Just In
- 8 min ago ചാണക്യനീതി: ദൈവം സൃഷ്ടിച്ചത് വെറുതേയല്ല; പക്ഷികളില് നിന്ന് മനുഷ്യന് പഠിക്കേണ്ട 3 ഗുണങ്ങള്
- 52 min ago സൂര്യന്റെ രാശിമാറ്റം തുണയ്ക്കില്ല, കരുതലോടെ നീങ്ങിയില്ലെങ്കില് ധനനഷ്ടവും മനക്ലേശവും ഫലം
- 2 hrs ago ജോലിയില് പതിവായി പ്രശ്നങ്ങളോ? വിചാരിച്ച പോലെ ഒന്നും നടക്കുന്നില്ലേ? വാസ്തുവിലുണ്ട് പരിഹാരം
- 3 hrs ago കാരണമില്ലെങ്കിലും ഉണ്ടാക്കിയെടുത്ത് വഴക്ക്; ദമ്പതികളുടെ വഴക്കിന് 10 സാധാരണ കാരണങ്ങള്
Don't Miss
- Movies നിങ്ങളുടെ കൂടെ 13 വര്ഷമായെന്ന് സുപ്രിയ! അന്ന് നമ്മളും കുട്ടികളെങ്കില് ഇന്നൊരു കുട്ടിയുടെ മാതാപിതാക്കളായി!
- Automobiles 2024 ജീപ്പ് റാങ്ലർ ഫെയ്സ്ലിഫ്റ്റിൻ്റെ വീഡിയോ റിവ്യൂ കാണാം
- News യുപിയില് തരംഗം സൃഷ്ടിക്കാന് കോണ്ഗ്രസ്; രാഹുലും പ്രിയങ്കയും മല്സരിച്ചേക്കും, അയോധ്യ സന്ദര്ശിക്കുമോ?
- Sports IPL 2024: മുംബൈ ശക്തരായ ടീം, പക്ഷെ ഇത് പേപ്പറില് മാത്രമാണ്! പരിഹസിച്ച് എബിഡി
- Technology ഏത് വിലയിലും കിടിലൻ സ്മാർട്ട്ഫോൺ റെഡി! 11 വിലകളിൽ ഫോണുമായി ഐക്യൂ Z9 സീരീസ് ലോഞ്ച് ചെയ്തു
- Finance 260 ശതമാനം ലാഭം, നിക്ഷേപകരുടെ ഹൃദയം കവർന്ന കെമിക്കൽ ഓഹരി, നിങ്ങളുടെ കയ്യിലുണ്ടോ..?
- Travel മഞ്ഞുപെയ്യും മുന്നേ കാശ്മീരിലേക്ക് ട്രെയിൻ യാത്ര, 12 ദിവസ പാക്കേജ്, ഇതാണ് പറ്റിയ സമയം
സമ്പത്തും ഭാഗ്യവും നിങ്ങളെ വിട്ടുപോകില്ല; കുബേരനെ ഈവിധം ആരാധിക്കണം
ഭൂമിയില് സമൃദ്ധമായ ഒരു ജീവിതം നയിക്കാനുള്ള ഏറ്റവും വലിയ ആവശ്യകതയാണ് സമ്പത്ത്. സമ്പത്തിനു വേണ്ടി പ്രത്യേകമായി ആരാധിക്കപ്പെടുകയും പ്രസാദിക്കുകയും ചെയ്യുന്ന നിരവധി ഹിന്ദു ദേവന്മാരുണ്ട്. അത്തരം ഒരു ദൈവമാണ് കുബേരന്. സ്വര്ണ്ണത്തിന്റെ ദൈവമാണ് കുബേരന്. തന്റെ ഭക്തര്ക്ക് പരിധിയില്ലാത്ത സമ്പത്തും ഭാഗ്യവും നല്കാന് അദ്ദേഹത്തിന് കഴിയുമെന്നാണ് വിശ്വാസം.
Most read: സൂര്യന്റെ സംക്രമണം; ജൂലൈ 16 മുതല് ഈ രാശിക്കാര്ക്ക് നല്ല ദിവസങ്ങള്
ദേവന്മാരുടെ ട്രഷററും യക്ഷരാജാവുമായി അറിയപ്പെടുന്ന കുബേരന് സമ്പത്ത്, സമൃദ്ധി, പ്രശസ്തി എന്നിവയെ പ്രതിനിധീകരിക്കുന്നു. അദ്ദേഹം ഉത്തര ദിക്കിന്റെ സംരക്ഷകനുമാണ്. സമ്പത്തിനായി നിങ്ങള്ക്ക് കുബേരനെ ആരാധിക്കാവുന്നതാണ്. സമ്പത്തിനായി കുബേരനെ പ്രസാദിപ്പിക്കുന്നതിനുള്ള ചില വഴികള് എന്തൊക്കെയെന്ന് ഈ ലേഖനത്തില് നിങ്ങള്ക്ക് വായിച്ചറിയാം.
കുബേരന്റെ ഇതിഹാസ കഥ
ഹിന്ദു ഐതിഹ്യങ്ങള് അനുസരിച്ച്, കുബേരന് രാവണന്റെ അര്ദ്ധസഹോദരനും ലങ്കയിലെ ശരിയായ രാജാവുമായിരുന്നു. ലങ്കാനഗരം മുഴുവന് സ്വര്ണ്ണം കൊണ്ട് പണിതത് കുബേരനായിരുന്നു. രാവണന് ബ്രഹ്മാവിനെ പ്രീതിപ്പെടുത്തി ശക്തനായശേഷം കുബേരനെ ലങ്കയില് നിന്ന് പുറത്താക്കുകയായിരുന്നു. സ്വന്തം നഗരത്തില് നിന്ന് പുറത്താക്കപ്പെട്ട കുബേരന് തനിക്കുള്ളതെല്ലാം ഉപേക്ഷിച്ച് കൈലാസത്തിന് സമീപം താമസമാക്കി. അദ്ദേഹം ശിവനെ ആരാധിക്കാന് തുടങ്ങി. കുബേരനില് പ്രസാദിച്ച ശിവന് അദ്ദേഹത്തെ ഭൂമിയിലെ മുഴുവന് സ്വര്ണ്ണത്തിന്റെയും സംരക്ഷകനാക്കി മാറ്റി.
കുബേരനെ എങ്ങനെ ആരാധിക്കാം
കുബേരനെ പ്രീതിപ്പെടുത്താന് ആരാധിക്കേണ്ട ഏറ്റവും പവിത്രമായ യന്ത്രമാണ് കുബേര യന്ത്രം. എന്നിരുന്നാലും, ഈ പൂജയില് പാലിക്കേണ്ട ശരിയായ വിധിയുണ്ട്. കുബേര യന്ത്രം എടുത്ത് ഒരു മരപ്പലകയുടെ മുകളില് വൃത്തിയുള്ള ചുവന്ന നിറമുള്ള തുണിയില് വയ്ക്കുക. ഇത് ചൊവ്വാഴ്ചയോ വെള്ളിയാഴ്ചയോ ചെയ്യണം. കുബേര യന്ത്രത്തിന് മുന്നില് ചന്ദനത്തിരി കത്തിച്ച് കുറച്ച് താമര ദളങ്ങള് സമര്പ്പിക്കുക. നിങ്ങളുടെ പൂജാമുറിയിലെ ലക്ഷ്മി വിഗ്രഹത്തിന് സമീപം കുബേര യന്ത്രം സൂക്ഷിക്കാന് എപ്പോഴും ഓര്ക്കുക. ലക്ഷ്മീദേവിയേയും കുബേരനേയും ഒരുമിച്ച് ആരാധിക്കണം. പൂജാമുറിയില് കുബേരയന്ത്രത്തോട് ചേര്ന്ന് ഗംഗാജലവും ഒരു മാമ്പഴത്തിന്റെ ഇലയും ചേര്ത്ത് ഒരു ചെമ്പ് കലശം എപ്പോഴും സൂക്ഷിക്കുക. ശ്രീ ലക്ഷ്മീകുബേര പൂജ എന്നറിയപ്പെടുന്ന ഒരു പ്രത്യേക പൂജ അമാവാസിയില് നിങ്ങള്ക്ക് നടത്താം. ഓം ഹ്രീം ശ്രീം ഹ്രീം കുബേരായ നമഃ എന്ന കുബേര മന്ത്രം പൂജയ്ക്കിടെ 108 തവണ ചൊല്ലുക.
Most read:ശനിയുടെ വക്രഗതി സഞ്ചാരം; 12 രാശിക്കും ഈ സമയം ദോഷപരിഹാരത്തിന് ചെയ്യേണ്ടത്
കുബേര മന്ത്രം
''ഓം യക്ഷായ കുബേരായ വൈശ്രവണായ ധനധാന്യാധിപതയേ
ധനധാന്യസമൃദ്ധിം മേ ദേഹി ദാപയ സ്വാഹാ''
ലാല്കിതാബ് പരിഹാരം
സമ്പത്തിനും സ്വര്ണ്ണത്തിനും വേണ്ടി കുബേരനെ പ്രസാദിപ്പിക്കുന്നതിന് ലാല് കിതാബില് ചില പരിഹാരങ്ങള് പറയുന്നുണ്ട്. കുബേര യന്ത്രത്തിനു മുന്നില് നിന്ന് ധ്യാനിക്കുക എന്നതാണ് ഒരു വഴി. വടക്കുകിഴക്കാണ് കുബേരന്റെ ദിശ. അതിനാല്, പൂജാമുറിയുടെ വടക്ക് ഭിത്തിയിലും കിഴക്ക് ഭിത്തിയിലും നിങ്ങള്ക്ക് ഒരു കുബേര യന്ത്രം തൂക്കിയിടാം. ഒരു ചന്ദനത്തിരി എടുത്ത് കുബേര യന്ത്രത്തിന് മുന്നില് കത്തിക്കുക. ഇനി നേരെ ഇരുന്ന് യന്ത്രത്തെ അഭിമുഖീകരിക്കുക. യന്ത്രത്തില് പൂര്ണ്ണമായി ശ്രദ്ധ കേന്ദ്രീകരിച്ചുകൊണ്ട് കുബേര മന്ത്രം ജപിക്കാന് തുടങ്ങുക. നിങ്ങളുടെ ആഗ്രഹമല്ലാതെ ധ്യാനിക്കുമ്പോള് മറ്റൊരു ചിന്തയും നിങ്ങളുടെ മനസില് പാടില്ല. കുറഞ്ഞത് 21 തവണയെങ്കിലും മന്ത്രം ജപിക്കുക.
Most read:ജൂലൈ 13 മുതല് ലക്ഷ്മീ നാരായണ യോഗം; ഈ 5 രാശിക്കാര്ക്ക് ഭാഗ്യകാലം
കുബേരനെ ആരാധിക്കുന്നതിനുള്ള നടപടികള്
പ്രത്യേക ഉത്സവങ്ങളില് സാധാരണയായി ലക്ഷ്മി ദേവിയോടൊപ്പം കുബേരനെയും ആരാധിക്കുന്നു. സാധാരണയായി ജോലി സ്ഥലങ്ങളിലും ഭക്തരുടെ വീടുകളിലുമാണ് പൂജ നടത്തുന്നത്. ആരാധനാ ദിവസം നേരത്തെ എഴുന്നേല്ക്കുക. കുളിച്ച് പുതിയ വസ്ത്രം ധരിക്കുക. ലക്ഷ്മി ദേവിയുടെയും കുബേരന്റെയും വിഗ്രഹമോ ചിത്രമോ ഒരു പീഠത്തില് സ്ഥാപിക്കുക. കെകള് കൂപ്പി കുബേര മന്ത്രം ചൊല്ലി പ്രാര്ത്ഥിക്കുക. നൈവേദ്യം പ്രസാദമായി സമര്പ്പിക്കുക. വൈകുന്നേരം നെയ് വിളക്ക് കത്തിക്കുക. സിന്ദൂരം വെള്ളത്തില് ചാലിച്ച് ബിസിനസ്സ് അക്കൗണ്ട് ബുക്കിലും പണം സൂക്ഷിക്കുന്ന സ്ഥലത്തും ഒരു സ്വസ്തിക ചിഹ്നം വരയ്ക്കുക. ചന്ദനം, പൂക്കള്, നൈവേദ്യം എന്നിവ അര്പ്പിക്കുക. കുബേര മന്ത്രം ജപിച്ച് പൂജ അവസാനിച്ച ശേഷം ആരതി നടത്തുക.