ജന്‍മാന്തര പുണ്യം നേടിത്തരും കുംഭസംക്രാന്തി; സര്‍വ്വൈശ്വര്യ സിദ്ധിക്ക് ആരാധന

ഗ്രഹങ്ങളുടെ രാജാവായ സൂര്യദേവന്‍ ഫെബ്രുവരി മാസത്തില്‍ തന്റെ മകന്‍ ശനിദേവന്റെ വീട്ടില്‍ പ്രവേശിക്കാന്‍ പോകുന്നു. ശനിയുടെ രാശിയായ കുംഭത്തില്‍ സൂര്യന്റെ സംക്രമണം സംഭവിക്കുന്നു. സൂര്യന്‍ ഏതെങ്കിലും ഒരു രാശിയില്‍ പ്രവേശിക്കുമ്പോള്‍ അതിനെ സംക്രാന്തി എന്ന് വിളിക്കുന്നു. ഫെബ്രുവരി 13ന് സൂര്യന്‍ കുംഭ രാശിയില്‍ പ്രവേശിക്കുന്നതിനാല്‍ ആ ദിവസം കുംഭസംക്രാന്തി ആഘോഷിക്കും. ഈ ദിവസം പുണ്യനദിയില്‍ കുളിക്കുന്നതിന് പ്രത്യേക പ്രാധാന്യമുണ്ട്.

അതിനു ശേഷം സൂര്യനെ ആരാധിച്ച് ദാനകര്‍മ്മങ്ങള്‍ ചെയ്യുന്നവര്‍ക്ക് പുണ്യഫലങ്ങള്‍ ലഭിക്കും. മാഘമാസത്തിലാണ് കുംഭസംക്രാന്തി വരുന്നത്. അതിനാല്‍ ഈ സമയത്ത് പുണ്യനദിയില്‍ കുളിക്കുന്നത് പുണ്യം നേടുന്നതിന് തുല്യമായി കണക്കാക്കപ്പെടുന്നു. ഈ വര്‍ഷത്തെ കുംഭസംക്രാന്തിയുടെ ശുഭമുഹൂര്‍ത്തവും ആരാധനാരീതിയും അറിയാന്‍ ലേഖനം വായിക്കൂ.

കുംഭ സംക്രാന്തി 2024 ശുഭസമയം

പഞ്ചാംഗം അനുസരിച്ച്, ഈ വര്‍ഷം ഫെബ്രുവരി 13 ചൊവ്വാഴ്ച വൈകുന്നേരം 03:54 ന് സൂര്യന്‍ ശനിയുടെ രാശിയായ കുംഭത്തിലേക്ക് പ്രവേശിക്കും. ആ സമയത്ത് സൂര്യന്റെ കുംഭ സംക്രാന്തിയുടെ മുഹൂര്‍ത്തം ഉണ്ടാകും. അതിനാല്‍ ഫെബ്രുവരി 13ന് കുംഭസംക്രാന്തി ആഘോഷിക്കും. ഫെബ്രുവരി 13-ന് കുംഭസംക്രാന്തിയുടെ മഹാപുണ്യകാലം 1 മണിക്കൂര്‍ 51 മിനിറ്റാണ്. മഹാപുണ്യകാലം 02:02 മുതല്‍ 03:54 വരെ നീണ്ടുനില്‍ക്കും. കുംഭ സംക്രാന്തി നാളില്‍ കുളിക്കുന്നതും പുണ്യകാലത്ത് ദാനധര്‍മ്മങ്ങള്‍ ചെയ്യുന്നതും വളരെ പുണ്യകരമായി കണക്കാക്കപ്പെടുന്നു. അത്തരമൊരു സാഹചര്യത്തില്‍, ഫെബ്രുവരി 13ന് രാവിലെ 09:57 മുതല്‍ കുംഭസംക്രാന്തി ദിനത്തില്‍ നിങ്ങള്‍ക്ക് കുളിച്ച് ദാനം ചെയ്യാം.

കുംഭ സംക്രാന്തിയിലെ സൂര്യപൂജ

കുംഭ സംക്രാന്തി ദിനത്തില്‍ കുളിച്ച ശേഷം സൂര്യദേവനെ പ്രത്യേകം ആരാധിക്കുക. ചുവന്ന പൂക്കള്‍, ശര്‍ക്കര, രക്തചന്ദനം എന്നിവ വെള്ളത്തില്‍ കലര്‍ത്തി അര്‍ഘ്യം അര്‍പ്പിക്കുക. ഈ സമയം സൂര്യ മന്ത്രം ജപിക്കുക. സൂര്യ ചാലിസയും ആദിത്യ ഹൃദയ സ്തോത്രവും ചൊല്ലുക. ഇത് ചെയ്യുന്നതിലൂടെ, ജാതകത്തില്‍ സൂര്യന്റെ സ്ഥാനം ശക്തിപ്പെടുത്താന്‍ കഴിയും. നിങ്ങളുടെ പ്രശസ്തിയും പ്രതാപവും വര്‍ദ്ധിക്കും.

കുംഭ സംക്രാന്തി ദിനത്തില്‍ ഈ മന്ത്രങ്ങള്‍ ജപിക്കുക

നിങ്ങളുടെ ജീവിതത്തില്‍ എന്തെങ്കിലും തരത്തിലുള്ള പ്രശ്നങ്ങള്‍ നേരിടുന്നുണ്ടെങ്കില്‍, ഈ മന്ത്രങ്ങള്‍ ജപിക്കുക.
'ഓം സൂര്യായ നമഃ'
'ഓം ആദിത്യായ നമഃ'
'ഓം ഭാസ്‌കരായൈ നമഃ'

കുംഭ സംക്രാന്തി പൂജാവിധി

കുംഭസംക്രാന്തി ദിനത്തില്‍ ഗംഗാസ്നാനത്തിന് പ്രത്യേക പ്രാധാന്യമുണ്ടെന്ന് പുരാണ ഗ്രന്ഥങ്ങളില്‍ പറഞ്ഞിട്ടുണ്ട്. അതുകൊണ്ട് ഈ ദിവസം ബ്രാഹ്‌മ മുഹൂര്‍ത്തത്തില്‍ ഉണര്‍ന്ന് ഗംഗയില്‍ കുളിക്കണം. ഇത് സാധ്യമല്ലെങ്കില്‍ ഗംഗാജലം വെള്ളത്തില്‍ കലര്‍ത്തി വീട്ടില്‍ കുളിക്കുക. ഇതിനുശേഷം ശുദ്ധമായ ഒരു പാത്രത്തില്‍ ഗംഗാജലം, എള്ള്, അരി, പൂക്കള്‍ എന്നിവ കലര്‍ത്തി സൂര്യദേവന് അര്‍ഘ്യം അര്‍പ്പിക്കുക. ഇത് ചെയ്ത ശേഷം ആദിത്യ ഹൃദയ സ്തോത്രം ചൊല്ലുകയും സൂര്യദേവന്റെ മന്ത്രങ്ങള്‍ ജപിക്കുകയും ചെയ്യുക. ഈ ദിവസം ദാനകര്‍മ്മങ്ങള്‍ ചെയ്യുന്നതിനും പ്രത്യേക പ്രാധാന്യമുണ്ട്. അതുകൊണ്ട് ബ്രാഹ്‌മണര്‍ക്കും അഗതികള്‍ക്കും പാവപ്പെട്ടവര്‍ക്കും നിങ്ങളുടെ കഴിവിനനുസരിച്ച് ഭക്ഷണമോ പണമോ വസ്ത്രമോ ദാനം ചെയ്യുക.

കുംഭ സംക്രാന്തി ദിനത്തിന്റെ പ്രാധാന്യം

ഹിന്ദുമതത്തില്‍ ദാനധര്‍മ്മങ്ങള്‍ ചെയ്യുന്നതും പുണ്യനദിയില്‍ കുളിക്കുന്നതും വളരെ പുണ്യകരമായ പ്രവൃത്തികളായി കണക്കാക്കപ്പെടുന്നു. വിശേഷദിവസങ്ങളില്‍ കുളിച്ച് ദാനം ചെയ്യുന്നത് പലമടങ്ങ് ഫലം നല്‍കുന്നു. കുംഭ സംക്രാന്തി ദിനത്തിലും ദാനം ചെയ്യുന്നതിനും സ്നാനം ചെയ്യുന്നതിനും പ്രത്യേക പ്രാധാന്യമുണ്ട്. കുംഭസംക്രാന്തി ദിനത്തില്‍ പുണ്യനദിയില്‍ കുളിച്ചാല്‍ ബ്രഹ്‌മലോകം ലഭിക്കുമെന്ന് വിശ്വസിക്കുന്നു. കുംഭസംക്രാന്തി നാളില്‍ സ്നാനം ചെയ്ത് ദാനം ചെയ്യാത്തവന്‍ അനേകം ജന്മങ്ങള്‍ ദരിദ്രനായി തുടരുന്നു.

കുംഭ സംക്രാന്തി ആചാരങ്ങള്‍

കുംഭ സംക്രാന്തിയുടെ വേളയില്‍ ഭക്തര്‍ പുണ്യനദികളില്‍ സ്നാനം ചെയ്ത് സൂര്യഭഗവാന്റെ അനുഗ്രഹം തേടി ഐശ്വര്യത്തിനായി പ്രാര്‍ത്ഥിക്കുന്നു. പുണ്യസ്നാനം ജന്മപാപങ്ങളെ ശുദ്ധീകരിക്കുമെന്നും ഭക്തര്‍ക്ക് മോക്ഷം ലഭിക്കാന്‍ സഹായിക്കുമെന്നും വിശ്വസിക്കപ്പെടുന്നു. കുംഭ സംക്രാന്തി ദിനത്തില്‍ പശുക്കള്‍ക്ക് ഭക്ഷണം നല്‍കുകയും ജീവകാരുണ്യ പ്രവര്‍ത്തനങ്ങള്‍ നടത്തുകയും ചെയ്യുന്നു. ബ്രാഹ്‌മണര്‍ക്കും പാവപ്പെട്ടവര്‍ക്കും ഭക്ഷണവും വസ്ത്രവും മറ്റ് അവശ്യവസ്തുക്കളും നല്‍കുന്നു. കുംഭ സംക്രാന്തി ദിനത്തില്‍ ഭക്തര്‍ കറുത്ത എള്ള് കൊണ്ടുള്ള സാധനങ്ങള്‍ ദാനം ചെയ്താല്‍ സൂര്യദേവനും വിഷ്ണുവും ശനിദേവനും അനുഗ്രഹം ചൊരിയുമെന്നാണ് വിശ്വാസം.

സൂര്യദേവനെ പ്രീതിപ്പെടുത്താന്‍

ഈ ദിവസം ബ്രാഹ്‌മ മുഹൂര്‍ത്തത്തില്‍ എഴുന്നേറ്റ് സൂര്യദേവനെ ആരാധിക്കുകയും പ്രാര്‍ത്ഥനകള്‍ അര്‍പ്പിക്കുകയും ആദിത്യ ഹൃദയ ശ്രോത്തം ചൊല്ലുകയും ചെയ്യുക. ഇത് നിങ്ങളുടെ ജീവിതത്തില്‍ ബഹുമാനവും ഉയര്‍ന്ന പദവിയും ഒപ്പം സൂര്യദേവന്റെ അപാരമായ അനുഗ്രഹങ്ങളും കൊണ്ടുവരുന്നു. സൂര്യദേവനെ പ്രീതിപ്പെടുത്തിയാല്‍ എല്ലാ മേഖലയിലും വിജയം സുനിശ്ചിതമാണെന്ന് പറയപ്പെടുന്നു.