ഇവ വീട്ടില്‍ നിന്നും ഒഴിവാക്കൂ, പണം താനേ വരും

പ്രാവിന്റെ കൂട്

പ്രാവിന് കൂട് വെയ്ക്കാന്‍ അങ്ങനെ കൃത്യമായ സ്ഥലമൊന്നുമില്ല. എവിടെ വേണമെങ്കിലും കൂട് വെയ്ക്കും. എന്നാല്‍ വീട്ടില്‍ ഇത്തരത്തില്‍ പ്രാവിന്റെ കൂടുണ്ടെങ്കില്‍ അത് ഒഴിവാക്കുന്നതാണ് നല്ലത്. കാരണം ദാരിദ്ര്യം കൊണ്ട് വരാന്‍ പ്രാവിന്റെ കൂട് പലപ്പോഴും കാരണമാകും.

തേനീച്ചക്കൂട്

തേനീച്ചക്കൂട് നിര്‍ഭാഗ്യം എന്നതിലുപരി അപകടകരവുമാണ് എന്നതാണ് സത്യം. ഇത് നിങ്ങളുടെ വീട്ടിലെ സൗഭാഗ്യത്തേയും സമ്പത്തിനേയും ആകര്‍ഷിച്ച് ഇല്ലാതാക്കുന്നു.

ചിലന്തി വല

വീട്ടില്‍ ചിലന്തി വല വെച്ചാല്‍ ഉടന്‍ തന്നെ അത് തട്ടിക്കളയുന്നവരെ നമ്മള്‍ കണ്ടിട്ടില്ലേ, നമ്മുടെ വീട്ടിലെ ഐശ്വര്യത്തിനു മുകളിലാണ് ചിലന്തി വല വെച്ചിരിയ്ക്കുന്നത് എന്നതാണ് ഇത് സൂചിപ്പിക്കുന്നത്.

പൊട്ടിയ കണ്ണാടി

ഇന്നോ ഇന്നലെയോ അല്ല ഈ വിശ്വാസത്തിന് ശകതി കൂടിയത്. പൊട്ടിയ കണ്ണാടി വീട്ടിലുണ്ടെങ്കില്‍ അത് ഐശ്വര്യക്കേടിനും നിര്‍ഭാഗ്യത്തിനും കാരണമാകും എന്നാണ് വിശ്വാസം.

വവ്വാല്‍

വീട്ടിനകത്തേക്ക് വവ്വാല്‍ കടന്നു വരുന്നതും അത്ര നല്ലതല്ല, ഇനി വവ്വാല്‍ കൂടു കെട്ടി താമസമാരംഭിച്ചാല്‍ ഉടന്‍ തന്നെ അതിനെ തുരത്തുന്നതാണ് നല്ലത്.

ഭിത്തിയിലെ വിള്ളല്‍

വിള്ളല്‍ വീണ ഭിത്തിയും ഉടന്‍ തന്നെ ശരിയാക്കുന്നതാണ് നല്ലത്. ഇത് നമ്മുടെ സാമ്പത്തിക അടിത്തറ ഇളകും എന്നതിന്റെ സൂചനയാണ്.

പൈപ്പിന്റെ ലീക്ക്

പലപ്പോഴും പൈപ്പിന്റെ ലീക്ക് നമ്മളത്ര കാര്യമാക്കാറില്ല. എന്നാല്‍ ഇത് ഉടന്‍ തന്നെ മാറ്റുന്നതാണ് നല്ലത്. കാരണം പൈപ്പ് ചോരുന്നതിലൂടെ നമ്മുടെ സമ്പത്തും ഐശ്വര്യവുമാണ ചോരുന്നത് എന്നതാണ് സത്യം.

വീടിന്റെ മേല്‍ക്കൂര

വീടിന്റെ മേല്‍ക്കൂര ഒരിക്കലും ആവശ്യമില്ലാത്ത വസ്തുക്കള്‍ കൊണ്ടു തള്ളാനുള്ള സ്ഥലമായി കണക്കാക്കരുത്. കാരണം ഇതുണ്ടാക്കുന്നത് ഐശ്വര്യക്കേടാണ് എന്നത് തന്നെ കാരണം.

ഉപയോഗമില്ലാത്ത പൂക്കള്‍

ഉപയോഗമില്ലാത്ത പൂക്കളാണ് മറ്റൊന്ന്. പൂജാറൂമിലും മറ്റും ഇരിയ്ക്കുന്ന ഉപയോഗമില്ലാത്ത പൂക്കള്‍ ഉടന്‍ മാറ്റുന്നതാണ് നല്ലത്.

ഉണങ്ങിയ ഇലകള്‍

പലരും വീട്ടിനകത്ത് ചെടി വളര്‍ത്താന്‍ ഇഷ്ടപ്പെടുന്നവരാണ്. അതുകൊണ്ട് തന്നെ ഉപയോഗമില്ലാതെ ഉണങ്ങിയ ഇലകള്‍ ധാരാളം വീട്ടിനകത്ത് ഉണ്ടാവും. ഇതിനെ എടുത്ത് കളയാന്‍ ശ്രമിക്കുക.

ലൂസായ വയറുകള്‍

വീടിന്റെ അകത്ത് പണികഴിഞ്ഞാല്‍ അവിടെയും ഇവിടേയുമായി ലൂസായ വയറുകളും മറ്റും കിടക്കാറുണ്ട്. എന്നാല്‍ അത് നിര്‍ഭാഗ്യമാണ് ഉണ്ടാക്കുന്നത് എന്നതാണ് സത്യം.