ശുഭഗ്രഹം വ്യാഴം, നിഴല്‍ഗ്രഹം രാഹു; ഗ്രഹസംഗമം 4 രാശിക്ക് ജൂലൈയില്‍ ദുരിതം, അശുഭകാര്യങ്ങള്‍ അടിക്കടി

ജൂലൈ മാസം ആരംഭിച്ചുകഴിഞ്ഞു. ജ്യോതിഷപ്രകാരം ഈ മാസത്തില്‍ പല ഗ്രഹങ്ങളും അതിന്റെ രാശിയും സ്ഥാനവും മാറുന്നുണ്ട്. തല്‍ഫലമായി നിരവധി ശുഭമോ അശുഭകരമോ ആയ യോഗങ്ങളും രൂപംകൊള്ളുന്നുണ്ട്. ഈ മാസം മേടം രാശിയില്‍ വ്യാഴവും രാഹുവും കൂടിച്ചേരുന്നതിനാല്‍ ഗുരു ചണ്ഡാലയോഗം രൂപപ്പെടുന്നു. ഈ യോഗം ചിലരുടെ ജീവിതത്തില്‍ പ്രതികൂല ഫലമുണ്ടാക്കും.

ഏതെങ്കിലും രാശിയില്‍ വ്യാഴവും രാഹുവും കൂടിച്ചേരുമ്പോള്‍ അതിന്റെ അശുഭ ഫലം കാണപ്പെടുന്നു. ഇപ്പോള്‍, അവയുടെ സംയോജനം കാരണം, 4 രാശിക്കാര്‍ വളരെയേറെ ശ്രദ്ധിക്കേണ്ടതുണ്ട്. അല്ലാത്തപക്ഷം നിങ്ങള്‍ക്ക് പണനഷ്ടവും പ്രശ്‌നങ്ങളും ഉണ്ടാകാം. വ്യാഴത്തിന്റെയും രാഹുവിന്റെയും സംയോജനത്തില്‍ ഏതൊക്കെ രാശിക്കാര്‍ ഈ മാസം ശ്രദ്ധിക്കണം എന്ന് നമുക്ക് നോക്കാം.

മേടം
മേടം രാശിക്കാര്‍ക്ക് ഗുരു ചണ്ഡാലയോഗം വളരെയേറെ അശുഭകരമായി കണക്കാക്കപ്പെടുന്നു. കാരണം ഈ രാശിയിലാണ് ഈ സഖ്യം സംഭവിക്കുന്നത്. നിങ്ങളുടെ ബുദ്ധിശക്തി മോശമായേക്കാം. നിങ്ങളുടെ തീരുമാനമെടുക്കാനുള്ള കഴിവ്, യുക്തിബോധം എന്നിവയെ ഈ സമയം ഇത് ബാധിക്കും. ധനനഷ്ടവും സംഭവിക്കാം. നിങ്ങളുടെ സംസാരം ശ്രദ്ധിക്കണം. ജോലിസ്ഥലത്ത് ജാഗ്രത വേണം. ജോലിയുള്ള ആളുകള്‍ എപ്പോഴും തിരക്കിലായിരിക്കണം. നിങ്ങളുടെ ആരോഗ്യകാര്യത്തിലും പ്രത്യേകം ശ്രദ്ധിക്കുക. ഈ സമയത്ത് വലിയ തീരുമാനങ്ങള്‍ എടുക്കുന്നത് ഒഴിവാക്കുക. ദിനചര്യയില്‍ ശ്രദ്ധിക്കേണ്ടതുണ്ട്.

ചിങ്ങം
ചിങ്ങം രാശിക്കാരെ സംബന്ധിച്ചിടത്തോളം ജൂലൈ മാസം ജാഗ്രത പുലര്‍ത്തേണ്ട സമയമാണ്. നിങ്ങളുടെ കോപം നിയന്ത്രിക്കേണ്ടതുണ്ട്. സംസാരത്തില്‍ സംയമനം പാലിക്കുക. ശത്രുക്കള്‍ക്ക് നിങ്ങളെ കഷ്ടപ്പെടുത്തും. അനാവശ്യമായി വഴക്കിടുന്നത് ഒഴിവാക്കുക, അല്ലാത്തപക്ഷം നിങ്ങളുടെ ജോലികള്‍ നശിച്ചേക്കാം. സഹോദരങ്ങളുമായുള്ള ബന്ധത്തില്‍ ചില അസ്വസ്ഥതകള്‍ ഉണ്ടാകാം. നിങ്ങളുടെ ആരോഗ്യം ശ്രദ്ധിക്കുക.

വൃശ്ചികം
വൃശ്ചികം രാശിക്കാര്‍ക്ക് ജൂലൈ മാസം ജാഗ്രത വേണം. നിങ്ങള്‍ക്ക് ധനനഷ്ടം ഉണ്ടായേക്കാം. ഈ സമയം നിങ്ങള്‍ക്ക് അനുകൂലമല്ല. ആരോഗ്യം മോശമായേക്കാം. പ്രതീക്ഷിച്ചപോലെ സുഹൃത്തുക്കളുടെ പിന്തുണ ലഭിച്ചേക്കില്ല.

കുംഭം
കുംഭ രാശിക്കാരുടെ ദാമ്പത്യ ജീവിതത്തില്‍ ഈ സമയം പിരിമുറുക്കം ഉണ്ടായേക്കാം. വഴക്കിനും സാധ്യതയുണ്ട്. ഏത് ജോലിയും ആലോചിച്ച് ചെയ്യുക. മറ്റുള്ളവരുടെ കാര്യങ്ങളില്‍ അധികം ഇടപെടരുത്. ചെലവുകള്‍ നിയന്ത്രിക്കുക. പ്രധാനപ്പെട്ട തീരുമാനങ്ങള്‍ എടുക്കുന്നത് ഒഴിവാക്കുക. ആരോഗ്യം ശ്രദ്ധിക്കുക. യോഗയും പ്രാണായാമവും ചെയ്യുക. വരുമാനത്തിന്റെ കാര്യത്തില്‍ ഈ മാസം ശ്രദ്ധിക്കണം. നിങ്ങള്‍ക്ക് ധനനഷ്ടം ഉണ്ടായേക്കാം.

ജ്യോതിഷത്തിലെ രാഹു
ജ്യോതിഷത്തില്‍ രാഹുവിന് പ്രത്യേക സ്ഥാനമുണ്ട്. അശുഭകരമായ ഫലങ്ങള്‍ നല്‍കുന്ന നിഴല്‍ ഗ്രഹമായി രാഹുവിനെ കണക്കാക്കുന്നു. ഒരു വ്യക്തിയുടെ ജാതകത്തില്‍ രാഹുവുമായി ബന്ധപ്പെട്ട ദോഷങ്ങളുണ്ടെങ്കില്‍, ആ വ്യക്തിക്ക് പല തരത്തിലുള്ള പ്രശ്‌നങ്ങള്‍ നേരിടേണ്ടിവരും. സാമ്പത്തികനഷ്ടത്തോടൊപ്പം ശാരീരികവും മാനസികവുമായ പ്രശ്നങ്ങളിലൂടെ കടന്നുപോകേണ്ടിവരും.

എന്നാല്‍ രാഹു-കേതുക്കള്‍ എപ്പോഴും അശുഭകരമായ ഫലങ്ങള്‍ മാത്രമല്ല നല്‍കാറ്. ഒരു വ്യക്തിയുടെ ജാതകത്തില്‍ രാഹു ഒരു നല്ല ഭാവത്തില്‍ ഇരിക്കുകയും മറ്റ് ഗ്രഹങ്ങളുമായി നല്ല ബന്ധം പുലര്‍ത്തുകയും ചെയ്താല്‍, അത് വ്യക്തിയുടെ ജീവിതത്തിലും നല്ല ഫലങ്ങള്‍ നല്‍കുന്നു.

Disclaimer : ഇവിടെ നല്‍കിയിരിക്കുന്ന വിവരങ്ങള്‍ ഇന്റര്‍നെറ്റില്‍ നിന്ന് ലഭിച്ച പൊതുവായ അനുമാനങ്ങളുടെയും വിവരങ്ങളുടെയും അടിസ്ഥാനത്തിലാണ്. മലയാളം ബോള്‍ഡ്‌സ്‌കൈ ഇത് സ്ഥിരീകരിക്കുന്നില്ല. കൂടുതല്‍ വിശദാംശങ്ങള്‍ക്കായിവിദഗ്ധന്റെ ഉപദേശം സ്വീകരിക്കേണ്ടതാണ്.