ചോറ്റാനിക്കര മകം: ദേവി വലതുകൈയ്യാല്‍ അനുഗ്രഹിക്കും ഒരേ ദിനം: മംഗല്യഭാഗ്യവും സര്‍വ്വാഭീഷ്ടവും

ദേവിയുടെ അനുഗ്രഹം

ചോറ്റാനിക്കര മകം തൊഴല്‍ ദിനത്തില്‍ ദേവി വലത് കൈകൊണ്ടാണ് തന്റെ ഭക്തരെ അനുഗ്രഹിക്കുന്നത്. സാധാരണ ദിവസങ്ങളില്‍ ദേവി ഇടത് കൈകൊണ്ടാണ് തന്റെ ഭക്തരെ അനുഗ്രഹിക്കുന്നത്. എന്നാല്‍ മകം തൊഴല്‍ ദിനത്തില്‍ മാത്രം ദേവി വലത് കൈകൊണ്ട് തന്റെ ഭക്തരെ അനുഗ്രഹിക്കുന്നു എന്നാണ് വിശ്വാസം. സ്ത്രീകളാണ് ഏറ്റവും കൂടുതല്‍ മകം തൊഴലിന് വേണ്ടി ക്ഷേത്രത്തില്‍ എത്തുന്നത്. മംഗല്യഭാഗ്യവും ദുരിത മോചനവും ബാധയൊഴിപ്പിക്കലും എല്ലാം ക്ഷേത്രത്തില്‍ എത്തുന്നതിലൂടെ പരിഹരിക്കപ്പെടുമെന്നാണ് വിശ്വാസം. അതുകൊണ്ട് തന്നെ മകം തൊഴുന്നത് ഐശ്വര്യപ്രദമായി കണക്കാക്കുന്നു.

മകം തൊഴല്‍

108 ദേവി ക്ഷേത്രങ്ങളില്‍ ഏറെ പ്രാധാന്യമുള്ള ക്ഷേത്രമാണ് ചോറ്റാനിക്കര ദേവീ ക്ഷേത്രം. അതുകൊണ്ട് തന്നെ ഈ ക്ഷേത്രത്തിലെ മകം തൊഴല്‍ അത്യുത്തമമാണ്. കുംഭ മാസത്തിലെ മകം നക്ഷത്രത്തില്‍ ദേവി സര്‍വ്വാഭരണ വിഭൂഷിതയായി വില്ല്വമംഗലം സ്വാമിക്ക് ദര്‍ശനം നടത്തിയതിന്റെ പിന്തുടര്‍ച്ചയായാണ മകം തൊഴല്‍ ആചരിക്കുന്നത്. തന്റെ വിശ്വരൂപത്തില്‍ ദേവിയെ ദര്‍ശിക്കാന്‍ സാധിക്കും എന്നത് തന്നെയാണ് മകം തൊഴലിന്റെ ഏറ്റവും വലിയ പ്രത്യേകത. ഈ ദിനത്തില്‍ ദേവിക്ക് തങ്കഗോളക ചാര്‍ത്തിയാണ് ഭക്തര്‍ക്ക് ദര്‍ശനം നല്‍കുന്നത്. വളരെയധികം പ്രാധാന്യം നല്‍കുന്ന ഒരു ദിനം തന്നെയാണ് മകം തൊഴല്‍ എന്നതില്‍ സംശയം വേണ്ട.

മകം തൊഴല്‍ നല്‍കുന്ന വിശിഷ്ടഫലങ്ങള്‍

ചോറ്റാനിക്കര മകം ദര്‍ശിക്കുന്ന വ്യക്തിക്ക് ജീവിതത്തില്‍ യാതൊരു വിധത്തിലുള്ള ബുദ്ധിമുട്ടുകളും ഉണ്ടാവുകയില്ല. വിവാഹിതരായവര്‍ക്ക് സല്‍പ്പുത്രഭാഗ്യമുണ്ടാവുകയും, ദീര്‍ഘസുമംഗലിയായി ഇരിക്കുന്നതിനും, വിവാഹം നടക്കുന്നതിനും അഭീഷ്ടസിദ്ധിക്കും ദേവി അനുഗ്രഹിക്കുന്നു. മകം കഴിഞ്ഞ് അടുത്ത ദിവസം ഉത്സവം ആരംഭിക്കുന്നു. പൂരം നക്ഷത്രത്തിലെ ദര്‍ശനം ഏറ്റവും കൂടുതല്‍ പുരുഷന്‍മാര്‍ക്കാണ് എന്നാണ് വിശേഷം. ഉച്ചപൂജക്ക് ശേഷമാണ് മകം തൊഴല്‍ ആരംഭിക്കുന്നത്. വളരെ വിശേഷപ്പെട്ടതും അത്യുത്തമവുമായ ഒരു ചടങ്ങ് തന്നെയാണ് മകം തൊഴല്‍.

മകം തൊഴല്‍ നല്‍കുന്ന വിശിഷ്ടഫലങ്ങള്‍

അവിവാഹിതരായവര്‍ മകം തൊഴുത് പ്രാര്‍ത്ഥിച്ചാല്‍ അടുത്ത മകം ആവുമ്പോഴേക്കും ഇവരുടെ വിവാഹം നടക്കും എന്നാണ് വിശ്വാസം. ദോഷങ്ങളും ജാതകദോഷവും എല്ലാം ഇല്ലാതാവുകയും ജീവിതം ഐശ്വര്യം നിറഞ്ഞതുമായി മാറുന്നു. ജീവിതത്തിലെ ദോഷങ്ങള്‍ ഇല്ലാതാക്കുന്നതിന് വേണ്ടി ഗുരുതിയും ബ്രാഹ്മണിപ്പാട്ടും വഴിപാടായി സമര്‍പ്പിച്ചാല്‍ വിഘ്‌നങ്ങള്‍ ഒഴിയുമെന്നും ജീവിതത്തില്‍ സര്‍വ്വൈശ്വര്യവും നിറയുമെന്നുമാണ് വിശ്വാസം. ദേവിയെ മനസ്സുരുകി പ്രാര്‍ത്ഥിച്ചാല്‍ ജീവിതത്തില്‍ ഐശ്വര്യവും സന്തോഷവും നിറയും എന്നാണ് വിശ്വാസം. അതുകൊണ്ട് തന്നെ എല്ലാ വിധ ദോഷങ്ങളേയും അകറ്റുന്നതിന് വേണ്ടി ദേവി ഭക്തര്‍ ഓരോ വര്‍ഷവും മകം തൊഴുന്നു.