ദീപാവലിക്കുമുണ്ട് ആരുമറിയാത്ത ചില രഹസ്യങ്ങള്‍

അന്ധകാരത്തിന് വിട

അന്ധകാരത്തിന് എന്നന്നേക്കുമായി വിട നല്‍കുക എന്നതാണ് ഇതിലൂടെ പ്രധാനമായും ഉദ്ദേശിക്കുന്നത്. നമ്മുടെ മനസ്സിലെ തിന്‍മയെ ഇല്ലാതാക്കി അവിടെ നന്മയെ കുടിയിരുത്തുക എന്നതാണ് പ്രധാന ലക്ഷ്യം.

ഇന്ത്യയിലെ ഏറ്റവും വലിയ ഉത്സവം

ഇന്ത്യയിലെ ഏറ്റവും വലിയ ഉത്സവമാണ് ദീപാവലി. ശരിക്കും പുതുവര്‍ഷം പുലരുന്നതു പോലെയാണ് നോര്‍ത്ത് ഇന്ത്യക്കാര്‍ ദീപാവലി ആഘോഷിക്കുന്നത്.

ഐശ്വര്യത്തിന്റേയും സമൃദ്ധിയുടേയും പ്രതീകം

ഐശ്വര്യത്തിന്റേയും സമൃദ്ധിയുടേയും പ്രതീകം എന്ന രീതിയിലാണ് ദീപാവലി ആഘോഷിക്കുന്നത്. ഐശ്വര്യ ദേവതയായ ലക്ഷ്മിയെയാണ് ഇതിലൂടെ ആരാധിക്കുന്നത്.

അഞ്ച് ദിവസം ആഘോഷം

ദീപാവലി ആഘോഷിക്കുന്നത് അഞ്ച് ദിവസങ്ങളിലായാണ്. ഓരോ ദിവസവും ഓരോ പേരുകളിലാണ് ആഘോഷിക്കപ്പെടുന്നത്.

ഐതിഹ്യങ്ങള്‍ പലത്

ദീപാവലിയ്ക്കു പുറകിലുള്ള ഐതിഹ്യങ്ങള്‍ പലതാണ്. 14 വര്‍ഷത്തെ വനവാസത്തിനു ശേഷം ശ്രീരാമന്‍ അയോദ്ധ്യയിലേക്ക് തിരിച്ചു വന്നതിന്റെ ഭാഗമായും ദീപാവലി ആഘോഷിക്കപ്പെടുന്നുണ്ട്. എന്നാല്‍ ഭഗവാന്‍ കൃഷ്ണന്‍ നരകാസുരനെ വധിച്ചതിന്റെ പ്രതീകമായാണ് ദീപാവലി പ്രധാനമായും ആഘോഷിക്കപ്പെടുന്നത്.

കാളിപൂജ

ദീപാവലിയോടനുബന്ധിച്ച് കാളി പൂജ നടത്തുന്നതും ആചാരമാണ്. പ്രത്യേകിച്ചും ബംഗാളിലാണ് ഇത്തരത്തില്‍ പൂജ നടത്തുന്നത്.

കാശ്മീരിലെ ആചാരം

കാശ്മീരി പണ്ഡിറ്റ് വിഭാഗത്തിനാണ് ദീപാവലി പ്രത്യേകതയായി കൊണ്ടാടുന്നതും. സുക്ഷ്‌സുപ്തിക എന്ന പേരിലാണ് ഇവര്‍ ദീപാവലിയെ പറയുന്നതും.

ചൂതുകളി

ദീപാവലി ദിനത്തിലെ ചൂതുകളി ഭാഗ്യം കൊണ്ടു വരുമെന്നാണ് പലരുടേയും വിശ്വാസം. അതുകൊണ്ടു തന്നെ ചൂതുകളിയ്ക്ക് ഇവര്‍ പ്രത്യേക സമയവും കണ്ടെത്തുന്നു.

പുതിയ സാമ്പത്തിക വര്‍ഷം

പലരും പുതിയ സാമ്പത്തിക വര്‍ഷത്തിന്റെ തുടക്കമെന്ന നിലയ്ക്ക് ദീപാവലി ആഘോഷിക്കുന്നു. ഗണപതി ഭഗവാനെയാണ് ഈ സമയത്ത് പലരും ഏറ്റവും അധികം ആരാധിയ്ക്കുന്നതും.

പുതുവത്സരം

ജൈന വിഭാഗത്തില്‍ പെട്ടവര്‍ ദീപാവലിയുടെ അടുത്ത ദിവസം പുതുവര്‍ഷമായി ആഘോഷിക്കുന്ന ചടങ്ങുണ്ട്.