വിവാഹ തടസ്സത്തിന് കാരണം ഈ ദോഷമോ, ചൊവ്വാദോഷം അകറ്റാന്‍ ഈ പരിഹാരം

എന്താണ് വിവാഹ ദോഷം

എന്താണ് വിവാഹ ദോഷം എന്ന് പലര്‍ക്കും അറിയില്ല. എന്നാല്‍ ഒരു വിഭാഗം ആളുകള്‍ക്ക് ഇതിനെക്കുറിച്ച് ചെറിയ ചില ധാരണകള്‍ വന്നിട്ടുണ്ട്. ഇത് ചൊവ്വയുമായി ബന്ധപ്പെട്ടതാണെന്നും ദാമ്പത്യത്തില്‍ തടസ്സമുണ്ടാക്കുമെന്നും പലര്‍ക്കും അറിയാം. എന്നിരുന്നാലും, ഇതിനെക്കുറിച്ച് നന്നായി മനസിലാക്കുന്നതിനും അതുമായി ബന്ധപ്പെട്ട പരിഹാരങ്ങളെക്കുറിച്ചും കൂടുതല്‍ അറിയുന്നതിന് വേണ്ടി വായിക്കൂ. ജ്യോതിഷ പ്രകാരം പറയുന്നതനുസരിച്ച്, ഒരു വ്യക്തിയുടെ ജനനം ജാതകത്തിന്റെ 1, 2, 4, 7, 8, 12 ഗ്രഹങ്ങളില്‍ ചൊവ്വാഗ്രഹത്തിന്റെ സ്ഥാനമാണ് മംഗല്യ ദോഷം കാണിക്കുന്നത്.

ഒന്നാം ഗ്രഹത്തില്‍ ദോഷമെങ്കില്

പെണ്‍കുട്ടിയുടെ ജാതക പ്രകാരം ലഗ്‌നം അല്ലെങ്കില്‍ ആദ്യ ഗൃഹത്തില്‍ മംഗല്യ ദോഷമെങ്കില്‍ ദമ്പതികള്‍ക്കിടയില്‍ ശാരീരിക ആക്രമണത്തിനുള്ള സാധ്യതയിലേക്ക് നയിക്കുന്നു. അത്തരം നിമിഷങ്ങള്‍ ഒരു വ്യക്തിയെ സമ്മര്‍ദ്ദത്തിലാക്കുകയും പിരിമുറുക്കം വര്‍ദ്ധിപ്പിക്കുകയും ചെയ്യുന്നതിനാല്‍, വേര്‍പിരിയാനുള്ള സാധ്യത സാധാരണയായി ഉയര്‍ന്ന ഭാഗത്താണ്.

രണ്ടാം ഗൃഹത്തില്‍

രണ്ടാമത്തെ ഗൃഹത്തിലാണ് മംഗല്യ ദോഷമെങ്കില്‍ ഇത് പങ്കാളിയുടെ മരണവുമായി ബന്ധപ്പെട്ടിരിക്കുന്നു. എന്നിരുന്നാലും, അതില്‍ കൂടുതല്‍ കാര്യങ്ങളുണ്ട്. രണ്ടാമത്തെ ഗൃഹത്തിലെ ചൊവ്വ ഒരാളുടെ പ്രൊഫഷണല്‍ നിലയെ തടസ്സപ്പെടുത്തിയേക്കാം. അതത് തൊഴിലുകളില്‍ മികവ് പുലര്‍ത്തുന്നതില്‍ ദമ്പതികള്‍ക്ക് ബുദ്ധിമുട്ടുകള്‍ നേരിടേണ്ടിവരാം. കൂടാതെ, പണം ലാഭിക്കാനുള്ള നിങ്ങളുടെ പ്രവണത ഉണ്ടായിരുന്നിട്ടും, നിങ്ങള്‍ക്ക് സമ്പാദ്യവുമായി ബന്ധപ്പെട്ട പ്രശ്‌നങ്ങള്‍ നേരിടേണ്ടിവരാം.

നാലാമത്തെ ഗൃഹത്തിലെങ്കില്‍

വീണ്ടും, ജാതകത്തിന്റെ നാലാമത്തെ വീട്ടിലാണ് ചൊവ്വയുടെ ആധിപത്യമെങ്കില്‍ പ്രൊഫഷണല്‍ രംഗത്തെ ഒരാളെ അത് സാരമായി ബാധിച്ചേക്കാം. ഒരു ബന്ധത്തിലെ രണ്ട് ആളുകള്‍ക്ക് വിഷമകരമായ സമയങ്ങളില്‍ പരസ്പരം പിന്തുണയ്ക്കാന്‍ ബുദ്ധിമുട്ടായിരിക്കും. കൂടാതെ, നാലാം വഗൃഹത്തില്‍ ചൊവ്വ ഉള്ളപ്പോള്‍ കുടുംബ ഇടങ്ങളിലെ പ്രശ്നങ്ങള്‍ ഒരു നിരന്തര സാധ്യതയാണ്.

ഏഴാമത്തെ ഗൃഹത്തിലെങ്കില്‍

ഏഴാമത്തെ ഗൃഹത്തിലാണ് ചൊവ്വാ ദോഷമെങ്കില്‍ ഒരു വ്യക്തിയെ പ്രകോപിപ്പിക്കാനും ഉയര്‍ന്ന ദേഷ്യത്തിനും ഈ ഭാവം കാരണമാകുന്നു. ഈ സ്വഭാവം കുടുംബത്തിലെ കുട്ടികളെയും മൊത്തത്തിലുള്ള ബന്ധത്തെയും ദോഷകരമായി ബാധിക്കുന്നു. കൂടാതെ, ഏഴാമത്തെ ഗൃഹത്തില്‍ ചൊവ്വയുള്ള വ്യക്തി പ്രകൃതിയോടിണങ്ങി ജീവിക്കുന്നതിന് താല്‍പ്പര്യപ്പെടുന്ന വ്യക്തിയാണ്.

എട്ടാം ഗൃഹത്തില്‍

നിങ്ങളുടെ ജാതകത്തില്‍ എട്ടാമത്തെ ഗൃഹത്തിലാണ് ചൊവ്വയെങ്കില്‍ വളരെ അലസവും അശ്രദ്ധവുമായ പെരുമാറ്റമായിരിക്കും നിങ്ങളുടേത് എന്നതാണ്. ഇവരുടെ പങ്കാളി പലപ്പോഴും സാമ്പത്തിക കാര്യങ്ങളില്‍ മാത്രം ശ്രദ്ധിക്കുന്നയാളായിരിക്കണം. അതുകൊണ്ട് ശ്രദ്ധിക്കണം.

പന്ത്രണ്ടാം ഗൃഹത്തില്‍

ജാതകത്തിലെ പന്ത്രണ്ടാം ഗൃഹത്തില്‍ ചൊവ്വയാണെങ്കില്‍ ഇവര്‍ക്ക് ധാരാളം ശത്രുക്കള്‍ ഉണ്ടായിരിക്കണം. വീട്ടിലെ ആശങ്കാജനകമായ അന്തരീക്ഷത്തിലേക്ക് നയിക്കുന്ന മാനസിക ക്ലേശങ്ങളും വ്യക്തിക്ക് അനുഭവപ്പെടും. പന്ത്രണ്ടാം ഗൃഹത്തില്‍ ചൊവ്വയുള്ള ഒരു സ്ത്രീക്ക് ലൈംഗിക പെരുമാറ്റങ്ങളോടുള്ള ആസക്തി കൂടുതലാണ്, അത് ശമിപ്പിച്ചില്ലെങ്കില്‍, അത് ബന്ധത്തില്‍ പ്രശ്‌നങ്ങളുണ്ടാക്കും.

പരിഹാരങ്ങള്‍

ഏത് തരത്തിലുള്ള മംഗല്യ ദോഷമാണ് നിങ്ങള്‍ അനുഭവിക്കുന്നതെന്ന് കണ്ടെത്തിക്കഴിഞ്ഞാല്‍, അവയെ പ്രതിരോധിക്കാന്‍ ചില മാര്‍ഗ്ഗങ്ങളുണ്ട്. മംഗല്യ ദോഷ പരിഹാരത്തിനായി ഗണപതിക്ക് മാല, പൂക്കള്‍ എന്നിവ അര്‍പ്പിക്കുന്നത് നല്ലതാണ്. അതിരാവിലെ ഉയര്‍ന്ന് ''ഓം ഗം ഗണപതയ് നമ'' 108 തവണ ചൊല്ലാവുന്നതാണ്. എല്ലാ മാസവും ആദ്യത്തെ ചൊവ്വാഴ്ച ഉപവസിക്കുന്നതും ഹനുമാനോട് പ്രാര്‍ത്ഥിക്കുന്നതും മംഗല്യ ദോഷത്തിന്റെ ദോഷകരമായ ഫലങ്ങള്‍ മറികടക്കാന്‍ സഹായിക്കും.

പരിഹാരങ്ങള്‍

ദുര്‍ഗ്ഗാ ദേവിയുടെ വിഗ്രഹത്തിന് മുന്നില്‍ പ്രാര്‍ത്ഥിച്ചാല്‍ നിങ്ങള്‍ക്ക് മംഗല്യ ദോഷം ഇല്ലാതാക്കാം. ഇത് കൂടാതെ പക്ഷികള്‍ക്ക് ഭക്ഷണം നല്‍കുന്നതും മംഗല്യ ദോഷത്തിന് പരിഹാരം നല്‍കുന്നു. ഇത്തരക്കാര്‍ 28 വയസ്സിനു ശേഷം വിവാഹം കഴിക്കുന്നത് അത്തരം ആളുകള്‍ക്ക് ഭാഗ്യമാണ്. ഇവര്‍ പവിഴ മോതിരം ധരിക്കുന്നതും നല്ലതാണ്.