Nag Panchami: നാഗദൈവങ്ങളെ എളുപ്പം പ്രസാദിപ്പിക്കാം, ദോഷമകറ്റാം; രാശിപ്രകാരം ആരാധന ഇങ്ങനെ

നാഗപഞ്ചമി ആരാധനയുടെ നേട്ടങ്ങള്‍

ജാതകത്തില്‍ പാമ്പുകളുടെ ശാപം ഉണ്ടെങ്കില്‍ നാഗപഞ്ചമി ദിനത്തിലെ ആരാധനയിലൂടെ അത് എളുപ്പത്തില്‍ ഒഴിവാക്കാം. ജാതകത്തില്‍ കാളസര്‍പ്പ യോഗയുണ്ടെങ്കില്‍, ഈ ദിവസത്തെ പ്രത്യേക പൂജയിലൂടെ അതിന്റെ പ്രത്യാഘാതങ്ങള്‍ കുറയ്ക്കാനും സാധിക്കും. നാഗപഞ്ചമി ദിവസം നടത്തുന്ന ആരാധനയിലൂടെ ഏത് തരത്തിലുള്ള വിഷ ദോഷവും നിങ്ങള്‍ക്ക് നീക്കം ചെയ്യാവുന്നതാണ്. ദോഷ നിവാരണ പൂജ, പിതൃ ദോഷ നിവാരണ പൂജ എന്നിവയും ഈ ദിവസം ചെയ്യുന്നു. ഈ ദിവസം പ്രത്യേക പൂജ നടത്തുന്നതിലൂടെ വിവാഹപ്രശ്‌നവും പരിഹരിക്കാനാകും. രാശിചക്രങ്ങള്‍ അനുസരിച്ച് നാഗപഞ്ചമിയില്‍ എങ്ങനെ ആരാധിക്കണമെന്ന് നോക്കാം.

മേടം, വൃശ്ചികം

മേടം, വൃശ്ചികം എന്നീ രാശിയുടെ അധിപന്‍ ചൊവ്വയാണ്. ഈ രാശിക്കാര്‍ തെക്കോട്ട് അഭിമുഖീകരിച്ച് നാഗദൈവത്തെ ചുവന്ന പൂക്കള്‍ ഉപയോഗിച്ച് ആരാധിച്ചാല്‍ കൂടുതല്‍ പ്രയോജനം ലഭിക്കും. ഇതിനൊപ്പം ഗണേശ സ്‌ത്രോത്രവും സര്‍പ്പസൂക്തവും ജപിക്കുന്നതും നല്ലതാണ്.

ഇടവം, തുലാം

ഇടവത്തിന്റെയും തുലാം രാശിയുടെയും അധിപന്‍ ശുക്രനാണ്. ഈ രാശിക്കാരായ ആളുകള്‍ വടക്ക് ദിശയില്‍ അഭിമുഖീകരിച്ച് വെളുത്ത പൂക്കള്‍, ചന്ദനം എന്നിവ ഉപയോഗിച്ച് ആരാധിക്കുകയാണെങ്കില്‍ അത് നല്ലതായിരിക്കും. ഇതോടൊപ്പം ഇവര്‍ നാഗസ്‌ത്രോത്രവും ഗണേശ ചാലിസയും ജപിക്കുന്നതും ഗുണംചെയ്യും.

മിഥുനം, കന്നി

മിഥുനം, കന്നി രാശിക്കാരുടെ അധിപന്‍ ബുധനാണ്. ഈ രാശിക്കാര്‍ വടക്ക്-കിഴക്ക് ദിശയിലേക്ക് അഭിമുഖീകരിച്ച് ആരാധിക്കുന്നത് നല്ലതാണ്. ആരാധനയ്ക്കായി കൂവള ഇലയും കരിമ്പ് ജ്യൂസും ഉപയോഗിക്കുക. ഗണേശകവചം പാരായണം ചെയ്യുന്നതും നിങ്ങള്‍ക്ക് നല്ലതായിരിക്കും.

കര്‍ക്കിടക രാശി

കര്‍ക്കിടക രാശിക്കാരുടെ അധിപന്‍ ചന്ദ്രനാണ്. ഈ രാശിക്കാരായ ആളുകള്‍ പടിഞ്ഞാറ് ദിശയിലേക്ക് അഭിമുഖമായി ആരാധിക്കുന്നത് നല്ലതാണ്. തൈരും വെളുത്ത പൂക്കളും സമര്‍പ്പിക്കുക. ഗണേശ അഥര്‍വശീര്‍ഷം ചൊല്ലുക.

ചിങ്ങം രാശി

ചിങ്ങം രാശിയുടെ ഗുരു സൂര്യനും ദിശ കിഴക്കുമാണ്. ചുവന്ന പൂക്കളും കുങ്കുപ്പൂവും സമര്‍പ്പിച്ച് നാഗപഞ്ചമിയില്‍ നിങ്ങള്‍ ആരാധന നടത്തുന്നത് നന്നായിരിക്കും. ഐശ്വര്യത്തിനായി ഇവ സമര്‍പ്പിച്ച ശേഷം നാഗസ്തോത്രവും പാരായണം ചെയ്യുക.

ധനു, മീനം

ധനു, മീനം രാശിക്കാരുടെ ഗുരു വ്യാഴമാണ്. നിങ്ങള്‍ കിഴക്ക്-വടക്ക് ദിശയിലേക്ക് അഭിമുഖമായി ആരാധിക്കുന്നത് നല്ലതാണ്. മഞ്ഞള്‍, മഞ്ഞ പൂക്കള്‍ എന്നിവ ഉപയോഗിച്ച് നാഗങ്ങളെ പൂജിക്കുന്നത് നല്ലതാണ്. നല്ലൊരു ജീവിതത്തിനായി ഗണേശ അഷ്ടകവും നാഗ സഹസ്രനാമാവലിയും പാരായണം ചെയ്യുക.

മകരം, കുംഭം

മകരം, കുംഭം രാശിക്കാരുടെ അധിപന്‍ ശനിയാണ്. ഈ രാശിക്കാരായ ആളുകള്‍ പടിഞ്ഞാറ് ദിശയിലേക്ക് അഭിമുഖീകരിച്ച് ആരാധിക്കുന്നത് നല്ലതാണ്. തടസ്സങ്ങളില്ലാത്ത ജീവിതത്തിനും സമൃദ്ധിക്കും വേണ്ടി നീല പൂക്കളും കറുത്ത എള്ളും ആരാധനയ്ക്കായി ഉപയോഗിക്കുക.