ശ്രീകൃഷ്ണ ജയന്തി 2022; ഈ രാശിക്കാര്‍ക്ക് കൈവരും ജീവിതത്തില്‍ ഭാഗ്യം

ജന്മാഷ്ടമി ദിനത്തില്‍ രണ്ട് ശുഭയോഗങ്ങള്‍

ഇത്തവണ ജന്മാഷ്ടമിക്ക് രണ്ട് ദിവസങ്ങളുടെ യോഗം രൂപപ്പെടുന്നതിനാല്‍ രണ്ട് ദിവസമാണ് ഈ ഉത്സവം ആഘോഷിക്കുന്നത്. ഇത്തവണ കൃഷ്ണ ജന്മാഷ്ടമി ഓഗസ്റ്റ് 18ന് ആഘോഷിക്കും. ഈ വര്‍ഷം കൃഷ്ണന്റെ 5250-ാം ജന്മദിനമാണ് ആഘോഷിക്കുന്നത്. ഓഗസ്റ്റ് 18ന് രാത്രി 9.20 മുതല്‍ അഷ്ടമി തിഥി ആരംഭിച്ച് ഓഗസ്റ്റ് 19ന് രാത്രി 10.59-ന് അവസാനിക്കും. ഇത്തവണത്തെ ശ്രീകൃഷ്ണ ജയന്തിയോടനുബന്ധിച്ച് വൃദ്ധിയോഗം പോലുള്ള പ്രത്യേക യോഗയും മുഹൂര്‍ത്തവും രൂപപ്പെടുകയാണ്, അത് ആരാധനയ്ക്ക് വളരെ പ്രധാനമാണ്.

വൃദ്ധി യോഗം: ഓഗസ്റ്റ് 17 ഉച്ച മുതല്‍ ഓഗസ്റ്റ് 18 വരെ രാത്രി 8:41 ന്

അഭിജിത മുഹൂര്‍ത്തം: ഓഗസ്റ്റ് 18 ന് ഉച്ചയ്ക്ക് 12:05 മുതല്‍ 19ന് 12:56 AM വരെ

ധ്രുവയോഗം: ഓഗസ്റ്റ് 18ന് രാത്രി 8:41 മുതല്‍ ഓഗസ്റ്റ് 19ന് രാത്രി 8:59 വരെ

ഈ 2 രാശിക്കാര്‍ സമ്പന്നരായിരിക്കും

ജ്യോതിഷപ്രകാരം ജാതകത്തില്‍ ചന്ദ്രന്‍ ബലഹീനനായവര്‍ക്ക്, ശ്രീകൃഷ്ണ ജന്മാഷ്ടമി വ്രതം ഒരു അനുഗ്രഹമായിരിക്കും. കൂടാതെ ഇത്തവണ വൃദ്ധിയോഗം മൂലം കുട്ടികളില്ലാത്ത ദമ്പതികള്‍ക്ക് ഈ വ്രതം വളരെ ഐശ്വര്യപ്രദമായിരിക്കും. ഒരു കുട്ടിയെ ലഭിക്കാനുള്ള ഭാഗ്യം നിങ്ങള്‍ക്കുണ്ടാകും. ഈ രാശിക്കാര്‍ക്കാണ് ജന്മാഷ്ടമി വ്രതം കൊണ്ട് പ്രത്യേക നേട്ടങ്ങള്‍ ലഭിക്കാന്‍ പോകുന്നത്.

കര്‍ക്കിടകം

കര്‍ക്കടകത്തിന്റെ ഭരണ ഗ്രഹം ചന്ദ്രനാണ്. ജന്മാഷ്ടമി വ്രതത്താല്‍ ചന്ദ്രന്‍ ബലപ്പെടുന്നു. ഭഗവാന്‍ കൃഷ്ണന്റെ അനുഗ്രഹത്താല്‍ നിങ്ങളുടെ മുടങ്ങിക്കിടക്കുന്ന എല്ലാ ജോലികളും പൂര്‍ത്തിയാകും. എല്ലാ ജോലികളിലും നിങ്ങള്‍ക്ക് വിജയം ലഭിക്കും. എല്ലാ മേഖലയിലും പ്രവര്‍ത്തിക്കുന്ന ആളുകള്‍ക്ക് പ്രയോജനം ലഭിക്കും. കൂടാതെ, നിങ്ങള്‍ക്ക് എന്തെങ്കിലും കടമുണ്ടെങ്കില്‍ ഈ സമയം അതില്‍ നിന്ന് നിങ്ങള്‍ക്ക് വളരെ വേഗം മുക്തി നേടാനാകും.

വൃശ്ചികം

വൃശ്ചിക രാശിയില്‍ ശ്രീകൃഷ്ണന്‍ ധാരാളം അനുഗ്രഹങ്ങള്‍ വര്‍ഷിക്കും. വൃശ്ചികം രാശിക്കാര്‍ക്ക് ഈ സമയം പണം ലഭിക്കാന്‍ സാധ്യതയുണ്ട്. ജോലിയിലോ ബിസിനസ്സിലോ പുരോഗതി ഉണ്ടാകും. ഉദ്യോഗാര്‍ത്ഥികള്‍ക്ക് പരീക്ഷയില്‍ നല്ല ഫലങ്ങള്‍ ലഭിക്കും.

കൃഷ്ണ ജന്‍മാഷ്ടമി വ്രതാനുഷ്ഠാനം

ഇന്ത്യയിലുടനീളമുള്ള ഇടങ്ങളില്‍ ഭക്തര്‍ രാത്രിയില്‍ ക്ഷേത്രങ്ങള്‍ സന്ദര്‍ശിക്കുകയും ശ്രീകൃഷ്ണ ഭഗവാനെ പ്രാര്‍ത്ഥിക്കുകയും ചെയ്യുന്നു. അദ്ദേഹത്തിന്റെ ജനനത്തിന്റെ പ്രതീകമായി ഒരു ചെറിയ തൊട്ടിലില്‍ ഉണ്ണിക്കണ്ണന്റെ വിഗ്രഹം സ്ഥാപിച്ചിട്ടുണ്ടാകും. ഭക്തര്‍ സന്തോഷത്തോടെ തൊട്ടില്‍ ആട്ടുകയും ആരതിയും ഭജനയും ചൊല്ലി ശ്രീകൃഷ്ണന്റെ ജനനം ആഘോഷിക്കുകയും ചെയ്യുന്നു. ഈ ദിവസം ഭക്തര്‍ പകല്‍ മുഴുവന്‍ ഉപവസിക്കുന്നു.

വ്രതമെടുത്താലുള്ള നേട്ടം

ശ്രീകൃഷ്ണ ജയന്തി ദിവസം ഉപവാസം അനുഷ്ഠിക്കുന്നതിലൂടെ ഭക്തര്‍ക്ക് സന്താന സൗഭാഗ്യം കൈവരികയും മോക്ഷപ്രാപ്തി ലഭിക്കുകയും ചെയ്യുന്നു. ശ്രീകൃഷ്ണ ജന്മാഷ്ടമി വ്രതത്തിലൂടെ സന്തോഷവും സമൃദ്ധിയും വര്‍ദ്ധിക്കുകയും ദീര്‍ഘായുസ്സ് ലഭിക്കുകയും ചെയ്യുന്നു.