ലാല്‍ കിതാബിലെ ഈ പ്രതിവിധി ചെയ്താല്‍ കടം അകലും പണം വരും

പയര്‍വര്‍ഗ്ഗങ്ങള്‍ ദാനം ചെയ്യുക

കടക്കെണിയില്‍ നിന്ന് മുക്തി നേടാനുള്ള പല വഴികളും ലാല്‍ കിതാബില്‍ പറഞ്ഞിട്ടുണ്ട്. അതിലൊന്നാണ് ഏറ്റവും എളുപ്പമുള്ള ഈ പരിഹാരം. ഒരു വ്യക്തിക്ക് കടബാധ്യതയുണ്ടെങ്കില്‍, അയാള്‍ ദിവസവും 50 ഗ്രാം പരിപ്പ് ദാനം ചെയ്യണം. ഇത് ചെയ്യുന്നതിലൂടെ, വ്യക്തിയുടെ കടം ക്രമേണ കുറയാന്‍ തുടങ്ങുന്നു. ഇതുകൂടാതെ ദിവസവും ഗണപതിയെ ആരാധിക്കുകയും ദര്‍ഭപുല്ലും മോദകവും സമര്‍പ്പിക്കുകയും വേണം. ഇതു ചെയ്താല്‍ കടബാധ്യതയില്‍ നിന്ന് മുക്തി നേടാനും ജീവിതത്തില്‍ പുരോഗതി കൈവരിക്കാനും കഴിയും.

Most read:ഫെങ് ഷൂയി പ്രകാരം ഭാഗ്യവും സമ്പത്തും വരുത്താന്‍ വീട്ടില്‍ വളര്‍ത്തേണ്ട ചെടികള്‍

കടുകെണ്ണ നിറച്ച മണ്‍വിളക്ക്

ശനിയാഴ്ച കടുകെണ്ണ നിറച്ച മണ്‍വിളക്ക് കത്തിക്കുക. അതിനുശേഷം, ഈ വിളക്ക് കുളത്തിന്റെയോ നദിയുടെയോ തീരത്ത് കൊണ്ടുപോയി ഒരു കുഴിയെടുത്ത് കുഴിച്ചിടുക. അത് കഴിഞ്ഞാല്‍ പിന്നെ തിരിഞ്ഞു നോക്കാതെ അവിടെ നിന്നും പോവുക. ഈ പ്രതിവിധി ചെയ്യുന്നതിലൂടെ, നിങ്ങള്‍ ക്രമേണ കടത്തില്‍ നിന്ന് മുക്തി നേടാന്‍ തുടങ്ങും.

Most read:ഐശ്വര്യത്തിന്റെ ലക്ഷണങ്ങളാണ് നിങ്ങള്‍ കാണുന്ന ഈ സ്വപ്‌നങ്ങള്‍

കറുത്ത നായയ്ക്ക് ഭക്ഷണം നല്‍കുക

ശനിയാഴ്ച കടുകെണ്ണയില്‍ തയാറാക്കിയ റൊട്ടി കറുത്ത നായയ്ക്ക് ഭക്ഷണമായി കൊടുക്കുക. ഇങ്ങനെ ചെയ്താല്‍ കടബാധ്യതയില്‍ നിന്ന് മോചനം ലഭിക്കും. ലാല്‍ കിതാബ് പറയുന്നതനുസരിച്ച്, ഒരു കറുത്ത നായയ്ക്ക് റൊട്ടി നല്‍കുന്നതിലൂടെ, ഒരു വ്യക്തിക്ക് രാഹു, കേതു, ശനി എന്നീ മൂന്ന് ഗ്രഹങ്ങളുടെ കോപത്തില്‍ നിന്ന് മോചനം ലഭിക്കും.

പശുവിന് ഭക്ഷണം

1.25 കിലോഗ്രാം മാവും 1.25 കിലോ ശര്‍ക്കരയും കലര്‍ത്തി റൊട്ടി ഉണ്ടാക്കുക. ഇതിനുശേഷം, വ്യാഴാഴ്ച വൈകുന്നേരം പശുവിന് ഈ റൊട്ടി കൊടുക്കുക. അല്ലെങ്കില്‍ മൂന്ന് വ്യാഴാഴ്ച വരെ നിങ്ങള്‍ ഇങ്ങനെ ചെയ്യണം. ലാല്‍ കിതാബ് പറയുന്നതനുസരിച്ച്, മൂന്ന് വ്യാഴാഴ്ചകള്‍ ഈ പ്രതിവിധി ചെയ്യുന്നതിലൂടെ ഒരു വ്യക്തിക്ക് ദാരിദ്ര്യത്തില്‍ നിന്ന് മോചനം ലഭിക്കും.

ഞായറാഴ്ച ഇത് ചെയ്യുക

തുടര്‍ച്ചയായി അഞ്ച് ഞായറാഴ്ചകളില്‍ പശുവിന് ശര്‍ക്കര ചേര്‍ത്തു കൊടുക്കുന്നത് ഗുണകരമാണ്. നിങ്ങളുടെ സ്വന്തം കൈകൊണ്ട് പശുവിന് ഭക്ഷണം നല്‍കുക

Most read:2022 ഏപ്രില്‍; പ്രധാന ദിവസങ്ങളും ആഘോഷങ്ങളും

പുളിമരത്തിന്റെ കമ്പ്

പുളിമരത്തിന്റെ ഒരു ചെറിയ കമ്പ് നിങ്ങളുടെ പണ ലോക്കറിനുള്ളില്‍ അല്ലെങ്കില്‍ വീട്ടിലോ ജോലിസ്ഥലത്തോ പണം സൂക്ഷിക്കുന്ന എല്ലായിടത്തും സൂക്ഷിക്കണം. ഈ പ്രതിവിധി കടങ്ങള്‍ അകറ്റാന്‍ നിങ്ങളെ സഹായിക്കും.

കുങ്കുമം

വ്യാഴാഴ്ച രാത്രി കുറച്ച് കുങ്കുമം വാങ്ങി നിങ്ങളുടെ വീടിനടുത്തുള്ള ദേവി ക്ഷേത്രത്തില്‍ സമര്‍പ്പിച്ചാല്‍ അത് വളരെ ഫലപ്രദമാണ്. ഫലം കാണുന്നതിന് ഈ പ്രതിവിധി 11 ആഴ്ചകളില്‍ തുടര്‍ച്ചയായി ചെയ്യണം

Most read:ഏപ്രില്‍ മാസത്തിലെ വ്രതങ്ങളും ഉത്സവങ്ങളും

കഴുകന്റെ തൂവല്‍

ഈ പ്രതിവിധി വളരെ ബുദ്ധിമുട്ടുള്ളതും എന്നാല്‍ വളരെ ഫലപ്രദവുമാണ്. കഴുകന്മാര്‍ കൂടുകൂട്ടിയ ഒരു മരത്തിന്റെ ചുവട്ടില്‍ നിന്ന് കഴുകന്മാരുടെ 7 തൂവലുകള്‍ എടുക്കുക. ഈ 7 തൂവലുകള്‍ നിങ്ങളുടെ ക്യാഷ് ലോക്കറിലോ നിങ്ങളുടെ പണം സൂക്ഷിക്കുന്ന മറ്റേതെങ്കിലും സ്ഥലത്തോ സൂക്ഷിക്കുക. കടങ്ങളകലാന്‍ ഈ വഴി നിങ്ങളെ സഹായിക്കും.