For Quick Alerts
ALLOW NOTIFICATIONS  
For Daily Alerts

12 വര്‍ഷത്തിനു ശേഷം ശുക്രനും വ്യാഴവും മീനം രാശിയില്‍; ഗുണദോഷ ഫലം

|

12 വര്‍ഷത്തിന് ശേഷം, വ്യാഴം ഗ്രഹം മീനം രാശിയില്‍ തിരിച്ചെത്തി. മീനരാശിയില്‍ വ്യാഴത്തിന്റെ വരവ് പല തരത്തില്‍ ശുഭകരമായി കണക്കാക്കപ്പെടുന്നു. എന്നാല്‍ വ്യാഴത്തിനു ശേഷം ശുക്രനും മീനരാശിയില്‍ വരുന്നു. ശുക്രനും വ്യാഴവും ശുഭഗ്രഹങ്ങളാണെങ്കിലും അവയ്ക്കിടയില്‍ ശത്രു ചൈതന്യമുണ്ട്. ഇത്തരമൊരു സാഹചര്യത്തില്‍ ഏപ്രില്‍ 27-ന് വ്യാഴത്തോടൊപ്പം ശുക്രന്റെ ആഗമനം മൂലം വ്യാഴവും ശുക്രനും ചേര്‍ന്ന് അത്ഭുതകരമായ സ്വാധീനം ചെലുത്തും. പ്രമേഹ ബാധിതര്‍ കൂടുതല്‍ ജാഗ്രത പുലര്‍ത്തേണ്ട സമയമാണിത്. പ്രത്യേകിച്ച് പ്രമേഹ പ്രശ്നങ്ങളുള്ള മീനരാശിക്കാര്‍ വളരെയധികം ശ്രദ്ധിക്കണം. വ്യാഴത്തിന്റെയും ശുക്രന്റെയും സംയോജനം കാരണം നിങ്ങളുടെ ബന്ധങ്ങള്‍ വളരും. ദീര്‍ഘകാലമായി വിവാഹം മുടങ്ങിക്കിടക്കുന്നവരുടെ വിവാഹം ഉറപ്പിക്കാം.

Most read: ഫെങ് ഷൂയി പ്രകാരം ഭാഗ്യവും സമ്പത്തും വരുത്താന്‍ വീട്ടില്‍ വളര്‍ത്തേണ്ട ചെടികള്‍

വ്യാഴവും ശുക്രനും കൂടിച്ചേര്‍ന്നാല്‍ പല രാശിക്കാരുടെയും പ്രണയജീവിതത്തിലെ പ്രശ്‌നങ്ങള്‍ മറികടക്കും. കഠിനാധ്വാനികള്‍ക്കും അര്‍പ്പണബോധമുള്ളവര്‍ക്കും ഈ സമയം വളരെ നല്ലതായിരിക്കും. ശമ്പളത്തിലും സ്ഥാനമാനങ്ങളിലും നല്ല വര്‍ധനവുണ്ടാകും. പലരും പെട്ടെന്ന് സന്തോഷം കണ്ടെത്തും. രാഷ്ട്രീയ സാമൂഹിക രംഗങ്ങളില്‍ സ്ത്രീകളുടെ സ്വാധീനം വര്‍ദ്ധിക്കും. ശുക്രനും വ്യാഴവും മീനം രാശിയില്‍ തുടരുന്നതോടെ 12 രാശിക്കും കൈവരുന്ന ഫലങ്ങള്‍ ഇപ്രകാരമായിരിക്കും.

മേടം

മേടം

വ്യാഴത്തിന്റെയും ശുക്രന്റെയും സ്വാധീനത്താല്‍, മേടം രാശിക്കാര്‍ക്ക് അവരുടെ ദാമ്പത്യ ജീവിതത്തില്‍ മാധുര്യമുണ്ടാകും. നിങ്ങള്‍ ഇരുവരും പരസ്പരം ബഹുമാനിക്കും. നേരെമറിച്ച്, ദാമ്പത്യത്തില്‍ എന്തെങ്കിലും അല്ലെങ്കില്‍ മറ്റെന്തെങ്കിലും പ്രശ്‌നങ്ങള്‍ ഉള്ള ആളുകള്‍ക്ക് പ്രശ്‌നത്തിന് പരിഹാരം ലഭിക്കും.

ഇടവം

ഇടവം

വ്യാഴത്തിന്റെയും ശുക്രന്റെയും സ്വാധീനം നിങ്ങളുടെ രാശിക്ക് ഗുണം ചെയ്യും. ഈ സമയത്ത് നിങ്ങള്‍ക്ക് സാമ്പത്തിക നേട്ടങ്ങള്‍ പ്രതീക്ഷിക്കാം. എന്നിരുന്നാലും, നിങ്ങളുടെ ശത്രുക്കളുമായി നിങ്ങള്‍ ജാഗ്രത പാലിക്കേണ്ടതുണ്ട്.

Most read:ഐശ്വര്യത്തിന്റെ ലക്ഷണങ്ങളാണ് നിങ്ങള്‍ കാണുന്ന ഈ സ്വപ്‌നങ്ങള്‍

മിഥുനം

മിഥുനം

ശുക്രന്റെയും വ്യാഴത്തിന്റെയും സ്വാധീനത്താല്‍ നിങ്ങളുടെ ജീവിതത്തില്‍ ഒരു പുതിയ ചലനം ഉണ്ടാകും. ഇതുവരെ കുട്ടികള്‍ ഇല്ലാതിരുന്നവരുടെ ജാതകത്തില്‍ സന്താനലബ്ധിക്കായി പ്രത്യേക യോഗങ്ങള്‍ രൂപപ്പെട്ടുവരുന്നു. കൂടാതെ, കുട്ടികളുള്ളവര്‍ക്കും നല്ല വാര്‍ത്തകള്‍ ലഭിക്കും.

കര്‍ക്കടകം

കര്‍ക്കടകം

വ്യാഴത്തിന്റെയും ശുക്രന്റെയും സ്വാധീനത്താല്‍ കര്‍ക്കടക രാശിക്കാരുടെ ജീവിതത്തില്‍ ഭൗതിക സുഖസൗകര്യങ്ങള്‍ വര്‍ദ്ധിക്കും. ഈ സമയത്ത് സന്തോഷത്തില്‍ വര്‍ദ്ധനവ് ഉണ്ടാകും. സ്വത്ത്, വാഹന സുഖം എന്നിവയും കണ്ടെത്താനാകും. കൂടാതെ വീടോ സ്ഥലമോ വാങ്ങാന്‍ ആഗ്രഹിക്കുന്നവരുടെ ആഗ്രഹം സഫലമാകും.

ചിങ്ങം

ചിങ്ങം

വ്യാഴത്തിന്റെയും ശുക്രന്റെയും സ്വാധീനം ചിങ്ങം രാശിക്കാര്‍ക്ക് പല മാറ്റങ്ങളും വരുത്തും. ഈ കാലയളവില്‍ കരിയറില്‍ ചില മാറ്റങ്ങള്‍ കാണാന്‍ കഴിയും. കൂടാതെ, സുഹൃത്തുക്കളുമായുള്ള നിങ്ങളുടെ ബന്ധം ശക്തമാകും. നിങ്ങള്‍ നിരവധി വെല്ലുവിളികളെ തരണം ചെയ്യും.

Most read:2022 ഏപ്രില്‍; പ്രധാന ദിവസങ്ങളും ആഘോഷങ്ങളും

കന്നി

കന്നി

വ്യാഴത്തിന്റെയും ശുക്രന്റെയും സ്വാധീനം കന്നി രാശിക്കാരുടെ ജീവിതത്തില്‍ നിരവധി പുതിയ കാര്യങ്ങള്‍ കൊണ്ടുവരും. ഈ സമയത്ത്, പ്രണയ വിവാഹം കഴിക്കാന്‍ ആഗ്രഹിക്കുന്നവരോ ദാമ്പത്യത്തില്‍ പ്രശ്‌നങ്ങള്‍ നേരിടുന്നവരോ ആയ ആളുകള്‍ക്ക് അവരുടെ ജീവിതത്തില്‍ മംഗളകരമായ അവസരങ്ങള്‍ക്ക് സാധ്യതയുണ്ട്.

തുലാം

തുലാം

വ്യാഴത്തിന്റെയും ശുക്രന്റെയും സ്വാധീനം ഉള്ളതിനാല്‍ തുലാം രാശിക്കാര്‍ അല്‍പം ശ്രദ്ധിക്കണം. ഈ സമയത്ത്, നിങ്ങളുടെ ചെലവുകള്‍ നിയന്ത്രണത്തിലാക്കുകയും ആവശ്യമുള്ളിടത്ത് മാത്രം ചെലവഴിക്കുകയും ചെയ്യുക. അകാരണമായി ചെലവഴിക്കുന്നത് മൂലം പല പ്രശ്‌നങ്ങളും വരാം.

വൃശ്ചികം

വൃശ്ചികം

വ്യാഴത്തിന്റെയും ശുക്രന്റെയും സ്വാധീനത്താല്‍ വൃശ്ചിക രാശിയുടെ പ്രതാപം വര്‍ദ്ധിക്കും. ഈ സമയത്ത്, നിങ്ങള്‍ സാമൂഹികവും മതപരവുമായ പ്രവര്‍ത്തനങ്ങളില്‍ സജീവമായി പങ്കെടുക്കും. അതുവഴി നിങ്ങളുടെ പ്രശസ്തിയും ബഹുമാനവും വര്‍ദ്ധിക്കും. അതുപോലെ തന്നെ നിങ്ങളുടെ ചിന്തകള്‍ മറ്റുള്ളവര്‍ കണക്കിലെടുക്കും, അത് നിങ്ങളുടെ ജനപ്രീതി വര്‍ദ്ധിപ്പിക്കും.

Most read:ഏപ്രില്‍ മാസത്തിലെ വ്രതങ്ങളും ഉത്സവങ്ങളും

ധനു

ധനു

വ്യാഴത്തിന്റെയും ശുക്രന്റെയും സ്വാധീനത്തില്‍ ധനു രാശിക്കാര്‍ക്ക് യാത്ര ചെയ്യാന്‍ അവസരം ലഭിക്കും. ഈ സമയത്ത് വ്യാപാരികള്‍ക്ക് അവരുടെ ബിസിനസ്സുമായി ബന്ധപ്പെട്ട യാത്രകള്‍ നടത്താം. അത് അവര്‍ക്ക് നല്ല ലാഭവും നല്‍കും. ഇതോടൊപ്പം കുടുംബത്തിനും സുഹൃത്തുക്കള്‍ക്കുമൊപ്പം യാത്ര പോകാനുള്ള അവസരവും നിങ്ങള്‍ക്കുണ്ടാകും.

മകരം

മകരം

വ്യാഴത്തിന്റെയും ശുക്രന്റെയും സ്വാധീനത്താല്‍ മകരം രാശിക്കാര്‍ക്ക് അനുകൂല സമയം കൈവരും. ഈ സമയത്ത്, ഒരു പുതിയ ജോലി ആരംഭിക്കാന്‍ ആഗ്രഹിക്കുന്ന ആളുകള്‍ക്ക്, സാമ്പത്തിക നേട്ടത്തിനുള്ള സാധ്യതകള്‍ വര്‍ധിക്കും. ഇതോടൊപ്പം തൊഴില്‍ ചെയ്യുന്നവര്‍ക്കും വ്യവസായികള്‍ക്കും നല്ല പുരോഗതിയുണ്ടാകും.

Most read:വാസ്തു പറയുന്നു, ഈ പ്രവൃത്തികളെങ്കില്‍ വീട് നെഗറ്റീവ് എനര്‍ജിയുടെ കൂടാരം

കുംഭം

കുംഭം

വ്യാഴത്തിന്റെയും ശുക്രന്റെയും സ്വാധീനത്തില്‍ കുംഭം രാശിക്കാര്‍ക്ക് ശുഭകരമായ ഫലങ്ങള്‍ ലഭിക്കും. ഈ സമയത്ത്, നിങ്ങളുടെ പ്രണയ ജീവിതത്തില്‍ പുതുമകള്‍ വരും, ബന്ധങ്ങളിലും ശക്തി ഉണ്ടാകും. കൂടാതെ, നിങ്ങളുടെ പങ്കാളിയെ കണ്ടുമുട്ടാനും നിങ്ങള്‍ക്ക് കഴിയും.

മീനം

മീനം

വ്യാഴത്തിന്റെയും ശുക്രന്റെയും സ്വാധീനം മൂലം മീനം രാശിക്കാരുടെ ജീവിതത്തില്‍ മംഗളകരമായ ജോലികള്‍ നടക്കും. ദാമ്പദ്യബന്ധം ശക്തിപ്പെടും. കൂടാതെ, ഈ ഗ്രഹങ്ങളുടെ സ്വാധീനം കാരണം, നിങ്ങളുടെ ജീവിതത്തില്‍ ചില നല്ല കാര്യങ്ങളും ഉണ്ടാകും.

English summary

Jupiter And Venus Conjunction in Pisces April 2022: Effects on Zodiac Signs in Malayalam

Venus Jupiter conjunction is a kind of good omen for your social life as you can attract fantastic things around you. Read on the effects of Jupiter And Venus Conjunction in Pisces April 2022.
Story first published: Tuesday, April 19, 2022, 12:46 [IST]
X
Desktop Bottom Promotion