ഗണപതി ഭഗവാന് മൂന്നു നാള്‍ നാരങ്ങാമാലയെങ്കില്‍....

കറുക

കറുക ഗണപതിയ്ക്ക് ഏറെ പ്രിയപ്പെട്ട വഴിപാടാണ്. കറുകമാല പ്രധാനപ്പെട്ട ഗണേശ വഴിപാടുകളിലൊന്നും. വിഘ്‌നങ്ങള്‍, അതായത് തടസങ്ങ്ള്‍ നീക്കാന്‍ ഇത് ഏറെ നല്ലതാണ്.

തേങ്ങയുടയ്ക്കല്‍

ഇതുപോലെ തന്നെ ഗണപതിയ്ക്കു തേങ്ങയുടയ്ക്കല്‍ തടസങ്ങള്‍ തീരാന്‍ സാധാരണ ചെയ്യുന്ന മറ്റൊരു വഴിപാടാണ്. കാര്യസാധ്യത്തിനു പോകും മുന്‍പ് ഇതു ചെയ്യുന്നത് ഗുണം നല്‍കും.

മുക്കുററി മാല

മുക്കുററി മാല ഗണപതിയ്ക്കു പ്രിയപ്പെട്ട മറ്റൊരു വഴിപാടാണ്. ഇത് സന്തുഷ്ട ദാമ്പത്യത്തിനും ദാമ്പത്യത്തിന്റെ ഉറപ്പിനും വേണ്ടി ചെയ്യുന്ന വഴിപാടാണ്. കറുക, മുക്കുററി എന്നിവ മാലയല്ലാതെ ഗണപതിയ്ക്കു സമര്‍പ്പിയ്ക്കുന്നതും ഗണപതിയെ പ്രസാദിപ്പിയ്ക്കുവാന്‍ ഉത്തമമാണ്.

രോഗശാന്തിയ്ക്കായി

കുട്ടികളുടെയും മുതിര്‍ന്നവരുടേയും രോഗശാന്തിയ്ക്കായി കറുക കൊണ്ട് ഗണപതിയ്ക്കു ഹോമം നടത്തുന്നതും നല്ലതാണ്. പ്രത്യേകിച്ചും ബാലാരിഷ്ടതകള്‍ മാറുവാനായി ഇത് ഉത്തമമായ വഴിപാടുമാണ്.

നാരങ്ങാമാല

ആഗ്രഹ സാഫല്യത്തിനായി ഗണേശ ഭഗാവന് നടത്തുന്ന വഴിപാടാണ് നാരങ്ങാമാല വഴിപാട്. 18 നാരങ്ങാ വീതം മാല കെട്ടി മൂന്നു ദിസം അടുപ്പിച്ചു ഭഗവാന് ചാര്‍ത്തുക. പക്കപ്പിറന്നാള്‍ വരുന്നതിന് രണ്ടു ദിവസം മുന്‍പായി തുടങ്ങുക. മൂന്നാം ദിവസം അതായത് പക്കപ്പിറന്നാളിന് അന്നായി മൂന്നാമത്തെ മാലയും സമര്‍പ്പിച്ച് ആളുടെ പേരിലും നാളിലും വിഘ്‌നഹരസ്‌തോത്ര പുഷ്പാഞ്ജലി നടത്തുകയോ വിഘ്‌നഹര സ്‌തോത്രം ചൊല്ലി മുക്കുററ്ി അര്‍പ്പിയ്ക്കുകയോ ചെയ്താല്‍ ഗുണം ലഭിയ്ക്കും.

ഗണപതിയ്ക്ക് ഏത്തമിടുന്നതും

ഗണപതിയ്ക്ക് ഏത്തമിടുന്നതും പ്രധാനമാണ്. ഇതിന് പല വിധ ഗുണങ്ങളാണ് ഉള്ളത്. കുറഞ്ഞത് മൂന്നു തവണ ഏത്തമിടുക. 12 തവണ ഏത്തമിടല്‍ പെട്ടെന്നു വിവാഹം നടക്കാന്‍, 21 തവണ ഏത്തമിടല്‍ സമ്പത്തും സമൃദ്ധിയും ജോലിയില്‍ ഉയര്‍ച്ചയും, 41 തവണ ഏത്തമിടല്‍ മരണാസന്നരായവര്‍ക്കു വരെ രോഗശാന്തിയും എ്ന്നാണ് വിശ്വാസം.

കണ്ണുകള്‍ തുറന്നു വച്ചു വേണം

കണ്ണുകള്‍ തുറന്നു വച്ചു വേണം, ഏത്തമിടാന്‍. ഇടതു കാല്‍ നിലത്തൂന്നി വലതു കാല്‍ ഇടതു കാലിനു മുകളിലൂടെ ഇടതു വശത്തു പെരുവിരല്‍ മാത്രം ഊന്നി ഇടതു കൈ വലതു ചെവിയിലും വലതു കൈ ഇടതു കൈയ്ക്കു മുകളിലൂടെ വലതു ചെവിയിലും പിടിച്ച് നടു വളച്ചു കുനിഞ്ഞാണ് ഏത്തമിടേണ്ടത്.