2025-ലെ ആദ്യത്തെ കലാഷ്ടമി; തടസ്സങ്ങള്‍ അകറ്റാനും, ശത്രുശല്യം ഇല്ലാതാക്കാനും 12 രാശിക്കാര്‍ ശ്രദ്ധിക്കേണ്ടവ

എല്ലാ മാസത്തിലും കൃഷ്ണ പക്ഷ ദിവസത്തിലാണ് കലാഷ്ടമി രൂപപ്പെടുന്നത്. ഇന്നേ ദിവസം ഭൈരവ ദേവന്റെ അനുഗ്രഹത്താല്‍ ജീവിതത്തിലെ ഒട്ടനവധി തടസ്സങ്ങള്‍ ഓരോ രാശിക്കാര്‍ക്കും ഇല്ലാതാക്കാന്‍ സാധിക്കുന്നതാണ്. മഹാദേവന്‍ ഭൈരവ രൂപത്തില്‍ പ്രത്യക്ഷപ്പെടുന്ന ദിവസം കൂടിയാണ് കലാഷ്ടമി. ഈ വര്‍ഷത്തെ ആദ്യത്തെ കലാഷ്ടമി ഫെബ്രുവരി 20ന് രൂപപ്പെടുകയാണ്. അതിനാല്‍, കലാഷ്ടമി ദിവസം മഹാദേവനെ ഭൈരവ രൂപത്തില്‍ ആരാധിച്ചാല്‍ നേട്ടങ്ങളും അനവധിയായിരിക്കും. ജീവിത്തതിലെ പ്രതിസന്ധികള്‍ മറികടക്കാനും, പ്രണയത്തിലെ തടസ്സങ്ങള്‍ ഇല്ലാതാക്കാനും, ദാമ്പത്യ പ്രശ്‌നങ്ങള്‍ മറികടക്കാനും കലാഷ്ടമി ദിവസം ശിവക്ഷേത്രത്തില്‍ പ്രാര്‍ത്ഥനകള്‍ നടത്തുന്നത് നല്ലതാണ്. 12 രാശിക്കാരും ഈ ദിവസം എന്തെല്ലാം കാര്യങ്ങള്‍ ചെയ്യണമെന്നും, മഹാദേവന്റെ അനുഗ്രഹത്തിനായി ചെയ്യേണ്ട കാര്യങ്ങള്‍ എന്തെല്ലാമെന്നും നോക്കാം.

Photo Credit: AI

ദാമ്പത്യ പ്രശ്‌നങ്ങള്‍ അകലാന്‍

നല്ലൊരു ദാമ്പത്യ ജീവിതത്തിന് മാതൃകയാണ് ശിവ-പാര്‍വ്വതി മാരുടെ ദാമ്പത്യ ജീവിതം. അതിനാല്‍ തന്നെ, ദാമ്പത്യത്തില്‍ ഏതെങ്കിലും തരത്തില്‍ ബുദ്ധിമുട്ട് നേരിടുന്നവര്‍, പ്രശ്‌നങ്ങള്‍ നേരിടുന്നവര്‍ കലാഷ്ടമി ദിവസത്തില്‍ ശിവ പ്രീതിക്കായി പ്രാര്‍ത്ഥിക്കുന്നത് നല്ലതായിരിക്കും. ഭര്‍ത്താവും ഭാര്യയും ഒരുമിച്ച് ശിവ ക്ഷേത്ര ദര്‍ശനം നടത്തുന്നത് ദാമ്പത്യത്തിലെ പ്രശ്‌നങ്ങള്‍ ഇല്ലാതാക്കാന്‍ സഹായിക്കുന്നതാണ്. ശിവക്ഷേത്രത്തില്‍ പോയി കൂവളത്തിന്റെ മാല അര്‍പ്പിക്കുന്നതും നല്ലതായിരിക്കും. മുന്‍ജന്മത്തിലെ വരെ പാപങ്ങള്‍ തീരാന്‍ ഈ വഴിപാടിലൂടെ സാധിക്കുന്നതാണ്. കൂടാതെ, തിങ്കളാഴ്ച ദിവസത്തില്‍ ഭാര്യയും ഭര്‍ത്താവും ഒരുപോലെ വ്രതം അനുഷ്ഠിക്കുന്നതും വളരെ നല്ലതാണ്. ശിവ മന്ത്രം ഉരുവിടുന്നതും സൗഭാഗ്യങ്ങള്‍ വര്‍ദ്ധിക്കാന്‍ സഹായിക്കും.

പ്രണയം

പ്രണയ ബന്ധത്തിലെ തടസ്സങ്ങള്‍ അകലാന്‍ കലാഷ്ടമി ദിവസത്തില്‍ ഭൈരവന്റെ പ്രിയപ്പെട്ട മൃഗമായ നായകള്‍ക്ക് ആഹാരം നല്‍കുന്നത് നല്ലതാണ്. അതുപോലെ, കലാഷ്ടമി ദിവസത്തില്‍ ശിവ ക്ഷേത്ര ദര്‍ശനം നടത്തുന്നക. ശിവ മന്ത്രങ്ങള്‍ ജപിക്കുന്നത് നല്ലതാണ്. പങ്കാളികള്‍ ഒരുമിച്ച് ശിവക്ഷേത്ര ദര്‍ശനം നടത്തുന്നത് നല്ലതായിരിക്കും. അതുപോലെ, ശിവനും പാര്‍വ്വതിയും ഒരുമിച്ചിരിക്കുന്ന ക്ഷേത്രങ്ങളില്‍ ദര്‍ശനം നടത്തുന്നത് കൂടുതല്‍ ഫലം നല്‍കുന്നതാണ്. വ്രതം എടുക്കുന്നത് നടത്താണ്. ശിവക്ഷേത്രത്തില്‍ പോയി ഗണപതിയ്ക്ക് വഴിപാട് നേരുന്നതും നല്ലതാണ്.

ഭൈരവ ദേവന് സമര്‍പ്പിക്കേണ്ടത്

ഭൈരവ ക്ഷേത്രത്തില്‍ ദര്‍ശനം നടത്തുന്നത് നല്ലതായിരിക്കും. ഇന്നേ ദിവസം ഭൈരവ ക്ഷേത്രത്തില്‍ പോയി കര്‍പ്പൂരം, കണ്‍മഷി എന്നിവ അര്‍പ്പിക്കുന്നത് ജീവിതത്തിലെ തടസ്സങ്ങള്‍ അകലാന്‍ സഹായിക്കുന്നതാണ്. ജോലിയിലെ തടസ്സങ്ങള്‍ അകലാനും, ജീവിതത്തില്‍ സന്തോഷം നല്‍കാനും വീട്ടില്‍ നിന്നും നെഗറ്റീവ് എനര്‍ജി ഇല്ലാതാക്കാനും ഭൈരവന്‍ സഹായിക്കുന്നതാണ്. പ്രണയത്തിലെ തടസ്സങ്ങള്‍ അകറ്റാന്‍ എള്ള്, ഉഴുന്ന്, നാളികേരം എന്നിവ സമര്‍പ്പിക്കുന്നതും നല്ലതാണ്. രാവിലെയും വൈകീട്ടും വിളക്ക് തെളിയിച്ച് പ്രാര്‍ത്ഥിക്കുന്നതും നല്ലതാണ്.