സീതയെക്കുറിച്ച്‌ ഇതെല്ലാം അറിയുമോ?

സീതയെക്കുറിച്ച്‌ ഇതെല്ലാം അറിയുമോ?

സീത എന്ന പേരിന്‍റെ ഉത്ഭവം ഉഴവുചാല്‍ എന്ന സംസ്കൃത വാക്കില്‍ നിന്നാണ്. പാടത്ത് ഉഴുതുന്നതിനിടെയാണ് ജനക രാജാവിന് സീതാദേവിയെ ലഭിച്ചത് എന്നതാണ് ഇത് സൂചിപ്പിക്കുന്നത്. ഭൂമിയുടെ സമ്പുഷ്ടിയുടെ ദേവതയുമായും ഇത് ബന്ധപ്പെട്ടിരിക്കുന്നു.

സീതയെക്കുറിച്ച്‌ ഇതെല്ലാം അറിയുമോ?

സീത ഭൂമിദേവിയുടെ മകളാണെന്നും പറയപ്പെടുന്നു. ഭര്‍ത്താവായ രാമനൊപ്പമുള്ള വനത്തിലെ ഒളിവ് ജീവിത കാലത്ത് വൈദേഹി എന്നും സീത അറിയപ്പെട്ടിരുന്നു.

സീതയെക്കുറിച്ച്‌ ഇതെല്ലാം അറിയുമോ?

സീതാദേവിയുടെ ജനനസ്ഥലം ഒരു തര്‍ക്ക വിഷയമാണ്. ദക്ഷിണ നേപ്പാളിലെ മിഥിലയിലുള്ള ജനക്പൂരാണെന്ന് ചിലര്‍ പറയുമ്പോള്‍, ബീഹാറിലെ സീതാമര്‍ഹിയാണെന്ന് ചിലര്‍ പറയുന്നു.

സീതയെക്കുറിച്ച്‌ ഇതെല്ലാം അറിയുമോ?

തപസ്സ് ചെയ്യുന്ന അവസരത്തില്‍ രാവണാല്‍ പീഡിപ്പിക്കപ്പെട്ട വേദവതിയുടെ അവതാരമാണ് സീതയെന്നും ഒരു വിശ്വാസമുണ്ട്. വിഷ്ണുഭഗവാന്‍റെ ഭാര്യയാകാന്‍ വേണ്ടിയായിരുന്നു വേദവതിയുടെ തപസ്സ്. അടുത്ത ജന്മത്തില്‍ താന്‍ രാവണന്‍റെ മരണകാരണമാകുമെന്ന് വേദവതി ശപിച്ചു.

സീതയെക്കുറിച്ച്‌ ഇതെല്ലാം അറിയുമോ?

പുരാണങ്ങള്‍ പ്രകാരം രാവണനും, മണ്ഡോദരിക്കും ജനിച്ച ആദ്യ സന്താനമാണ് സീത. മണ്ഡോദരിക്ക് ജനിക്കുന്ന ആദ്യത്തെ കുട്ടി രാവണന്‍റെ സാമ്രാജ്യത്തിന്‍റെ പൂര്‍ണ്ണമായ തകര്‍ച്ചക്ക് കാരണമാകുമെന്ന് ജ്യോതിഷികള്‍ പ്രവചിച്ചിരുന്നു. ഇക്കാരണത്താല്‍ രാവണന്‍ സീതയെ അകലെ എവിടെയെങ്കിലും കൊണ്ടുപോയി കളയാന്‍ ആവശ്യപ്പെടുകയും ചെയ്തു. സീതയെ കണ്ടെടുത്ത ജനക രാജാവും ഭാര്യയും അവളെ മിഥിലയിലെ രാജകുമാരിയാക്കി മാറ്റി.

സീതയെക്കുറിച്ച്‌ ഇതെല്ലാം അറിയുമോ?

രാമായണത്തിന്‍റെ ചില പതിപ്പുകളില്‍ മായ സീത(സീതാദേവിയുടെ മായാരൂപം)യെക്കുറിച്ചുള്ള പരാമര്‍ശമുണ്ട്. ഇതനുസരിച്ച് രാവണന്‍ മായാ സീതയെയാണ് തട്ടിക്കൊണ്ട് പോയത്. യഥാര്‍ത്ഥ സീത അഗ്നി ദേവനൊപ്പം പാര്‍വ്വതി ദേവിയുടെ അടുക്കലേക്ക് അഭയാര്‍ത്ഥിയായി പോയി. പിന്നീട് യുദ്ധം അവസാനിച്ചപ്പോള്‍ ശ്രീരാമന് അടുത്തേക്ക് മടങ്ങി വരുകയും, മായാസീത അടുത്ത ജന്മത്തില്‍ ദ്രൗപദിയായി പുനര്‍ജ്ജനിക്കുകയും ചെയ്തു എന്നാണ് ഒരു ഭാഷ്യം.