നിത്യജീവിതത്തിലെ ഏത് പ്രശ്‌നത്തിനും പരിഹാരം; മകരസംക്രാന്തി നാളില്‍ രാശിപ്രകാരം ഇവ നല്‍കൂ

മേടം

മേടം രാശിക്കാര്‍ ഈ ദിവസം ശര്‍ക്കര, കടല, എള്ള് എന്നിവ ദാനം ചെയ്യണം. ജീവിതത്തില്‍ ഐശ്വര്യം ലഭിക്കാനായി നിങ്ങള്‍ക്ക് വസ്ത്രങ്ങളും ദാനം ചെയ്യാം.

ഇടവം

ഇടവം രാശിക്കാര്‍ ഈ ദിവസം വെള്ള വസ്ത്രം, തൈര്, എള്ള് എന്നിവ ദാനം ചെയ്യണം. ഇങ്ങനെ ചെയ്താല്‍ നിങ്ങളുടെ വീട്ടില്‍ ഐശ്വര്യവും സന്തോഷവും ഉണ്ടാകുമെന്ന് വിശ്വസിക്കപ്പെടുന്നു.

മിഥുനം

മിഥുനം രാശിക്കാര്‍ അരി, പുതപ്പ് എന്നിവ ദാനം ചെയ്യണം. ശാരീരിക വേദനയില്‍ നിന്ന് മുക്തി നേടുന്നതിന് നിങ്ങള്‍ക്ക് ബെഡ്ഷീറ്റുകളും കുടകളും ദാനം ചെയ്യാവുന്നതാണ്.

കര്‍ക്കിടകം

കര്‍ക്കടകം രാശിക്കാര്‍ മകരസംക്രാന്തി ദിനത്തില്‍ അരി, വെള്ളി, വെള്ള എള്ള് എന്നിവ ദാനം ചെയ്യണം. ഈ ദിവസം നിങ്ങള്‍ക്ക് പാലോ നെയ്യോ ദാനം ചെയ്യുന്നതും ശുഭകരമാണ്.

ചിങ്ങം

ചിങ്ങം രാശിക്കാര്‍ മകരസംക്രാന്തി നാളില്‍ ഒരു പാവപ്പെട്ട വ്യക്തിക്ക് ഒരു പുതപ്പ് ദാനം ചെയ്യുക. ഇത് നിങ്ങളുടെ ജീവിതത്തില്‍ വളരെയേറെ ഗുണം ചെയ്യും. ഈ ദിവസം ചെമ്പും ഗോതമ്പും ദാനം ചെയ്യുന്നതും നിങ്ങള്‍ക്ക് ശുഭകരമാണ്.

കന്നി

കന്നി രാശിക്കാര്‍ മകരസംക്രാന്തി ദിനത്തില്‍ കിച്ചടി, പുതപ്പ്, പച്ച വസ്ത്രങ്ങള്‍ എന്നിവ ദാനം ചെയ്യണം. ഇത് ചെയ്യുന്നത് നിങ്ങളുടെ വീട്ടില്‍ സന്തോഷം കൊണ്ടുവരും. ജീവിതത്തില്‍ ഐശ്വര്യം കടന്നുവരും.

തുലാം

തുലാം രാശിക്കാര്‍ മകര സംക്രാന്തി നാളില്‍ വെള്ള വസ്ത്രം, പഞ്ചസാര, പുതപ്പ് എന്നിവ ദാനം ചെയ്യണം. ഇതിലൂടെ നിങ്ങളുടെ ജീവിതത്തില്‍ നിലനില്‍ക്കുന്ന പ്രശ്‌നങ്ങള്‍ വിട്ടൊഴിയും.

വൃശ്ചികം

വൃശ്ചിക രാശിക്കാര്‍ മകരസംക്രാന്തി ദിനത്തില്‍ ശര്‍ക്കര, ചുവന്ന വസ്ത്രം, എള്ള് എന്നിവ ദാനം ചെയ്യണം. ഇത് തീര്‍ച്ചയായും നിങ്ങള്‍ക്ക് ജീവിതത്തില്‍ ഗുണം ചെയ്യും.

ധനു

മകരസംക്രാന്തി നാളില്‍ ധനുരാശിക്കാര്‍ മഞ്ഞ വസ്ത്രം, മഞ്ഞ പയര്‍, മഞ്ഞള്‍ മുതലായവ ദാനം ചെയ്യണം. ഇതിലൂടെ നിങ്ങള്‍ക്ക് ജീവിതത്തില്‍ ഐശ്വര്യം വരുന്നതായിരിക്കും.

മകരം

മകരം രാശിക്കാര്‍ മകരസംക്രാന്തി ദിനത്തില്‍ പുതപ്പ്, കറുത്ത എള്ള്, എണ്ണ എന്നിവ ദാനം ചെയ്യണം. ഇത് ചെയ്യുന്നതിലൂടെ നിങ്ങളുടെ ജീവിതത്തില്‍ നിലനില്‍ക്കുന്ന പ്രശ്‌നങ്ങള്‍ വിട്ടൊഴിയും.

കുംഭം

കുംഭം രാശിക്കാര്‍ കറുത്ത ഉലുവ, കറുത്ത വസ്ത്രം, കറുത്ത എള്ള് എന്നിവ ദാനം ചെയ്യുന്നത് നല്ലതാണ്. ഈ പ്രതിവിധിയിലൂടെ നിങ്ങള്‍ക്ക് ജീവിതത്തില്‍ ഐശ്വര്യവും സന്തോഷവും സമൃദ്ധിയും ലഭിക്കും.

മീനം

മീനം രാശിക്കാര്‍ മകര സംക്രാന്തി നാളില്‍ പട്ടുവസ്ത്രം, ചേന, എള്ള്, അരി എന്നിവ ദാനം ചെയ്യണം. ഇത് ചെയ്യുന്നതിലൂടെ നിങ്ങളുടെ ജീവിതത്തില്‍ വിജയം കൈവരിക്കാന്‍ നിങ്ങള്‍ക്ക് സാധിക്കും.

മകരസംക്രാന്തി 2023

വിശ്വാസങ്ങള്‍ പ്രകാരം, സൂര്യദേവന്‍ മകരരാശിയില്‍ പ്രവേശിക്കുമ്പോഴാണ് മകരസംക്രാന്തി ആഘോഷിക്കുന്നത്. മകരസംക്രാന്തി രാജ്യത്തിന്റെ വിവിധ സംസ്ഥാനങ്ങളില്‍ ഉത്തരായനം, പൊങ്കല്‍, മകരവിളക്ക് എന്നിങ്ങനെ പല പേരുകളില്‍ അറിയപ്പെടുന്നു. ഹിന്ദു കലണ്ടര്‍ പ്രകാരം ജനുവരി 14 ശനിയാഴ്ച രാത്രി 8.14ന് സൂര്യദേവന്‍ മകരരാശിയില്‍ പ്രവേശിക്കും. ഉദയ തിഥി കാരണം, അടുത്ത ദിവസം, അതായത് ജനുവരി 15ന് മകരസംക്രാന്തി ഉത്സവം ആഘോഷിക്കും. ജനുവരി 15ന് മകരസംക്രാന്തി ദിനത്തില്‍ രാവിലെ 07:15 മുതല്‍ വൈകുന്നേരം 05:46 വരെ മകരസംക്രാന്തിയുടെ ശുഭമുഹൂര്‍ത്തം ഉണ്ടാകും. ഈ കാലയളവില്‍ സ്‌നാനവും ദാനധര്‍മ്മങ്ങളും ആത്മീയ പ്രവര്‍ത്തനങ്ങളും നടത്തുന്നത് വളരെ ശുഭകരമായി കണക്കാക്കപ്പെടുന്നു. മകരസംക്രാന്തി വരുന്നത് ഞായറാഴ്ചയാണ്. ഈ ദിവസം സൂര്യദേവന് സമര്‍പ്പിച്ചിരിക്കുന്നതിനാല്‍ ആഘോഷത്തിന്റെ പ്രാധാന്യം കൂടുതല്‍ വര്‍ദ്ധിക്കുന്നു. ഇതുകൂടാതെ, ഈ ദിവസം ഉച്ചയ്ക്ക് 12.09 മുതല്‍ 12.52 വരെ അഭിജിത മുഹൂര്‍ത്തവും ഉച്ചയ്ക്ക് 02.16 മുതല്‍ 02.58 വരെ വിജയ മുഹൂര്‍ത്തവും ഉണ്ടായിരിക്കും.