കന്നി ആയില്യം സര്‍പ്പ പൂജ ചെയ്യണം; നാഗദൈവങ്ങളുടെ അനുഗ്രഹം നിശ്ചയം

കന്നി ആയില്യം പ്രത്യേകതകള്‍

കന്നി ആയില്യത്തിന് പല വിധത്തിലുള്ള പ്രത്യേകതകള്‍ ഉണ്ട്. പല സര്‍പ്പക്ഷേത്രങ്ങളിലും വിശേഷ വിധിയായി പല വിധത്തിലുള്ള പൂജകളും മറ്റും ചെയ്ത് വരുന്നുണ്ട്. മിക്ക ക്ഷേത്രങ്ങളിലും കന്നിമാസത്തിലെ ആയില്യത്തോടൊപ്പം തന്നെ മണ്ണാറശാല പോലുള്ള ചിലയിടങ്ങളില്‍ തുലാമാസ ആയില്യത്തിനും നല്‍കുന്ന പ്രാധാന്യം വളരെ വലുതാണ്. കന്നിമാസത്തിലെ ആയില്യത്തിന് നടത്തുന്ന പൂജകള്‍ എല്ലാം തന്നെ ഫലപ്രാപ്തി നല്‍കുന്നതാണ്.

വ്രതമെടുക്കേണ്ടത് ഇങ്ങനെ

ആയില്യത്തിന് വ്രതമെടുക്കുന്നവര്‍ എന്തൊക്കെ കാര്യങ്ങള്‍ ശ്രദ്ധിക്കണം എന്ന് നോക്കാവുന്നതാണ്. ഈ ദിനത്തില്‍ വ്രതമെടുക്കുന്നവര്‍ തലേ ദിവസം മുതല്‍ തന്നെ വ്രതത്തിനുള്ള ചടങ്ങുകള്‍ നടത്തേണ്ടതാണ്. ഈ ദിനത്തില്‍ മദ്യം, ലഹരി, മത്സ്യമാംസങ്ങള്‍ എന്നിവ ഒഴിവാക്കണം. ഇത് കൂടാതെ ബ്രഹ്മചര്യം പാലിക്കുകയും ഭക്ഷണം ഉപേക്ഷിച്ച് പൂര്‍ണമായും വ്രതം എടുക്കേണ്ടതും അത്യാവശ്യമാണ്. എന്നാല്‍ ആരോഗ്യ പ്രശ്‌നങ്ങളാല്‍ വ്രതം എടുക്കുന്നവര്‍ ലഘുഭക്ഷണം കഴിക്കുന്നതില്‍ തെറ്റില്ല. അടുത്ത ദിവസം ശിവക്ഷേത്ര ദര്‍ശനം നടത്തി തീര്‍ത്ഥം സേവിച്ച് പാരണ വീട്ടി വേണം വ്രതം അവസാനിപ്പിക്കുന്നതിന്.

വ്രത ദിവസത്തില്‍ ശ്രദ്ധിക്കാന്‍

വ്രത ദിവസം പ്രത്യേകം പൂജകളും പ്രാര്‍ത്ഥനകളും നടത്തേണ്ടതാണ്. ഈ ദിനത്തില്‍ ശിവക്ഷേത്രങ്ങളില്‍ പൂജ നടത്തുന്നതിനും നാഗപ്രതിഷ്ഠക്ക് ചുറ്റും 5 തവണ വലം വെക്കുന്നതിനും ശ്രദ്ധിക്കേണ്ടതാണ്. രാവിലെ സൂര്യോദയത്തിന് മുന്‍പും സൂര്യാസ്തമയത്തിന് ശേഷവും വലം വെക്കുന്നതിന് ശ്രദ്ധിക്കണം. ഇത് കൂടാതെ 365 തവണ ഓം നമ:ശിവായ മന്ത്രം ജപിക്കേണ്ടതാണ്. ഇതെല്ലാം നിങ്ങളില്‍ പോസിറ്റീവ് എനര്‍ജി നിറക്കുകയും ജീവിതത്തില്‍ ഐശ്വര്യം കൊണ്ട് വരികയും ചെയ്യുന്നുണ്ട്.

കന്നി മാസത്തിലെ ആയില്യം പ്രത്യേകതകള്‍

എല്ലാ മാസത്തിലേയും ആയില്യം പോലെയല്ല കന്നി മാസത്തിലെ ആയില്യം. ഈ മാസത്തിലെ ആയില്യപൂജ തൊഴുതാല്‍ അത് ഒരു വര്‍ഷത്തെ നാഗപൂജ തൊഴുന്നതിന് തുല്യമായാണ് കണക്കാക്കുന്നത്. കാരണം നാഗശാപം അത് തലമുറകളോളം നമ്മളെ പിന്തുടരുന്ന ഒന്നാണ്. അതുകൊണ്ട് തന്നെ നാഗശാപത്തിന് പ്രതിവിധിക്കും പകര്‍ച്ച വ്യാധിയെ പ്രതിരോധിക്കുന്നതിനും കന്നി ആയില്യം തൊഴുന്നതും വ്രതം എടുക്കുന്നതും സഹായിക്കുന്നുണ്ട്. ഇത് കൂടാതെ സര്‍പ്പശാപങ്ങള്‍ അകറ്റുന്നതിന് സര്‍പ്പ ബലി നടത്താവുന്നതും ആണ്.

രോഗപരിഹാരം

രോഗപരിഹാരത്തിനും നാഗശാപം മാറുന്നതിനും സര്‍പ്പദോഷത്തിന് പരിഹാരം കാണുന്നതിനും എല്ലാം കന്നിആയില്യവ്രതം അനുഷ്ഠിക്കുന്നത് നല്ലതാണ്. സര്‍പ്പക്കാവ് നശിപ്പിക്കുകയും, സര്‍പ്പത്തെ കൊല്ലുകയും ചെയ്താല്‍ സര്‍പ്പബലിയിലൂടെ അതിന് പരിഹാരം കാണേണ്ടതാണ്. ഇത് കൂടാതെ കളമെഴുതി സര്‍പ്പം പാട്ടും സര്‍പ്പം തുള്ളലും നടത്തുന്നതും നല്ലതാണ്. ഇത് കൂടാതെ നിങ്ങളുടെ ദശാ കാലങ്ങള്‍ അനുസരിച്ച് രാഹു കേതു ദശാസന്ധിയുള്ളവര്‍ സര്‍പ്പക്ഷേത്രത്തില്‍ ഈ പ്രത്യേക ദിനത്തില്‍ വഴിപാടുകളും മറ്റും ചെയ്യുന്നത് എന്തുകൊണ്ടും നല്ലതാണ്