സ്ത്രീ പാദലക്ഷണങ്ങള്‍ ഇപ്രകാരമെങ്കില്‍ ലക്ഷ്മി ദേവി കനിഞ്ഞനുഗ്രഹിച്ചവര്‍

പാദങ്ങളിലെ അടയാളങ്ങള്‍

ചില സ്ത്രീകളുടെ പാദങ്ങളില്‍ താമര, ശംഖ്, ചക്രം തുടങ്ങിയ ചിഹ്നങ്ങളോ അല്ലെങ്കില്‍ സ്വസ്ഥിക ചിഹ്നങ്ങളോ കാണപ്പെടുന്നു. ലക്ഷ്മി ദേവിയുടെ സാന്നിധ്യത്തെയാണ് ഇത് സൂചിപ്പിക്കുന്നത്. ഇത് കൂടാതെ ഇവരുടെ പെരുവിരല്‍ വൃത്താകൃതിയുള്ളതോ അല്ലെങ്കില്‍ ചുവന്ന് തുടുത്തതോ ആണെങ്കിലും ഇവരില്‍ ലക്ഷ്മീ സാന്നിധ്യം ഉണ്ട് എന്നാണ് പറയുന്നത്. ഇവര്‍ ജീവിക്കുന്നിടത്തെല്ലാം സമ്പത്തിന് മുട്ടുണ്ടാവുകയില്ല. സാമ്പത്തികമായി യാതൊരു വിധത്തിലുള്ള പ്രശ്‌നങ്ങളും ഇവരുള്ളിടത്ത് ഉണ്ടാവുകയില്ല. മാത്രമല്ല എല്ലായിടത്തും ഭരണപരമായ സ്ഥാനങ്ങള്‍ ഇവര്‍ വഹിക്കുന്നു എന്നതാണ് സത്യം. തൊഴിലിന്റെ കാര്യത്തിലും ഉയര്‍ന്ന സ്ഥാനം ഇവര്‍ക്ക് ലഭിക്കുന്നു. അതുകൊണ്ട് ഇവരെ ലക്ഷ്മി ദേവിയുടെ അനുഗ്രഹമുള്ളവര്‍ എന്നാണ് പറയുന്നത്.

പാദങ്ങളുടെ പ്രത്യേകത

മുൃദുവായതും പിങ്ക് നിറത്തിലുള്ളതുമായ പാദങ്ങള്‍ ഉള്ള സ്ത്രീകളേയും ലക്ഷ്മി ദേവിയുടെ അനുഗ്രഹമുള്ള വ്യക്തിയായാണ് കണക്കാക്കുന്നത്. ഇത്തരം സ്ത്രീകള്‍ക്ക് നല്ല കുടുംബ ജീവിതവും ജീവിതത്തില്‍ മുഴുവന്‍ ഐശ്വര്യവും സന്തോഷവും നിലനില്‍ക്കുകയും ചെയ്യുന്നു. ഒരു കാര്യത്തിനും ഇവര്‍ക്ക് കുറവ് വരുന്നില്ല എന്ന് മാത്രമല്ല ജീവിതത്തില്‍ സാമ്പത്തികമായി ഇവര്‍ക്ക് മികച്ച സമയമായിരിക്കും. ജീവിതത്തില്‍ അങ്ങോളം സന്തോഷവും സമാധാനവും നിലനില്‍ക്കുന്നു. എല്ലാ തരത്തിലും ജീവിത വിജയം ഇവരോടൊപ്പം തന്നെയായിരിക്കും. ലക്ഷ്മി സാന്നിധ്യം ഇവരോടൊപ്പം എന്നാണ് പറയുന്നത്.

ഉപ്പൂറ്റി ശ്രദ്ധിക്കണം

നിങ്ങളുടെ ഉപ്പൂറ്റിയുടെ മധ്യഭാഗം അല്‍പം പൊങ്ങിയതും കാല്‍ ഉരുണ്ടിരിക്കുന്നതുമാണെങ്കില്‍ ഇവര്‍ക്ക് ലക്ഷ്മീ സാന്നിധ്യം ഉണ്ട് എന്നാണ് പറയപ്പെടുന്നത്. ഇവരാണ് കുടുംബത്തിന്റെ ഭാഗ്യം. വിവാഹത്തിന് ശേഷം ചെന്ന് കയറുന്ന വീട്ടില്‍ പോലും ഇവരുടെ സാന്നിധ്യം ഐശ്വര്യങ്ങള്‍ കൊണ്ട് വരുന്നു. ജീവിതത്തില്‍ സന്തോഷവും സമാധാനവും ഇവരോടൊപ്പം എപ്പോഴും ഉണ്ടായിരിക്കും. എവിടെ പോയാലും അവിടെയുള്ളവരുടെ ജീവിതത്തില്‍ പോലും ഐശ്വര്യം കൊണ്ട് വരുന്നതിന് നിങ്ങള്‍ക്ക് സാധിക്കുന്നു. ഇവരുടെ കുടുംബത്തിലും ഐശ്വര്യവും സന്തോഷവും എല്ലായ്‌പ്പോഴും നിലനില്‍ക്കുന്നു.

മനോഹരമായ കാല്‍വിരലുകള്‍

മനോഹരമായ കാല്‍വിരലുകള്‍ ഉള്ള സ്ത്രീകള്‍ സാമ്പത്തികമായി വളരെയധികം ഭാഗ്യവാന്‍മാരായിരിക്കും. ഇവര്‍ക്ക് ലക്ഷ്മീ സാന്നിധ്യം ജീവിതത്തില്‍ എപ്പോഴും കൂടെയുണ്ടാവുന്നു. ഈ കാല്‍വിരലുകള്‍ എപ്പോഴും സൂചിപ്പിക്കുന്നത് അവരുടെ ഭാഗ്യത്തെ തന്നെയാണ്. അതുകൊണ്ട് തന്നെ ജീവിതത്തില്‍ ഐശ്വര്യവും സന്തോഷവംു നല്‍കുന്ന ലക്ഷ്മീ കടാക്ഷം ഇവരില്‍ എപ്പോഴും ഉണ്ടായിരിക്കും. സ്ത്രീകളുടെ മനോഹരമായ കാല്‍വിരലുകള്‍ സൂചിപ്പിക്കുന്നത് അവരുടെ ഭാഗ്യത്തെ തന്നെയാണ്.

നീളമുള്ള കാലുകള്‍

നീളമുള്ള കാലുകള്‍ അതിനോടൊപ്പം ആകൃതിയും കൂടെയുണ്ടെങ്കില്‍ ഇത് സൂചിപ്പിക്കുന്നത് നിങ്ങളുടെ ആകര്‍ഷകത്വവും ഭാഗ്യവും തന്നെയാണ്. ജീവിതത്തില്‍ സന്തോഷം നിറക്കുന്ന ധാരാളം അനുഭവങ്ങള്‍ ഇവര്‍ക്കുണ്ടായിരിക്കും. ഇവര്‍ കുടംബത്തിന്റെ ഭാഗ്യവും ഐശ്വര്യവും തന്നെയായിരിക്കും. ധാരാളം പണം സമ്പാദിക്കുകയും ജീവിതത്തില്‍ ഉയര്‍ന്ന നിലയില്‍ എത്തുകയും ചെയ്യുന്നു. പ്രൊഫഷണല്‍ ജീവിതത്തില്‍ വിജയം കണ്ടെത്തുന്നതിന് ഇവര്‍ക്ക് സാധിക്കുകയും ചെയ്യുന്നു. ഇവരുടെ ജീവിതത്തില്‍ അങ്ങോളമിങ്ങോളം ലക്ഷ്മീസാന്നിധ്യം ഉണ്ടായിരിക്കുന്നു.

വിരലുകള്‍ ശ്രദ്ധിക്കാന്‍

നിങ്ങളുടെ ചൂണ്ടുവിരലിനും നടുവിരലിനും നീളക്കൂടുതല്‍ എങ്കില്‍ അതും ശുഭസൂചകങ്ങളായി കണക്കാക്കാവുന്നതാണ്. ഇവര്‍ക്ക് ജീവിതത്തില്‍ വളരെയധികം സജീവമായും സന്തോഷത്തോടെയും നില്‍ക്കുന്നതിന് സാധിക്കുന്നു. ജീവിതത്തിലെ എല്ലാ വിധത്തിലുള്ള മാറ്റങ്ങള്‍ക്കും ഇവര്‍ തന്നെയായിരിക്കും കാരണം. എല്ലാ മേഖലകളിലും വിജയം ലഭിക്കുകയും അനുകൂലമായ പല മാറ്റങ്ങള്‍ ജീവിതത്തില്‍ ഉണ്ടാവുകയും ചെയ്യുന്നു. എല്ലാവരുമായി ഒത്തുപോവുന്നതിനും ജീവിതം വിജയത്തിലേക്ക് എത്തിക്കുന്നതിനും ഇവര്‍ക്ക് സാധിക്കുന്നു.

നല്ല സമയം തെളിയും മുന്‍പ് ലക്ഷ്മീദേവി നല്‍കും 5 സൂചന; വീട്ടിലെ ലക്ഷ്മീ സാന്നിധ്യമറിയാം

ഐശ്വര്യത്തിലേക്ക് വാതില്‍ തുറക്കാന്‍ ലക്ഷ്മി ദേവിക്ക് പാലിക്കേണ്ട ചിട്ടകള്‍

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്‌സ്‌കൈ ഇത് സ്ഥിരീകരിക്കുന്നില്ല. ഇത്തരം കാര്യങ്ങള്‍ ചെയ്യുന്നതിന് മുന്‍പ് വിദഗ്ധന്റെ ഉപദേശം സ്വീകരിക്കേണ്ടതാണ്