ഗണേശചതുര്‍ത്ഥി പൂജാവിധികള്‍

Updated: Thursday, August 20, 2020, 19:15 [IST]

ഗണേശ ചതുര്‍ത്ഥി അഥവാ വിനായക ചതുര്‍ത്ഥി കേരളത്തിനു പുറത്ത് വളരെ വലിയൊരു ആഘോഷമാണ്. കേരളത്തിലും പലയിടങ്ങളിലും ഇത് ചെറിയ തോതില്‍ ആഘോഷിയ്ക്കുന്നുണ്ട്.

ഗണേശ ചതുര്‍ത്ഥിയ്ക്ക് ഗണപതിയെ വീട്ടില്‍ സ്ഥാപിച്ച് പൂജകള്‍ നടത്തി പിന്നീട് ഈ വിഗ്രഹം വെള്ളത്തിലിടുകയാണ് ചെയ്യുന്നത്.

കൃത്യമായ വിധികളോടെ വേണം വിനായക ചതുര്‍ത്ഥിയോടനുബന്ധിച്ച് ഗണപതി വിഗ്രഹം വീട്ടില്‍ സ്ഥാപിയ്ക്കാനും പൂജകള്‍ ചെയ്യാനും. ഇതെക്കുറിച്ചു കൂടുതലറിയൂ,

ഗണേശചതുര്‍ത്ഥി പൂജാവിധികള്‍

ശുക്ലചതുര്‍ത്ഥിയ്ക്ക് ഉച്ചയ്ക്ക് ഒരു മണിയ്ക്കാണ് ഗണപതി ജനിച്ചതെന്നു പറയുന്നു. ഇതുകൊണ്ട് ഗണപതി വിഗ്രഹം സ്ഥാപിയ്‌ക്കേണ്ടത് ഉച്ചയ്ക്കു പന്ത്രണ്ടരയ്ക്കും ഒന്നിനും ഇടയ്ക്കായിരിയ്ക്കണം. വൃത്തിയുള്ളിടത്ത് കൂടുതല്‍ സമയവും കാണാന്‍ പറ്റുന്ന വിധത്തിലായിരിയ്ക്കണം ഗണപതി വിഗ്രഹം സ്ഥാപിയ്‌ക്കേണ്ടത്.