ഈ ദിവസങ്ങളില്‍ ദാനം ചെയ്യൂ, സമ്പത്ത് ഇരട്ടിക്കും

ഞായറാഴ്ച

ഞായറാഴ്ച ചെയ്യുന്ന ദാനം ഏറ്റവും ശ്രേഷ്ഠമായ ഒന്നാണ്. സൂര്യ ഭഗവാന്റെ ദിവസമാണ് ഞായര്‍. ഗോതമ്പ്, ശര്‍ക്കര, വസ്ത്രം എന്നിവയെല്ലാം ദാനം ചെയ്യാന്‍ ഏറ്റവും ഉത്തമമായ ദിവസമാണ് ഞായര്‍. ഇത് നിങ്ങളില്‍ ഐശ്വര്യവും ഊര്‍ജ്ജവും നിറക്കുന്നു. അതുകൊണ്ട് തന്നെ ഞായറാഴ്ച ചെയ്യുന്ന ദാനം ഏറ്റവും നല്ലതാണ്.

തിങ്കളാഴ്ച

ചന്ദ്രഭഗവാന്റെ ദിവസമാണ് തിങ്കളാഴ്ച. അന്ന് വെളുത്ത നിറമുള്ള വസ്തുക്കള്‍ ദാനം ചെയ്യുന്നതിന് വേണ്ടി ശ്രമിക്കുക. ഇത് നിങ്ങളുടെ ജീവിത്തതില്‍ സാമ്പത്തിക നേട്ടവും ലാഭവും ഉണ്ടാക്കുന്നു. പാല്‍, പഞ്ചസാര, കല്‍ക്കണ്ടം, അരി, വെള്ള വസ്ത്രം എന്നിവയെല്ലാം ദാനം ചെയ്യുന്നതിന് വേണ്ടി ശ്രമിക്കുക. ഇതെല്ലാം നിങ്ങള്‍ക്കുണ്ടാവുന്ന ദോഷങ്ങള്‍ക്ക് പരിഹാരമാണ്.

ചൊവ്വ

ചൊവ്വാഴ്ച ദാനം ചെയ്യുമ്പോള്‍ ചുവന്ന നിറത്തിലുള്ള വസ്തുക്കള്‍ ദാനം ചെയ്യുന്നതിന് വേണ്ടി ശ്രദ്ധിക്കുക. ശര്‍ക്കര, ചുവന്ന നിറത്തിലുള്ള വസ്ത്രം എന്നിവയെല്ലാം ദാനം ചെയ്യുന്നതിന് വേണ്ടി ശ്രദ്ധിക്കുക. ഇത് നിങ്ങളുടെ പാപങ്ങള്‍ക്ക് പരിഹാരം നല്‍കുന്നു. മാത്രമല്ല ചൊവ്വാദോഷത്തെ കുറക്കുന്നതിനും സഹായിക്കുന്നു. പല വിധത്തില്‍ ഇത്തരം കാര്യങ്ങള്‍ ശ്രദ്ധിക്കുന്നത് നല്ലതാണ്.

ബുധന്‍

ബുധനാഴ്ചയും ദാന ധര്‍മ്മത്തിന് യാതൊരു വിധത്തിലുള്ള മാറ്റവും വരുത്തേണ്ടതില്ല. ഐശ്വര്യത്തിനും ബുധന്റെ അനുഗ്രഹത്തിനും ഇത് സഹായിക്കുന്നു. പച്ച നിറത്തിലുള്ള വസ്തുക്കള്‍ ദാനം ചെയ്യുന്നതിന് വേണ്ടി ശ്രദ്ധിക്കുക. ചെറുപയര്‍, പച്ചനിറത്തിലുള്ള വസ്ത്രം, വൃക്ഷത്തൈകള്‍ എന്നിവയെല്ലാം ബുധനാഴ്ച ദാനം ചെയ്യുന്നത് ഏറ്റവും നല്ലതാണ്.

വ്യാഴം

വ്യാഴാഴ്ച ദാനം ചെയ്യുന്നത് സാമ്പത്തിക നേട്ടത്തിന് ഉത്തമമായ ഒന്നാണ്. ഇത് എല്ലാ വിധത്തിലും വ്യാഴത്തിന്റെ പ്രീതി നേടുന്നതിന് സഹായിക്കുന്നു. മഞ്ഞ നിറത്തിലുള്ള വസ്തുക്കള്‍ ദാനം ചെയ്യുന്നതിന് ശ്രദ്ധിക്കുക. മഞ്ഞപ്പട്ട്, സ്വര്‍ണം, പരിപ്പ് എന്നിവയെല്ലാം ദാനം ചെയ്യുന്നത് നല്ലതാണ് വ്യാഴാഴ്ച. ഇത് നിങ്ങളില്‍ പോസിറ്റീവ് എനര്‍ജി നിറക്കുന്നതിന് സഹായിക്കുന്നു.

വെള്ളി

ലക്ഷ്മീ ദേവിയുടെ സാന്നിധ്യം വര്‍ദ്ധിപ്പിക്കുന്നതിന് സഹായിക്കുന്ന ഒന്നാണ് വെള്ളി. വെള്ളിയാഴ്ച ദിവസം കല്‍ക്കണ്ടം, വെള്ളി, തൈര്, ഭക്ഷണം എന്നിവ ദാനം ചെയ്താല്‍ അതെല്ലാം കുടുംബത്തില്‍ ഐശ്വര്യം നിറക്കുന്ന ഒന്നാണ്. വെള്ളിയാഴ്ച ദാനം ചെയ്യുന്നത് സാമ്പത്തിക നേട്ടം വര്‍ദ്ധിപ്പിക്കുന്നു.

ശനി

ശനിയാഴ്ച ശാസ്താവിന്റെ ദിവസമാണ്. ഇത് ശനിദോഷം മൂലം കഷ്ടതയനുഭവിക്കുന്നവര്‍ക്ക് വേണ്ടി ദാനം ചെയ്യാന്‍ പറ്റിയ ദിവസമാണ്. കറുത്ത വസ്ത്രം, എള്ള് എന്നിവയെല്ലാം ദാനം ചെയ്യാന്‍ പറ്റിയ ദിവസമാണ് ശനിയാഴ്ച. മാത്രമല്ല പലഹാരങ്ങള്‍, മധുരം എന്നിവയെല്ലാം ദാനം ചെയ്യാന്‍ ശനി ഉത്തമമാണ്.