മനഃസ്ഥിരത നഷ്ടപ്പെടുത്തുന്ന ചന്ദ്രദോഷം; ജാതകത്തിലെ ചന്ദ്രദോഷം നീക്കാന്‍ ലാല്‍ കിതാബ് പരിഹാരങ്ങള്‍

ഒരു വ്യക്തിയുടെ ജാതകത്തിലെ പന്ത്രണ്ട് ഗൃഹങ്ങളില്‍ സ്ഥിതി ചെയ്യുന്ന ഒമ്പത് ഗ്രഹങ്ങള്‍ പലപ്പോഴും സ്ഥാനം മാറുന്നു. ചിലപ്പോള്‍ ഈ ഗ്രഹങ്ങള്‍ ബലവാന്മാരാകുകയും ശുഭഫലങ്ങള്‍ നല്‍കുകയും ചെയ്യുന്നു. ചിലസമയത്ത് ഇവ അശുഭസ്ഥാനത്ത് എത്തുകയും ദോഷഫലം സമ്മാനിക്കുകയും ചെയ്യുന്നു. എന്നാല്‍ ഈ ഒമ്പത് ഗ്രഹങ്ങളും ദുര്‍ബലമായ സ്ഥാനത്താണെങ്കില്‍, അത് നിങ്ങളുടെ ജീവിതത്തില്‍ വളരെയേറെ ബുദ്ധിമുട്ടുണ്ടാക്കും.ഗ്രഹങ്ങളുടെ ദോഷഫലങ്ങളാല്‍ പലപ്പോഴും പല പ്രശ്‌നങ്ങളും നിങ്ങളെ വലയം ചെയ്യും.

എന്നാല്‍ നിങ്ങളുടെ ജാതകത്തിലെ ഏതെങ്കിലും ഗ്രഹം അശുഭകരമായ സ്ഥാനത്ത് തുടരുന്നുവെങ്കില്‍, അത് പരിഹരിക്കാന്‍ ജ്യോതിഷത്തില്‍ നിരവധി പ്രതിവിധികള്‍ നല്‍കിയിട്ടുണ്ട്. ഗ്രഹങ്ങളുമായി ബന്ധപ്പെട്ട വളരെ കൃത്യമായ പ്രതിവിധികളുടെ വിവരണം ലാല്‍ കിതാബില്‍ ഉണ്ട്. ഇത് ചെയ്യുന്നതിലൂടെ ഗ്രഹങ്ങളുടെ ദോഷഫലങ്ങള്‍ കുറയ്ക്കാന്‍ കഴിയും. നിങ്ങളുടെ ജാതകത്തില്‍ ചന്ദ്രന്‍ അശുഭകരമോ പ്രതികൂലമോ ആണെങ്കില്‍, ലാല്‍ കിതാബില്‍ പറഞ്ഞിരിക്കുന്ന ഈ പരിഹാരങ്ങള്‍ ചെയ്യുന്നതിലൂടെ, നിങ്ങള്‍ക്ക് ചന്ദ്രന്റെ ദോഷഫലങ്ങള്‍ കുറയ്ക്കാന്‍ സാധിക്കുന്നതാണ്.

ചന്ദ്രന്‍ ശുഭകരമായാല്‍

ശിവനും ചന്ദ്രനും തമ്മിലുള്ള ബന്ധം ജ്യോതിഷത്തില്‍ വിശദീകരിച്ചിട്ടുണ്ട്. ലാല്‍ കിതാബില്‍ ചന്ദ്രനെ അമ്മയുടെ ഘടകമായി കണക്കാക്കുന്നു. അമ്മയുടെ സ്‌നേഹത്തെ പ്രതിനിധീകരിക്കുന്ന ഗ്രഹമായി ചന്ദ്രന്‍ കണക്കാക്കപ്പെടുന്നു. ലാല്‍ കിതാബ് പറയുന്നതനുസരിച്ച്, ജാതകത്തില്‍ ചന്ദ്രദേവന്‍ ശക്തനായിരിക്കുമ്പോള്‍, ഒരു വ്യക്തിക്ക് നല്ല നേട്ടങ്ങള്‍ ലഭിക്കും. ചന്ദ്രദേവന്‍ തന്റെ സൗഹൃദ ഗ്രഹങ്ങളാല്‍ ശക്തനാണെന്ന് പറയുന്നു. ശക്തനായ ചന്ദ്രദേവന്റെ സ്വാധീനത്താല്‍ ഒരു വ്യക്തിക്ക് മാനസിക സന്തോഷം ലഭിക്കുന്നു. കൂടാതെ, അമ്മയുമായുള്ള ബന്ധവും മെച്ചപ്പെടുന്നു. അമ്മയുടെ ആരോഗ്യം നല്ലതായിരിക്കും.

ചന്ദ്രന്റെ ദോഷപ്രഭാവം

ജാതകത്തില്‍ ചന്ദ്രന്‍ ബലഹീനനാണെങ്കില്‍, ആ വ്യക്തിക്ക് തലവേദന, സമ്മര്‍ദ്ദം, വിഷാദം തുടങ്ങിയ രോഗങ്ങള്‍ നേരിടേണ്ടിവരും. ചന്ദ്രന്റെ പ്രതികൂല ഫലങ്ങള്‍ കാരണം ഒരു വ്യക്തി എപ്പോഴും മാനസികമായി അസ്വസ്ഥനായിരിക്കും. ചന്ദ്രന്‍ ദുര്‍ബ്ബലനാണെങ്കില്‍ അവരുടെ മാതാവിന് സന്തോഷം ലഭിക്കില്ല. ജ്യോതിഷത്തില്‍ വെളുത്ത നിറം ചന്ദ്രനുമായി ബന്ധപ്പെട്ടിരിക്കുന്നു. അതുകൊണ്ട് ചന്ദ്രന്റെ ദോഷസ്ഥാനം ഉള്ളവര്‍ മുത്ത് ധരിക്കുന്നത് നല്ലതാണ്.

ചന്ദ്രനെ ആരാധിക്കുക

ലാല്‍ കിതാബ് പ്രകാരം, നിങ്ങളുടെ ജാതകത്തില്‍ ചന്ദ്രന്‍ ബലഹീനനാണെങ്കില്‍ ചന്ദ്രനെ ശക്തിപ്പെടുത്താന്‍, വെള്ളി പാത്രത്തില്‍ ഗംഗാജലം, പാല്‍, അരി, പഞ്ചസാര എന്നിവ കലര്‍ത്തിയ ജലം ചന്ദ്രന് അര്‍ഘ്യം അര്‍പ്പിക്കുക. ഇതോടൊപ്പം എല്ലാ പൗര്‍ണ്ണമിയിലും വ്രതം അനുഷ്ഠിക്കുകയും ചന്ദ്രനെ ആരാധിക്കുകയും ചെയ്യുക.

ഈ മന്ത്രങ്ങള്‍ ജപിക്കുക

ചന്ദ്രന്റെ സ്ഥാനം ശക്തിപ്പെടുത്തുന്നതിനും ദോഷഫലങ്ങള്‍ കുറയ്ക്കുന്നതിനുമായി ചന്ദ്രന്റെ മന്ത്രങ്ങള്‍ ജപിക്കുക. ചന്ദ്രന്റെ മന്ത്രങ്ങള്‍ ഇപ്രകാരമാണ്.
ഓം പുത്ര സോമായ നമഃ
ഓം ശ്രീം ശ്രീം ശ്രീം സ: ചന്ദ്രാംസേ നമഃ
ഓം ശ്രീ ശ്രീ ചന്ദ്രാംസേ നമഃ

ഇവ ദാനം ചെയ്യുക

ചന്ദ്രനെ ബലപ്പെടുത്താന്‍ അരി പായസം ഉണ്ടാക്കി ആവശ്യക്കാര്‍ക്ക് ദാനം ചെയ്യുക. ജാതകത്തില്‍ ചന്ദ്രന്‍ ബലഹീനനാണെങ്കില്‍ തിങ്കളാഴ്ച ദിവസം മധുരം കലര്‍ത്തി പാല്‍ കുടിക്കുക.

അമ്മയുടെ പാദങ്ങള്‍ തൊടുക

ലാല്‍ കിതാബ് പ്രകാരം, രാവിലെ ഉറക്കമുണര്‍ന്ന് പതിവായി നിങ്ങളുടെ അമ്മയുടെ പാദങ്ങളില്‍ സ്പര്‍ശിക്കുകയും അവരെ പരിപാലിക്കുകയും ചെയ്യുന്നത് ജാതകത്തില്‍ നിങ്ങളുടെ ചന്ദ്രന്റെ സ്ഥാനം ശക്തിപ്പെടുത്തുന്നു.

ശിവന് ജലാഭിഷേകം

ലാല്‍ കിതാബ് പ്രകാരം നിങ്ങളുടെ ജാതകത്തില്‍ ചന്ദ്രന്‍ ബലഹീനതയിലോ അശുഭ സ്ഥാനത്തോ ആണെങ്കില്‍, നിങ്ങള്‍ ശിവനെ ആരാധിക്കണം. എല്ലാ തിങ്കളാഴ്ചയും ശിവന് ജലാഭിഷേകവും രുദ്രാഭിഷേകവും നടത്തുക. ശിവ ചാലിസ പാരായണം ചെയ്യുക. ഇത് ചെയ്യുന്നത് ചന്ദ്രനെ ശക്തിപ്പെടുത്തുകയും നിങ്ങള്‍ക്ക് മാനസിക സമാധാനം നല്‍കുകയും ചെയ്യുന്നു.

ഈ കാര്യങ്ങള്‍ മനസ്സില്‍ വയ്ക്കുക

വാസ്തു പ്രകാരം, വെള്ളയും ചാരനിറവും ചന്ദ്രന്റെ പ്രതീകമാണ്. അതിനാല്‍ നീല, പച്ച, പിങ്ക് നിറങ്ങള്‍ കൂടാതെ, ആകാശ നിറങ്ങളും നിങ്ങള്‍ക്ക് പ്രയോജനകരമായിരിക്കും. ജാതകത്തില്‍ ചന്ദ്രന്‍ ദുര്‍ബലമായിരിക്കുന്നവര്‍ കറുപ്പും ചുവപ്പും നിറങ്ങള്‍ ഒഴിവാക്കണം.
ആരുടെ ജാതകത്തിലാണോ ചന്ദ്രന്‍ ബലഹീനനായി നില്‍ക്കുന്നത് അവര്‍ ഒരിക്കലും വെള്ളം പാഴാക്കരുത്. വീട്ടില്‍ എന്തെങ്കിലും ചോര്‍ച്ച ഉണ്ടെങ്കില്‍ തകരാറുകള്‍ എത്രയും വേഗം പരിഹരിക്കുക.