ലക്ഷ്മണന്റെ മരണത്തിനു കാരണം രാമനോ?

ലവകുശന്‍മാരുടെ തിരിച്ചു വരവ്

സീതാദേവിയുടെ വിയോഗത്തോടെയാണ് രാമന് തന്റെ പുത്രന്‍മാരായ ലവകുശന്‍മാരെ തിരിച്ചു കിട്ടിയത്. ഇതോടെ തന്റെ അവതാരോദ്ദേശം പൂര്‍ത്തിയാക്കാന് സമയമായെന്ന് ശ്രീരാമന്‍ തീരുമാനിച്ചു.

രാമായണത്തിലെ കാലന്‍

രാമായണത്തില്‍ നിരവധി സ്ഥലങ്ങളില്‍ കാലനെ പറ്റി പറയുന്നുണ്ട്. ആകാംഷയുണര്‍ത്തുന്ന അവിചാരിതമയാ സന്ദര്‍ഭങ്ങളിലാണ് കാലന്റെ കടന്നു വരവെന്നതും പ്രത്യേകതയാണ്.

മഹര്‍ഷി കുമാരനായി കാലന്‍

രാമായണത്തില്‍ ശ്രീരാമന്റെ ഇഹലോകവാസത്തിന് പരിസമാപ്തി കുറിയ്ക്കാനാണ് കാലന്‍ എത്തുന്നത്. മുനി കുമാരനായി വേഷം മാറി കാലന്‍ അയോദ്ധ്യയിലെത്തി.

കാലന്റെ നിബന്ധന

ശ്രീരാമ ദേവനുമായി പല കാര്യങ്ങളും സംസാരിക്കാനുണ്ടെന്നും അതുകൊണ്ട് തന്നെ ആരും ആ സമയം തങ്ങളിരുവരേയും ശല്യം ചെയ്യരുതെന്നും അദ്ദേഹം നിബന്ധന വെച്ചും. ഇതനുസരിച്ച് ലക്ഷ്മണനെ ശ്രീരാമന്‍ കാവലിനായി വാതിലിനു പുറത്ത് നിര്‍ത്തുകയും ചെയ്തു. മാത്രമല്ല ആര് ആ സമയം തങ്ങളെ ശല്യം ചെയ്യുന്നുവോ അവരെ കൊന്നു കളയാനും ആജ്ഞ നല്‍കി.

ദുര്‍വ്വാസാവിന്റെ വരവ്

ഈ സമയമാണ് മഹര്‍ഷി ദുര്‍വ്വാസാവ് ശ്രീരാമനെ കാണാനായി അയോദ്ധ്യയിലെത്തുന്നത്. എന്നാല്‍ വാതില്‍ക്കല്‍ ലക്ഷ്മണന്‍ ഇദ്ദേഹത്തെ തടഞ്ഞു. എന്നാല്‍ ദുര്‍വ്വാസാവിന്റെ ശാപം സഹിക്കാന്‍ ത്രാണിയില്ലാത്തതിനാല്‍ രാമനോട് ചോദിക്കാനായി ലക്ഷ്മണന്‍ രാമനടുത്തേക്ക് ചെന്നു

ചെന്നത് മറ്റൊരു ദുരന്തത്തിലേക്ക്

നിബന്ധന ലംഘിച്ച് കടന്നു ചെന്ന ലക്ഷ്മണന് രാമന്‍ കാലന്റെ നിര്‍ദ്ദേശപ്രകാരം മരണ ശിക്ഷ വിധിയ്ക്കുകയും ചെയ്തു. തുടര്‍ന്ന് ലക്ഷ്മണന്‍ സരയൂ നദിയില്‍ ചാടി മരിച്ചു. രാമനും അതേ കയത്തില്‍ തന്നെ ചാടി ആത്മാഹൂതി ചെയ്തു.