Click it and Unblock the Notifications
Latest Updates
-
ഒളിമ്പിക് ദിനത്തിൽ തുടങ്ങാം; വെറും 12 മിനിറ്റ് കൊണ്ട് വയറിലെ കൊഴുപ്പ് കുറയ്ക്കുന്ന അത്ഭുത വർക്കൗട്ട്! -
ജൂൺ 23: ഇന്ന് വൈകുന്നേരം സംഭവിക്കുന്ന അപൂർവ്വ രാജയോഗം; ഈ രാശിക്കാർക്ക് വൻ സാമ്പത്തിക നേട്ടം! -
മഴക്കാലത്ത് ചർമ്മം വിയർത്ത് നശിക്കുന്നുണ്ടോ? തിളക്കം നിലനിർത്താൻ ഈ കാര്യങ്ങൾ മറക്കരുത് -
മുംബൈയിൽ ഓറഞ്ച് അലർട്ട്: മഴക്കാലത്തെ ജലദോഷവും ചുമയും മാറ്റാൻ വീട്ടിലുണ്ട് അത്ഭുത പരിഹാരങ്ങൾ! -
നീറ്റ് പരീക്ഷാ സമ്മർദ്ദം അലട്ടുന്നുണ്ടോ? മനസ്സിനെ ശാന്തമാക്കാൻ ഈ 5 വഴികൾ പരീക്ഷിക്കൂ! -
മുംബൈയിൽ ഓറഞ്ച് അലർട്ട്: മഴക്കാലത്ത് പിസിഒഎസ് വേദനയും ഗർഭകാല അസ്വസ്ഥതകളും കുറയ്ക്കാൻ ഈ മുൻകരുതലുകൾ എടുക്കൂ! -
മഴക്കാലത്ത് വയർ ചാടുന്നത് കൊഴുപ്പാണോ? നീർക്കെട്ടാണോ എന്ന് തിരിച്ചറിയാൻ ഈ ലളിതവിദ്യ പരീക്ഷിക്കൂ! -
ചന്ദ്രൻ വൃശ്ചികം രാശിയിലേക്ക്: ഈ രാശിക്കാർക്ക് വരാനിരിക്കുന്നത് വലിയ മാറ്റങ്ങൾ, ശ്രദ്ധിക്കേണ്ട കാര്യങ്ങൾ ഇതാ! -
ജൂൺ 23: ബുധന്റെ രാശിമാറ്റം; ഈ 5 രാശിക്കാർക്ക് ഇന്ന് തൊട്ടതെല്ലാം പൊന്നാകും, ഭാഗ്യം കൂടെയുണ്ട്! -
ജൂൺ 23 നക്ഷത്രഫലം: ചിത്തിര, ചോതിക്കാർക്ക് കരിയറിൽ വൻ മാറ്റം; ഇന്നത്തെ ഭാഗ്യനിറങ്ങളും ശുഭസമയവും അറിയാം
മഹാശിവരാത്രി 2025: തൃക്കണ്ണ് തുറന്ന് ശിവന് കാമദേവനെ ഭസ്മമാക്കിയത് എന്തിന് ?
ഭക്തരില് ശിവഭക്തി നിറയുന്ന നാളുകളാണ് മഹാശിവരാത്രിക്ക് മുന്നോടിയായുള്ള ദിവസങ്ങള്. പുരാണ വിശ്വാസങ്ങള് അനുസരിച്ച് ശിവപാര്വ്വതിമാരെ പൂജിക്കുന്നത് സത്യമായ പ്രണയം കണ്ടെത്താന് സഹായിക്കും. ഈ വിശ്വാസമനുസരിച്ച് ചിലയിടങ്ങളില് ഇഷ്ടപ്പെട്ട ജീവിത പങ്കാളിയെ കണ്ടെത്താന് ആളുകള് ശിവരാത്രി വ്രതവും പതിനാറ് തിങ്കളാഴ്ച വ്രതങ്ങളും ആചരിക്കാറുണ്ട്. കാരണം ശിവപാര്വതിമാരുടെ പ്രണയം മനുഷ്യരുടെ പ്രണയസങ്കല്പ്പങ്ങള്ക്കും നിര്വചനങ്ങള്ക്കും അപ്പുറത്താണ്. ഹൈന്ദവ വിശ്വാസികള് ശിവപാര്വ്വതിമാരെ ഒരു മാതൃകാ ദമ്പതികളായി കണക്കാക്കുന്നു. അവരുടെ കുടുംബത്തെ മാതൃകാകുടുംബമായി സങ്കല്പ്പിക്കുന്നു.
പ്രണയത്തിന്റെ ഉദാത്ത മൂര്ത്തീസങ്കല്പ്പമായ പരമശിവന് പക്ഷേ പ്രണയത്തിന്റെ ദേവനായ കാമദേവനെ തന്റെ മൂന്നാം തൃക്കണ്ണ് തുറന്ന് എന്തിന് ഭസ്മമാക്കിയെന്നത് പലര്ക്കുമുള്ള സംശയമാണ്. ഈ കഥ മനസ്സിലാക്കാം.
ആരായിരുന്നു കാമദേവന്
പ്രണയം, ആസക്തി, ആവേശം, ആകര്ഷണം എന്നിവയുടെ ദേവനാണ് കാമദേവന്. പുരുഷന്മാരും സ്ത്രീകളും പരസ്പരം അനുരക്തരാകുന്നത് കാമദേവന് കാരണമാണെന്നാണ് വിശ്വാസം. അങ്ങനെ ജീവന്റെ തുടര്ച്ച ഉറപ്പാക്കുന്നത് കാമദേവനാണെന്നാണ് കരുതുന്നത്. പ്രണയമോ വികാരങ്ങളോ ഇല്ലെങ്കില്, പ്രത്യുല്പ്പാദനത്തിനുള്ള അവസരമുണ്ടാകില്ല എന്നതിനാല് ആളുകളില് സ്നേഹവും ആഗ്രഹവും പോലുള്ള വികാരങ്ങള് ജനിപ്പിക്കുക എന്നത് കാമദേവന്റെ കടമയായി കരുതപ്പെടുന്നു.
ശിവന്റെ തപസ്സിന് ഭംഗം വരുന്നു
സതിയുടെ പിതാവായ പ്രജാപതി ദക്ഷന്, ഒരു വലിയ യാഗത്തിന് ശിവനെ ക്ഷണിക്കാതെ മാറ്റിനിര്ത്തി. പിതാവ് ഭര്ത്താവിനെ അപമാനിച്ചത് സതിക്ക് താങ്ങാനായില്ല. ഭര്ത്താവിനോടുള്ള ഈ അനാദരവ് സഹിക്കാന് കഴിയാതെ, അവള് യാഗാഗ്നിയിലേക്ക് ചാടി ആത്മഹൂതി ചെയ്തു. ഇതു കേട്ട ശിവന് കോപത്തിലും ദുഃഖത്തിലും മുങ്ങി. പ്രതികാരത്തിന് ശേഷം അദ്ദേഹം കഠിന തപസ്സില് മുഴുകി. ജ്ഞാനത്തിന്റെ അകക്കണ്ണായ മൂന്നാം തൃക്കണ്ണ് തുറന്നു.
ശിവന് തപസ്സില് മുഴുകിയതോടെ ഭൂമിയില് താരകാസുരന്റെ ദുഷ്ചെയ്തികള് വര്ധിച്ചു. ബ്രഹ്മാവിന്റെ വരം മൂലം താരകാസുരനെ തടയാന് ആര്ക്കും ആയില്ല. ശിവന്റെ മകന് മാത്രമേ തന്നെ വധിക്കാന് സാധിക്കുകയുള്ളു എന്ന വരമായിരുന്നു താരകാസുരന് ബ്രഹ്മാവില് നിന്നും വാങ്ങിയത്. ശിവന് കഠിന തപസ്സില് ആകയാല് അദ്ദേഹത്തിന് ഇനി ലൗകിക ജീവിതത്തില് താല്പ്പര്യമുണ്ടാകില്ലെന്നും ഒരു മകന് ഉണ്ടാകാന് സാധ്യതയില്ലെന്നും താരകാസുരന് അറിയാമായിരുന്നു. ഈ പ്രതിസന്ധിയില് സഹായം തേടി ദേവന്മാര് കാമദേവന്റെ അടുക്കലെത്തി. കാമദേവന് തന്റെ പുഷ്പബാണമെയ്ത് ശിവനെ തപസ്സില് നിന്നും ഉണര്ത്തി. ജ്ഞാനത്തിന്റെ മൂന്നാം തൃക്കണ്ണ് ഭൗതിക ലോകത്തിന് അതീതമായ സത്യങ്ങളെയാണ് കാണുന്നത്. കാമദേവന്റെ അമ്പ് കൊണ്ടപ്പോള് പരമശിവന് തന്റെ മൂന്നാം തൃക്കണ്ണ് തുറന്നു. ആഗ്രഹത്തിന്റെ അല്ലെങ്കില് മോഹത്തിന്റെ പ്രതിനിധിയായ കാമദേവന് പ്രതിനിധാനം ചെയ്യുന്ന ആഗ്രഹങ്ങളെ ശിവന്റെ മൂന്നാം കണ്ണ് ദഹിപ്പിച്ചുവെന്നാണ് വിശ്വാസം.
Disclaimer: ഈ ലേഖനത്തിലെ വിവരങ്ങളും ജ്യോതിഷപരമായ കാര്യങ്ങളും വെറും അറിവിന് വേണ്ടി മാത്രമുള്ളതാണ്. ഈ ലേഖനത്തെ അടിസ്ഥാനമാക്കി സംഭവിക്കുന്ന കഷ്ടനഷ്ടങ്ങള്ക്ക് ബോള്ഡ്സ്കൈ ബാധ്യസ്ഥരായിരിക്കുകയില്ല. ഇത്തരം കാര്യങ്ങളില് തീരുമാനം എടുക്കുന്നതിന് മുന്പ് വിദഗ്ധരുമായി ആലോചിക്കാന് നിര്ദ്ദേശിക്കുന്നു.
Continue with Google