കാത്തിരുന്ന കാലമെത്തി; വ്യാഴത്തിന്റെ ഉദയം ജീവിതത്തെ മാറ്റും, ഭാഗ്യവും സമ്പത്തും ഉയരും

സൗരയൂഥത്തിലെ ഏറ്റവും വലിയ ഗ്രഹമായാണ് വ്യാഴത്തെ കണക്കാക്കുന്നത്. ജ്യോതിഷപ്രകാരം, ദേവഗുരു വ്യാഴത്തിന്റെ രാശിമാറ്റം എല്ലാ രാശിചിഹ്നങ്ങളിലും നല്ലതോ ചീത്തയോ ഫലമുണ്ടാക്കുന്നു. ജാതകത്തില്‍ വ്യാഴം ബലവാനായാല്‍ അത് പ്രണയം, കുടുംബം, സമൂഹം, തൊഴില്‍ മേഖലകളില്‍ സ്വാധീനം നല്‍കും. ഏപ്രില്‍ 22ന് രാവിലെ 05:14 ന് വ്യാഴം മേടരാശിയില്‍ പ്രവേശിച്ചു കഴിഞ്ഞു. 2024 മെയ് 1 വരെ വ്യാഴം ഈ രാശിയില്‍ തുടരും.

അതിനിടയില്‍, 2023 ഏപ്രില്‍ 27ന് വ്യാഴം മേടം രാശിയില്‍ ഉദയം ചെയ്യും. ചൊവ്വയുടെ രാശിയായ മേടത്തില്‍ വ്യാഴം ഉദിക്കുന്നത് പല രാശിക്കാര്‍ക്കും ഗുണം ചെയ്യും. വ്യാഴം മേടത്തില്‍ ഉദിക്കുന്നതോടെ 12 രാശിക്കാരുടെയും ജീവിതത്തില്‍ കൈവരുന്ന ഫലങ്ങള്‍ എ്‌ന്തൊക്കെ എന്നറിയാന്‍ ലേഖനം വായിക്കൂ.

മേടം
മേടം രാശിയുടെ ആദ്യ ഭാവത്തില്‍ വ്യാഴം ഉദിക്കും. എല്ലാ ജോലികളിലും നിങ്ങള്‍ക്ക് ഭാഗ്യത്തിന്റെ പൂര്‍ണ്ണ പിന്തുണ ലഭിക്കും. ചെറുതോ വലുതോ ആയ യാത്രകള്‍ നടത്തേണ്ടി വന്നേക്കാം. കുടുംബത്തില്‍ ചില മംഗളകരമായ ചടങ്ങുകള്‍ സംഘടിപ്പിക്കാനാകും. എവിടെനിന്നെങ്കിലും നല്ല വാര്‍ത്തകള്‍ ലഭിക്കും. വിവാഹിതരുടെ ജീവിതത്തില്‍ സന്തോഷമുണ്ടാകും.

ഇടവം
ഇടവം രാശിക്കാര്‍ക്ക് ദേവഗുരു പന്ത്രണ്ടാം ഭാവത്തില്‍ ഉദിക്കാന്‍ പോകുന്നു. ഈ വീട്ടില്‍ നിന്നാണ് ചെലവ് കണക്കാക്കുന്നത്. ഇവിടെ രാഹു, സൂര്യന്‍, ബുധന്‍ എന്നിവരുടെ സാന്നിദ്ധ്യം കാരണം നിങ്ങളുടെ ചെലവുകളില്‍ ഇതിനകം വര്‍ദ്ധനവ് ഉണ്ടാകും. ഈ സമയത്ത് നിങ്ങള്‍ സാമ്പത്തിക കാര്യങ്ങളില്‍ സമര്‍ത്ഥമായി തീരുമാനങ്ങള്‍ എടുക്കേണ്ടിവരും. നിങ്ങളുടെ ആരോഗ്യം പൂര്‍ണമായി ശ്രദ്ധിക്കേണ്ടതുണ്ട്. പ്രത്യേകിച്ച് പ്രമേഹമുള്ളവര്‍ അല്ലെങ്കില്‍ കരള്‍ സംബന്ധമായ പ്രശ്‌നങ്ങള്‍ ഉള്ളവര്‍ ശ്രദ്ധിക്കണം.

മിഥുനം
മിഥുന രാശിക്കാര്‍ക്ക് വ്യാഴത്തിന്റെ ഉദയത്തില്‍ നിന്ന് സാമ്പത്തിക നേട്ടങ്ങള്‍ ലഭിക്കും. ജോലി ചെയ്യുന്നവര്‍ക്ക് പുതിയ അവസരങ്ങള്‍ ലഭിക്കും. ജോലിയില്‍ പ്രമോഷനുള്ള ശക്തമായ സാധ്യതകളുണ്ട്. മൊത്തത്തില്‍ ഒരു സുഖകരമായ സമയമായിരിക്കും ഇത്. ഈ കാലയളവില്‍ സമ്പത്ത് സമ്പാദിക്കുന്നതില്‍ നിങ്ങള്‍ വിജയിക്കും.

കര്‍ക്കടകം
വ്യാഴം മേടരാശിയില്‍ ഉദിക്കുന്നതോടെ കര്‍ക്കടക രാശിക്കാര്‍ക്ക് പുരോഗതിയുടെ പാത തുറക്കും. ജോലിസ്ഥലത്ത് ഉയര്‍ന്ന സ്ഥാനം ലഭിക്കും. കുടുംബ ബന്ധങ്ങള്‍ മെച്ചപ്പെടും. ബഹുമാനം വര്‍ദ്ധിക്കും. ബിസിനസ്സുമായി ബന്ധപ്പെട്ടിരിക്കുന്നവര്‍ക്ക് നേട്ടമുണ്ടാകും. സാമ്പത്തിക സ്ഥിതി മെച്ചപ്പെടും. എന്നിരുന്നാലും, നിങ്ങളുടെ ചെലവുകളും നിങ്ങള്‍ നിയന്ത്രിക്കേണ്ടതുണ്ട്.

ചിങ്ങം
ചിങ്ങം രാശിയുടെ ഭാഗ്യസ്ഥാനത്ത് വ്യാഴം ഉദിക്കും, അതുവഴി നിങ്ങളുടെ ഭാഗ്യം ഉയരും. വ്യാഴത്തിന്റെ സ്വാധീനത്താല്‍ നിങ്ങള്‍ക്ക് ഗുരുവിന്റെയും പിതാവിന്റെയും സഹകരണം ലഭിക്കുകയും സമൂഹത്തില്‍ നിങ്ങളുടെ അന്തസ്സ് വര്‍ദ്ധിക്കുകയും ചെയ്യും. നിക്ഷേപത്തിനും സമയം അനുകൂലമാണ്. സാമ്പത്തിക സ്ഥിതിയും ശക്തമായി തുടരും.

കന്നി
കന്നി രാശിക്കാര്‍ക്ക് വ്യാഴം എട്ടാം ഭാവത്തില്‍ ഉദിക്കാന്‍ പോകുന്നു. ഇവിടെ നിന്നാണ് ആകസ്മിക സംഭവങ്ങള്‍ പരിഗണിക്കുന്നത്. ഈ വീട്ടില്‍ വ്യാഴം രാഹുവുമായി ഒരു സഖ്യം രൂപപ്പെടുന്നു. കുടുംബത്തില്‍ അഭിപ്രായവ്യത്യാസങ്ങള്‍ കാണും. നിങ്ങളുടെ സംസാരം നിയന്ത്രിക്കുക. ജോലിസ്ഥലത്ത് ഏതെങ്കിലും തരത്തിലുള്ള തര്‍ക്കങ്ങള്‍ ഒഴിവാക്കുക.

തുലാം
തുലാം രാശിക്കാര്‍ക്ക് വ്യാഴത്തിന്റെ സംക്രമണം ശുഭകരമായിരിക്കും. ഈ സമയത്ത്, മനസ്സ് ആത്മീയ പ്രവര്‍ത്തനങ്ങളില്‍ മുഴുകുകയും കുടുംബജീവിതത്തില്‍ പൂര്‍ണത നിലനിര്‍ത്തുകയും ചെയ്യും. സന്താന പുരോഗതിയില്‍ മനസ്സ് സന്തോഷിക്കും. ഗാര്‍ഹിക പ്രശ്‌നങ്ങള്‍ സാവധാനം അവസാനിക്കും. ഈ കാലയളവില്‍ വിദേശയാത്രയ്ക്ക് അവസരമുണ്ട്. മരുമക്കളുമായുള്ള ബന്ധവും ദൃഢമാകും. ഇക്കാലയളവില്‍ തുലാം രാശിക്കാര്‍ക്ക് വസ്തുവോ വാഹനമോ വാങ്ങാനാകും. കിട്ടാതെ കിടന്നിരുന്ന പണം ലഭിക്കുന്നതിലൂടെ മനസ്സ് സന്തോഷിക്കും. ഇണയുമായുള്ള ബന്ധം മെച്ചപ്പെടും. സാമ്പത്തിക സ്ഥിതിയും മെച്ചപ്പെടും.

വൃശ്ചികം
വൃശ്ചികം രാശിക്കാര്‍ക്ക് ദേവഗുരു, ശത്രുഭവനം എന്നറിയപ്പെടുന്ന ആറാം ഭാവത്തില്‍ ഉദിക്കാന്‍ പോകുന്നു. അത്തരമൊരു സാഹചര്യത്തില്‍, ഈ സമയത്ത് നിങ്ങളുടെ ശത്രുക്കളില്‍ നിന്ന് പ്രശ്‌നങ്ങള്‍ നേരിടേണ്ടി വന്നേക്കാം. നിങ്ങള്‍ ജോലി മാറ്റുന്നതിനെക്കുറിച്ച് ചിന്തിക്കുകയാണെങ്കില്‍, ഈ സമയം ക്ഷമയോടെയിരിക്കുക. ഉദര സംബന്ധമായ അസുഖങ്ങള്‍ ശ്രദ്ധിക്കുക. ഈ സമയത്ത്, നിങ്ങളുടെ വ്യക്തിപരമായ കാര്യങ്ങള്‍ ആരുമായും പങ്കിടരുത്.

ധനു
വ്യാഴം ധനുരാശിയുടെ അഞ്ചാം ഭാവത്തില്‍ ഉദിക്കും. ഇതിനെ സന്തതിയുടെയും സ്‌നേഹത്തിന്റെയും ഭാവം എന്ന് വിളിക്കുന്നു. വിദ്യാര്‍ത്ഥികള്‍ പഠനത്തില്‍ വിജയിക്കുകയും നല്ല മാര്‍ക്ക് നേടുകയും ചെയ്യും. ബിസിനസ്സില്‍ ലാഭത്തിനും ജോലിയില്‍ നേട്ടങ്ങള്‍ക്കും ശക്തമായ സാധ്യതയുണ്ട്. നിക്ഷേപത്തിനും യാത്രയ്ക്കും പ്രധാനപ്പെട്ട ജോലികള്‍ക്കും സമയം അനുകൂലമാണ്.

മകരം
കരിയറിനെ സംബന്ധിച്ചിടത്തോളം, മേടം രാശിയിലെ വ്യാഴത്തിന്റെ ഉദയം അത്ര സുഗമമല്ല. ജോലി സമ്മര്‍ദ്ദം, ജോലി സംതൃപ്തിയുടെ അഭാവം, ജോലിയില്‍ പ്രശസ്തി നഷ്ടപ്പെടല്‍ തുടങ്ങിയ പ്രശ്‌നങ്ങള്‍ നേരിടേണ്ടി വന്നേക്കാം. ബിസിനസ്സ് നടത്തുന്നവര്‍ക്ക് ഈ കാലയളവില്‍ ലാഭം കുറവായിരിക്കാം. കൂടാതെ, ബിസിനസ്സില്‍ നഷ്ടത്തിനും സാധ്യതയുണ്ട്. പണം സമ്പാദിക്കും, എങ്കിലും അത് സൂക്ഷിക്കാന്‍ കഴിഞ്ഞേക്കില്ല. ജീവിത പങ്കാളിയോടുള്ള സംതൃപ്തി കുറവായിരിക്കാം. ഈ കാലയളവില്‍ നിങ്ങള്‍ക്ക് സന്ധിവേദന ഉണ്ടാകാന്‍ സാധ്യതയുണ്ട്.

കുംഭം
കുംഭം രാശിക്കാര്‍ക്ക് വ്യാഴത്തിന്റെ ഉദയം ഗുണം ചെയ്യും. എന്നിരുന്നാലും, ശനിയുടെ അര്‍ദ്ധരാശി നിങ്ങളുടെ രാശിയില്‍ നടക്കുന്നു. അപ്പോഴും വ്യാഴത്തിന്റെ ഉദയത്തോടെ ശനിയുടെ കഷ്ടതകളില്‍ നിന്ന് മോചനം ലഭിക്കും. പുതിയ തൊഴിലവസരങ്ങള്‍ കൈവരും. പുതിയ വരുമാന സ്രോതസ്സുകള്‍ സൃഷ്ടിക്കപ്പെടും.

മീനം
മീനം രാശിക്കാര്‍ക്ക് വ്യാഴത്തിന്റെ ഉദയം നല്ല ദിവസങ്ങള്‍ സമ്മാനിക്കും. നിങ്ങളുടെ തീരുമാനമെടുക്കാനുള്ള കഴിവ് മെച്ചപ്പെടും. ബിസിനസ്സില്‍ കഷ്ടപ്പാടുകള്‍ക്ക് ശേഷം നിങ്ങള്‍ക്ക് നല്ല വിജയം ലഭിക്കും. ഉദ്യോഗാര്‍ത്ഥികള്‍ക്ക് ഓഫീസിലെ സഹപ്രവര്‍ത്തകരുടെ പിന്തുണ ലഭിക്കും. നിങ്ങളുടെ കരിയറില്‍ നല്ല പുരോഗതി ഉണ്ടാകും, നിങ്ങളുടെ കഴിവുകള്‍ പ്രകടിപ്പിക്കാനുള്ള അവസരം നിങ്ങള്‍ക്ക് ലഭിക്കും. ബന്ധുക്കളുമായി നിലനിന്നിരുന്ന പിണക്കം നീങ്ങും.