Click it and Unblock the Notifications
Latest Updates
-
ബുധാദിത്യ യോഗം 2026: കരിയറിലും ഇന്റർവ്യൂകളിലും തിളങ്ങാൻ ഈ കാര്യങ്ങൾ ശ്രദ്ധിക്കൂ -
സർവ്വാർത്ഥ സിദ്ധി യോഗം 2026: ഈ സമയത്ത് എന്ത് ചെയ്യണം? അബദ്ധങ്ങൾ ഒഴിവാക്കാൻ ശ്രദ്ധിക്കേണ്ട കാര്യങ്ങൾ -
ദീപാവലി മുഹൂർത്ത് ട്രേഡിംഗ്: നഷ്ടം ഒഴിവാക്കാൻ നിക്ഷേപകർ അറിയേണ്ട പ്രധാന കാര്യങ്ങൾ -
ദീപാവലിക്ക് വീട് വൃത്തിയാക്കുമ്പോൾ ഈ തെറ്റുകൾ വരുത്തരുത്; വാസ്തു പ്രകാരം ഐശ്വര്യം വരാൻ ചെയ്യേണ്ടത് ഇതാണ് -
ധൻതേരാസ് 2026: സ്വർണ്ണം വാങ്ങുമ്പോൾ ഈ കാര്യങ്ങൾ മറക്കരുത്, ശുഭമുഹൂർത്തം ഇങ്ങനെ കണ്ടെത്താം -
ബുധമാന്ദ്യം: ദീപാവലി ഷോപ്പിംഗിലും പണമിടപാടുകളിലും ഈ കരുതൽ നടപടികൾ മറക്കരുത് -
നവംബർ 7: ചന്ദ്രൻ തുലാം രാശിയിലേക്ക്; ധൻതേരസ് ഷോപ്പിംഗിന് ഈ സമയം ഏറ്റവും ഉചിതം -
ശുക്രൻ കന്നി രാശിയിൽ വക്രഗതിയിൽ: 12 രാശിക്കാർക്കും നിർണ്ണായക സമയം, ധൻതേരസ് ഷോപ്പിംഗിൽ ഈ തെറ്റുകൾ വരുത്തരുത്! -
കാർത്തിക അമാവാസി 2026: ലക്ഷ്മി പൂജ സമയം കൃത്യമായി അറിയാൻ ഈ വഴികൾ പരീക്ഷിക്കൂ -
നവംബർ 6: ഈ 5 രാശിക്കാർക്ക് ഇന്ന് ഭാഗ്യദിനം, സാമ്പത്തിക നേട്ടവും കരിയർ ഉയർച്ചയും ഉറപ്പ്!
Hanuman Jayanti 2022 : ആഞ്ജനേയന്റെ അനുഗ്രഹം നേടാന്‍ ഹനുമാന് ജയന്തി ആരാധന
ശ്രീരാമചന്ദ്രന്റെ പരമഭക്തനായ ഹനുമാന്റെ ജന്മദിനം ഹനുമാന് ജയന്തിയായി ആഘോഷിക്കുന്നു. ഒരു ഹിന്ദു ഉത്സവമാണ് ഹനുമാന് ജയന്തി. ഒരു ഹിന്ദു വര്‍ഷത്തില്‍ ഹനുമാന് ജയന്തി രണ്ടു തവണ ആചരിക്കുന്നു. ഒരിക്കല്‍ ചൈത്രത്തില്‍ ആചരിച്ചാല്‍ മറ്റൊന്ന് കാര്‍ത്തിക മാസത്തിലാണ്. ഈ വര്‍ഷം ചൈത്ര മാസത്തില്‍ വരുന്ന ഹനുമാന് ജയന്തി 2022 ഏപ്രില്‍ 16 ന് ആചരിക്കും. സങ്കട മോചനന്‍ ഹനുമാന്റെ ജന്മദിനം ഹിന്ദുമത വിശ്വാസികള്‍ രാജ്യമെമ്പാടും ആഘോഷിക്കുന്നു. ബജ്റംഗ്ബലിയെ പ്രീതിപ്പെടുത്താന്‍ പലരും ഉപവാസം അനുഷ്ഠിക്കാറുണ്ട്.
അശ്വത്ഥാമാവ്, ബാലി, വേദവ്യാസന്‍, ഹനുമാന്, വിഭീഷണന്‍, കൃപാചാര്യന്‍, പരശുരാമന്‍ എന്നിവരാണ് പുരാണ ഗ്രന്ഥങ്ങളില്‍ പരാമര്‍ശിച്ചിരിക്കുന്ന ഏഴ് ചിരഞ്ജീവികള്‍. ഇവര്‍ ഇപ്പോഴും ഭൂമിയില്‍ നമുക്കിടയില്‍ ഉണ്ടെന്ന് വിശ്വസിക്കപ്പെടുന്നു. അതേ സമയം, കലിയുഗത്തില്‍ ഈ ഏഴ് ചിരഞ്ജീവികളില്‍ ഏറ്റവും കൂടുതല്‍ ആരാധിക്കപ്പെടുന്നത് ഹനുമാനെയാണ്. ഹനുമാന്റെ നാമം ജപിച്ചാല്‍ തന്നെ പ്രശ്നങ്ങള്‍ ഒഴിവാകുമെന്ന് വിശ്വസിക്കപ്പെടുന്നു. ഹനുമാന് ആരാധന സംബന്ധിച്ച് ചില പ്രത്യേക നിയമങ്ങള്‍ പറഞ്ഞിട്ടുണ്ട്, ആ നിയമങ്ങള്‍ അനുസരിച്ച് നിങ്ങള്‍ പവന പുത്രനായ ഹനുമാനെ ആരാധിച്ചാല്‍, ഹനുമാന് സ്വാമിയുടെ കൃപ എപ്പോഴും നിങ്ങളുടെമേല്‍ നിലനില്‍ക്കും. ഹനുമാന് ജയന്തിയുടെ പ്രാധാന്യവും ചടങ്ങുകളും എന്തൊക്കെയെന്ന് ഈ ലേഖനത്തില്‍ നിങ്ങള്‍ക്ക് വായിച്ചറിയാം.
ഹനുമാന് ജയന്തി 2022: തീയതിയും മുഹൂര്‍ത്തവും
എല്ലാ വര്‍ഷവും ചൈത്രപൂര്‍ണിമ തിഥിയില്‍ ഹനുമാന് ജയന്തി ആഘോഷിക്കുന്നു. ഈ വര്‍ഷം, ഹനുമാന് ജയന്തി 2022 ഏപ്രില്‍ 16 ശനിയാഴ്ച ആഘോഷിക്കും. പൂര്‍ണിമ തിഥി 2022 ഏപ്രില്‍ 15 ന് 02:25 ന് ആരംഭിക്കും. ഏപ്രില്‍ 16 ന് 00:24 ന് പൂര്‍ണിമ തിഥി അവസാനിക്കും.
ഹനുമാന് ജയന്തി : പൂജാ ചടങ്ങുകള്‍
അതിരാവിലെ കുളിച്ചതിന് ശേഷം, നിങ്ങളുടെ വീടിന്റെ വടക്ക്-കിഴക്ക് ദിശയിലോ നിങ്ങളുടെ വീട്ടിലെ പൂജാമുറിയിലോ ഒരു മരംകൊണ്ടുള്ള പീഢം സ്ഥാപിക്കുക. ഇതില്‍ ഒരു ചുവന്ന തുണി ഇടുക. ശ്രീരാമന്റെയും ഹനുമാന്റെയും ചിത്രവും അല്ലെങ്കില്‍ വിഗ്രഹവും സ്ഥാപിക്കുക. ശ്രീരാമന് മഞ്ഞപ്പൂക്കളും ഹനുമാന് ചുവന്ന പൂക്കളും സമര്‍പ്പിക്കുക. ഇതിനുശേഷം, നെയ്യിലും ശര്‍ക്കരയിലും തയ്യാറാക്കിയ പ്രസാദം സമര്‍പ്പിക്കുക. ശ്രീരാമനുവേണ്ടി 'രാം രാമായ നമ' എന്നും ഹനുമാന് വേണ്ടി 'ഓം ഹ്രീം ഹനുമതേ നമ' എന്നും ജപിക്കുക. മുല്ലപ്പൂവും എണ്ണയും ഹനുമാന് സമര്‍പ്പിക്കുക. ഹനുമാന്റെയും രാമന്റെയും ആരതി നടത്തുക. ഇതിനുശേഷം പ്രസാദം വിതരണം ചെയ്യുക.
ഹനുമാന് ജയന്തി: ചരിത്രവും പ്രാധാന്യവും
ഹനുമാന്റെ മുഖം ഒരു വാനരന്റെ മുഖത്തോട് സാമ്യമുള്ളതിനാല്‍ ഹനുമാന് വാനര ദേവനായി കണക്കാക്കപ്പെടുന്നു. ഭഗവാന്‍ ഹനുമാനെ പ്രീതിപ്പെടുത്തുന്നതിനായി നിങ്ങള്‍ക്ക് ശ്രീരാമനെയും ആരാധിക്കാം. ഉത്തരേന്ത്യന്‍ സംസ്ഥാനങ്ങളില്‍ ആചരിക്കുന്ന പ്രശസ്തമായ ഉത്സവങ്ങളിലൊന്നാണ് ഹനുമാന് ജയന്തി. ഈ ദിവസം ആളുകള്‍ ഹനുമാന്റെയും രാമന്റെയും ക്ഷേത്രങ്ങള്‍ അലങ്കരിക്കുകയും ആചാരങ്ങളോടെ പൂജ നടത്തുകയും ചെയ്യുന്നു. ഈ ദിവസം വളരെ ശുഭകരമാണെന്ന് വിശ്വസിക്കപ്പെടുന്നു, അതിനാല്‍ ഈ ദിവസം പ്രധാനപ്പെട്ട ജോലികള്‍ ആരംഭിക്കുന്നു. ഈ ദിവസം ഹനുമാനെ ആരാധിക്കുന്നത് ഒരാളുടെ ആഗ്രഹങ്ങളും നിറവേറ്റുമെന്ന് വിശ്വസിക്കപ്പെടുന്നു. പൂര്‍ണ്ണമായ ഭക്തിയോടും ശുദ്ധമായ ഉദ്ദേശ്യത്തോടും കൂടി ആരാധിക്കുന്നവരെ ഭഗവാന്‍ ഹനുമാന് അനുഗ്രഹിക്കുന്നു.
ഹനുമാന് ആരാധന
ഹനുമാന് ജയന്തി ദിനത്തില്‍ ഭക്തര്‍ക്ക് ധ്യാനത്തിലൂടെ ഹനുമാനെ ആരാധിക്കാം. കണ്ണുകളടച്ച് ഹനുമാനെയും അദ്ദേഹത്തിന്റെ ഗുണങ്ങളെയും കുറിച്ച് കൂടുതല്‍ ഓര്‍മ്മിക്കുക. നിങ്ങള്‍ക്ക് രാമായണം പോലുള്ളവ വായിക്കുകയോ ഹനുമാന്റെ ജീവിതകഥ കേള്‍ക്കുകയോ ചെയ്യാം.
Continue with Google
