൂഹികമായ അന്തസ്സിന്റെ ഘടകമാണ്. അത്തരമൊരു സാഹചര്യത്തില്‍ പതിവ് ജോലികളില്‍ നിങ്ങള്‍ക്ക് ചില സമ്മര്‍ദ്ദങ്ങള്‍ ഉണ്ടായേക്കാം.

വൃശ്ചികം

നിങ്ങളുടെ ജോലിസ്ഥലത്ത് നിങ്ങളുടെ മേലധികാരിയുമായി പ്രതികൂല സാഹചര്യങ്ങള്‍ ഉണ്ടാകാം. എന്നാല്‍ വൃശ്ചികം രാശിക്കാര്‍ സാമ്പത്തികമായി നല്ല അവസ്ഥയിലായിരിക്കും.

ധനു

ധനു രാശിക്കാര്‍ക്ക് സൂര്യന്‍ ധനഗൃഹത്തില്‍ നില്‍ക്കുന്ന സമയത്താണ് ഏറ്റവും കൂടുതല്‍ ഗുണം ലഭിക്കുക. ഇത്തരക്കാര്‍ക്ക് ഈ സമയം സാമ്പത്തികമായി ഗുണകരമായിരിക്കും. ജീവിതത്തില്‍ ആത്മീയ ശ്രമങ്ങള്‍ വന്നേക്കാം. ഈ രാശിക്കാര്‍ ഈ മാസം മുഴുവന്‍ സന്തോഷത്തോടെ ഇരിക്കും.

മകരം

മകരം രാശിയുള്ളവര്‍ ഈ സമയം കുറച്ചുകൂടി അധ്വാനിക്കേണ്ടിവരും. ഇത്തരക്കാര്‍ക്ക് തലവേദനയും കണ്ണിന്റെ പ്രശ്‌നങ്ങളും ശ്രദ്ധിക്കേണ്ടതായുണ്ട്.

കുംഭം

ബന്ധങ്ങള്‍ അല്‍പം ശ്രദ്ധയോടെ കൈകാര്യം ചെയ്യേണ്ടിവരും. അത് സുഹൃത്തുക്കളുമായോ ജീവിത പങ്കാളിയുമായോ ആകട്ടെ, നിങ്ങളുടെ ബന്ധങ്ങള്‍ ശ്രദ്ധിക്കുക. ചിലര്‍ക്ക് നടുവേദന ഉണ്ടാകാന്‍ സാധ്യതയുണ്ട്. പരിഹാരമായി ആദിത്യ ഹൃദയ സ്‌തോത്രം പാരായണം ചെയ്യുന്നത് ഗുണം ചെയ്യും.

മീനം

ജോലിക്കോ നിക്ഷേപത്തിനോ വേണ്ടി വലിയ വായ്പകള്‍ എടുക്കാം. നിങ്ങളുടെ തൊഴില്‍ മേഖലയില്‍ വിപുലീകരണം ആസൂത്രണം ചെയ്യാന്‍ കഴിയും. അത് നിങ്ങള്‍ക്ക് വളരെയേറെ ഗുണം ചെയ്യും.